Jems 1:24 - The New Testament in the Babanki language

²⁴ A dìʼ no a zhʉ̀ kò a ghə̀ lu fa benə kənki kə ashɨ ghə̀ bè lyèsə̀ jì a ghə̀ yi nkə̀ʼə̀ fa tsu.

Jems 1:24 Iomraidhean Croise

Matìyò 8:27

No ndò sə dìʼ nə̀ kàynə mù sə bèmə la, “Ghèn diʼi nkì wìʼ ko a tè fwof nə̀ mu zhʉ wen lo?”

Ŋwàʼlə̀ Luk 1:66

No məndo a ghə̀ nzhʉ soʼgho a ghèn ghʉ a vəwenə a tyɨm gàʼà la “Wàyn a ghèn le lu kwi ndiʼ ale?” Vəwenə mù yèn no nəmwèʼè la Bobo ndiʼ wen wàyn a ghèn.

Ŋwàʼlə̀ Luk 7:39

Ando wù Falàsi yì a ghə̀ nlaʼà Yesò, nyen kənyʉ̀ akyì sə gàʼà a wen a ngə̀ŋ la, “Wìʼ ghèn tu ndìʼ nshə̀ʼtə̀ ghoʼo, mu ghə̀ kɨ li nkì wùwì ghèn a ghə̀ kùmə̀ wen lə̀ dìʼ wù nyʉ̀ byɨvə.”

1 Tèsàlonyà 1:5

byìʼì ando yes ə ko ə ziʼi ntɨm ə jùŋ kumə Yesò Klistò a ghə̀ŋ to fa chʉ̀. Yes ə diʼi nyʉ̀ ə kaynə və vi a kəzhwì kə Ŋwoʼkə nè a ghə̀ŋ. Ghə̀ ngaʼa kənyʉ̀, kɨ to no la kə diʼ nəmwèʼè. Ghə̀ŋ kɨli ando yes ə ntsi a ghə̀ŋ a ntìntìn. Ntsìnə̀ a ghèn ndiʼ ə nè la ghə̀ŋ ziʼi kənyʉ̀.

Jems 1:23

Wìʼ a ghə̀ zhʉtə̀ kənyʉ̀ kə Nyìngòŋ tò zhʉtə̀ ke ə nè ando kə gàʼà dìʼ tò nə̀ wìʼ a ghə̀ ki wen ə wen a kənki kə ashɨ.

Jems 1:25

No ndò a ghə̀ zhʉ soʼo Nyìngòŋ a diʼi ngesə̀ soʼ a ghə̀ shìsə̀ viʼi fa mbyɨsə bènə̀ fa pfʉ, ə̀ faŋ ə nè ando ə̀soʼ ayi ə kəŋ mu Nyìngòŋ ne bwaʼsə wen no a gho yì a ghə̀ nè. Nki wìʼ aghèn ko zhʉtə̀ kənyʉ̀ kə Nyìngòŋ tò zhʉtə̀ alì ghə̀ mwòmsə̀ ə nghʉ a kəne.

2 Bità 3:11

Ando və diʼ lu nyʉʼ əfo a venə no ə tsèm a ji na ghèn lə̀, ghə̀ŋ lə diʼ ə ntsì ale? Ghə̀ŋ diʼ ku təwen təŋtə a Nyìngòŋ ə be ntsi ntsìnə̀ laynə.