Jems 1:14 - The New Testament in the Babanki language

¹⁴ Mwòmsə̀ lu mbòŋsə̀ vì à wìʼ à zhʉ a təkwòʼtə̀ tə byɨtə wen ə tentə wen la ghə̀ ne nyʉ̀ byɨvə.

Jems 1:14 Iomraidhean Croise

Matìyò 15:18

alì nyʉ̀ vyi a və fʉ̀ fa wìʼ a chʉ̀ dìʼ mu və lù fà wen a tyɨm, à diʼ nyʉ̀ a vyi a və nè la kə wìʼ ndiʼ wu laynə.

Matìyò 15:20

A le nyʉ̀ vyi a və nè kò wìʼ ndiʼ wu laynə ashɨ Nyìngòŋ, a ko diʼ a zhʉ a wìʼ zhɨ kènla ghə̀ shʉ̀ li avu wen ando ntsìnə̀ loʼ vəghəŋ ə kəŋ.”

Matìyò 4:1

Kəzhwì kəŋwoʼkə mù lyɨ̀ Yesò ə dyʉ̀ nə̀ wen a nsè zɨm ndi Deblə̀ mwòmsə wen tsu.

Matìyò 5:28

Ma sə gàʼà à ghə̀ŋ luwen la no ndò a ghə̀ ki wi wìʼ shə̀mtə dìʼ mu ghə̀ tsili nəwen à wen a kwòʼtə̀.

Lumans 7:11

Mbyɨ lobtə mo chò fa a nyʉ̀ yi a əsoʼ chuŋsə mo mu zhwi mo.

Lumans 7:13

A lə diʼ la kəfòkə ə jùŋ kə alə̀ ə boŋsə nè la mà pfʉ mu? Kə ko diʼ ali no fa mpfen! A ə̀ vi nə̀ mbyɨ vi nə̀ əpfʉ̀ a mò. Mbyɨ ne chò fa kəfo kə jùŋ kə, ə vi nə̀ əpfʉ̀ a mò. Kə ə fʉ̀ alə ndiʼ kənàʼ kə mbyɨ kə bayn. Əsoʼ ə diʼ kəfo kì a kə gyàmtə̀ ə diʼ ə làynsə la mbyɨ ə fwàynsə no mwèʼmwèʼ.

Efisyàns 4:22

Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

Hibùlù 3:13

Ghə̀ŋ boŋsə gyamtə tyɨftə təwenə tyəŋtə to mətsi ə tsèm ə zàʼa ando Nyìngòŋ ə bo gaʼa a ghə̀ŋ, ndi kə mbyɨ na lobtə ghə̀ŋ ə ne la ghə̀ŋ to kətʉ.

Jems 1:13

Kə wìʼ à gàʼ a zhʉ a mwòmsə̀ vi à wen la, “A mwòmsə̀ Nyìngòŋ mwòmsə̀ mò la mà ne mbyɨ.” Kənyʉ̀ kə ko zì kə tentə Nyìngòŋ la ghə̀ ne mbyɨ, kò a ndiʼ la nkàntə̀ wen zì ghə̀ mwòmsə̀ wìʼ.

Jems 1:15

Təkwòʼtə̀ tə byɨtə a tèntə mù kwì à wìʼ a tyɨm ə̀ vì nə̀ nyʉ̀ byɨvə. Nyʉ̀ byɨvə avenə nè kwi ə̀ kwʉ̀ʼ və mù vì nə̀ pfʉ.