Filimùyn 1:7 - The New Testament in the Babanki language

⁷ Lèmə̀ ghom, ə koŋə yì a wù kiʼi a viʼi Nyìngòŋ nə̀ ji yi a wù nè vəwenə saŋlə fa tsù ə nè li ma sə saŋlə no nànto, tyɨm ə ghomə be sə totə.

Filimùyn 1:7 Iomraidhean Croise

1 Kolìntyàns 16:18

Vəwenə zhʉsə li ətyɨm ə ghomə ndə̀ŋndəŋ ando vəwenə tə ə̀ zhʉsə təŋtə. Ghə̀ŋ ə ngumlə̀ viʼi to nə̀ nki viʼi a venə.

2 Kolìntyàns 7:13

Ənyʉ̀ a venə ne li tətyɨm ə tyestə sə zhʉtə̀. Yès tə mbe saŋlə no nànto ando yès nyènə Taytùs, ghə̀ saŋlə kumə ji yì a ghə̀ŋ tə gàʼ a wen fa tsù ə bwaʼsə tyɨm əwen kə ne ko ghə̀ be kwoʼ mbyi.

2 Kolìntyàns 7:4

Ma shɨtə kɨ ghə̀ŋ, ma ko momə̀ ghə̀ŋ momə̀. Ma saŋlə no nànto kumə ghə̀ŋ, tyɨm ə ghomə zhʉ̀tə̀ no nànto byìʼì ghə̀ŋ, be boŋsə saŋlə to saŋlə a ntìntìn ngəʼ shisə a yès nyenə.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

1 Tèsàlonyà 2:19

Ma ə kəŋ ə vi a ghə̀ŋ byìʼì ando à diʼ ghə̀ŋ a ghə̀ŋ nè la yes ə kiʼ əkwoʼtə be nè yes saŋlə, diʼ lù fʉ naynə kumə kəfo kì a yes ə lu ə kiʼi azhʉ̀ a Bobo vəghəŋ Yesò bwenə li nvi. A kəfo na kì kə ə diʼ to no ghə̀ŋ?

1 Tèsàlonyà 3:9

Yo wen ə ku kəzòŋ a Nyìngòŋ ə vəghəŋ byìʼì ghə̀ŋ, be ku byìʼì saŋlə yì a ghə̀ nè la yes kɨ byìʼì ghə̀ŋ.

2 Timotì 1:16

Mà jɨ̀mə̀ la Nyìngòŋ diʼ kusə shinsə à viʼi ngwaʼ ə ngə̀ŋ nə̀ Onèsìpholùs byiʼ ando ghə̀ tə nè la ma ə saŋlə. Ghə̀ ko tə ə diʼsə kətʉ la ma dìʼ a ngə̀ŋ mfɨŋ.

Filimùyn 1:20

Lèmə̀ ghom, sensen nè kənyʉ̀ kènkə a ma gàʼà a wù lə a zhiʼi Bobo. Nè mà ə saŋlə a zhiʼi Klistò.

2 Joyn 1:4

Mà tə nsaŋlə̀ no nànto ando mà yenə vunə vyə vətsenvə və dzɨ̀mtə̀ nəmwèʼè tò ando Tìʼ ə̀ ngàʼà à vəghəŋ.