Filimùyn 1:1 - The New Testament in the Babanki language

¹ A nyòʼò mò Bol nyoʼtə ŋwàʼlə̀ ghèn a wù a Filimùyn. Ma diʼ a ngə̀ŋ nfɨŋ byìʼì ando ma tə shwèʼè a Yesò Klistò. Yo Lèmə̀ vəghəŋ wu byɨmə Timotì ə tɨmə ə toŋtə ə wù. Wù diʼ wù ndoŋ ə yès, Yès ə kòŋ wù no nànto, wù shwèʼè a Yesò ndə̀ŋndəŋ to nə̀ yès.

Filimùyn 1:1 Iomraidhean Croise

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

1 Kolìntyàns 3:9

Yès no və tsèm ə tsèntə shyèʼ to a Nyìngòŋ. Ghə̀ŋ diʼ əsɨm Nyìngòŋ be diʼ ngə̀ŋ wen.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Efisyàns 3:1

A diʼ to byìʼì ntsèntə̀ ə vəghəŋ a ghèn a ma jɨ̀mə̀ a Nyìngòŋ ə kùmə̀ ghə̀ŋ. Ma diʼ wù ə nfɨŋ byìʼì shwèʼ yì a Yesò Klistò kù a mò la mà ə shə̀ʼtə̀ ntɨm ə jùŋ a ghə̀ŋ viʼi ətɨm.

Efisyàns 4:1

Ma sensə ghə̀ŋ byìʼì shwèʼ a ghenə a Bobo ne li a vəghəŋ la, ghə̀ŋ ntsi ntsìnə̀sə, a ji yi a Nyìngòŋ ə kəŋ ando ghə̀ dzàŋ shisə ghə̀ŋ fa mbyi. Ghə̀ŋ kɨli la ma diʼ alə̀, diʼ wù ə nfɨŋ byìʼì shwèʼ yì a ma ne a Bobo.

Efisyàns 6:20

Ma diʼ mu və tɨm la mà vi ə shə̀ʼtə̀ ntɨm ə jùŋ a ghèn no tèbe ando, ma diʼi luwen a nfɨŋ. Ghə̀ŋ njɨ̀mə̀ la mà ə̀ shə̀ʼtə̀ to ando ma diʼi ə̀ nshə̀ʼtə̀, ko ma fwàynə̀ tebè kəfo.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Filìbàyns 2:25

Mà yen li kə be bòŋə̀ la mà be bwensə ə̀ tɨ̀m lèmə̀ vəghəŋ ə Èbàfàlòditùs à ghə̀ŋ. Yo wen ə shyèʼè əsoyn be ntem əghoŋ ghenə a muʼu. A dìʼ wù ntɨm a ghə̀ŋ ə ntɨm li la ghə̀ vi ə̀ ngyàmtə̀ mò.

Filìbàyns 4:3

Mà gaʼa à wù a ma ghʉ ə tyɨmə ghomə a wù a yowù tsentə̀ ə̀ shyèʼ a muʼu, Mà kəŋ la wù gyamtə ki venə byìʼe yo vəwenə nshə̀ʼtə̀ ntɨm ə jùŋ amuʼ əboʼsə nə̀ Clemèn bènə̀ viʼi vətsenvə a təzhiʼ tə vəwenə sə̀ diʼ a ŋwàʼlə̀ əbwòŋ.

Kòlòsyàns 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə ntɨm ə Yesò Klistò mu à tsuʼ Nyìngòŋ ando ghə̀ nghʉ. Yo Timotì lèmə̀ vəghəŋ a byɨmə toŋtə ghə̀ŋ.

Kòlòsyàns 4:11

Joshùwà yi a və be toŋtə wen la Justùs li, gàʼ la mà toŋtə ghə̀ŋ. A diʼ to vəwenə viʼi Jus və byɨməvə vi a və shwèʼè yo vəwenə. Ma shwèʼè yo vəwenə ne la viʼi yen əfòynə ə Nyìngòŋ. Vəwenə nè li ma sə diʼ to akayn.

1 Tèsàlonyà 3:2

ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,

2 Tèsàlonyà 1:1

A nyòʼò mò Bol yo Silàs nə̀ Timotì nyoʼtə ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Tìʼ vəghəŋ ə Nyìngòŋ, be diʼ viʼi Bobo Yesò Klistò.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

Filimùyn 1:23

Ebafàlàs əgàʼa la mà toŋtə ə wù. Ghə̀ diʼ a ngə̀ŋ nfɨŋ yo wen byìʼì ando ghə̀ shwèʼè a Yesò Klistò.

Filimùyn 1:24

Viʼi venə ə be tɨmə ətoŋtə a wù. A yi Mak nə̀ Alistakùs nə̀ Demàs nə̀ Luk. Yo vəwenə shwèʼè a kənyʉ̀ kə mùʼ.

Filimùyn 1:9

Ali ma boŋsə sensə wù sensə byìʼì ə koŋə yi a ma kiʼi a wù. Mò Bol, a diʼ nə̀ wù to be diʼ a ngə̀ŋ nfɨŋ byìʼì ando ma shwèʼè a Yesò Klistò.