1 Timotì 1:1 - The New Testament in the Babanki language

¹ A nyòʼò mò Bol, nyòʼo ŋwàʼlə̀ ghèn mu à tsuʼ Nyìngòŋ wenə Yesò Klistò ntsuʼ mo la mà ə ndìʼ wù ə ntɨm ə̀ Yesò Klistò. A dìʼ Nyìngòŋ yì a ghə̀ mbwòŋsə̀ vəghəŋ fa mbyɨsə wenə Yesò Klistò yì a vəghəŋ ə kə̀ʼtə̀ wen, kɨ nəmwèʼè la ghə̀ vì.

1 Timotì 1:1 Iomraidhean Croise

Ŋwàʼlə̀ Luk 1:47

Kəzhwì kom bè saŋlə̀ a Nyìngòŋ ə mbwòŋsə̀ ghomə.

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

1 Kolìntyàns 1:1

A nyòʼò mò Bol nyòʼò ŋwàʼlə̀ ghèn. A tsuʼ Nyìngòŋ ntsuʼ mo fa wen a kòŋ la mà ndiʼ wù ə ntɨm ə Yesò Klistò. Ma nyòʼò ŋwàʼlə̀ ghèn yo lèmə̀ vəghəŋ Sòstinìs.

1 Kolìntyàns 9:17

Mà tə ndiʼ la ma ne shwèʼ a ghenə fa mò a kòŋ, a və ne diʼ ə lòʼò mò. Alì ma sə ne to byìʼì ando à diʼ kənyʉ̀, a ma diʼ ə ne, mu à gàʼ Nyìngòŋ la ma ə ne.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Gàlesìyà 1:11

Vəlemə vwomə a byɨmə, ma kəŋə la ghə̀ŋ ə kɨ la ntɨm ə jùŋ yì a ma shə̀ʼtə̀ ə ko lù fa wìʼ.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

1 Timotì 1:12

Mà ku kəzòŋ à Bobo vəghəŋ Yesò Klistò ando ghə̀ ku kədyòʼ la mà ə nè shwèʼ a ghenə, bè choʼsə mò, mbe tsuʼ mò la ma nshwèʼè a wen.

1 Timotì 2:3

Ghə̀ŋ sətsen ə jɨ̀mə̀ à viʼi a jisə a ghèn, kənyʉ̀ a ki ka boŋ be ne la Nyìngòŋ, ə Mbwòŋsə̀ vəghəŋ ə saŋlə.

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

1 Timotì 4:10

Vəghəŋ ə soynə bè shwèʼè nə̀ kədyòʼ ə kiʼi ntsìnə̀ a ghenə byìʼì ando vəghəŋ ə ghʉ kwòʼtə à Nyìngòŋ yi a ghə̀ tsi. A dìʼ wen a ghə̀ mbwòŋsə̀ viʼi və tsèm, bè bwòŋsə viʼi vyi a və byɨmə a wen.

Taytùs 1:3

Nyìngòŋ ə mbwòŋsə̀ vəghəŋ, ə nè la viʼi nkɨ ntɨm ə wen aghèn a zhʉ yì a ghə̀ nkəŋə, gaʼa la ma ə nshyə̀ʼtə̀ à viʼi.

Taytùs 2:10

Gaʼa à əkòs avenə la kə vəwenə a ntsoŋə fà vətì və shwèʼ və vəwenə, alì la vəwenə diʼ ə mbòŋsə̀ dìʼì à vətì və shyèʼ və vəwenə la vəwenə kwʉʼʉ̀ li ə və nchoʼsə̀ vəwenə ndi və nyenə la əziʼi Nyìngòŋ ə mbwòŋsə̀ vəghəŋ ə bòŋə̀ tò a jisə sə̀tsèm.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Taytùs 3:4

alì no a zhʉ̀ kò a njùŋ bènə̀ ə̀kòŋ ə Nyìngòŋ ə mbwòŋsə̀ vəghəŋ ə̀ mfʉ

Taytùs 3:6

Nyìngòŋ ə̀ nkuli kəzhwì kə ŋwoʼkə no kə ghoʼo à vəghəŋ əchò fà Yesò Klistò ə mbwòŋsə̀ vəghəŋ.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

Ŋwàʼlə̀ Jud 1:25

Vəghəŋ ə nkuʼsə Nyìngòŋ. A diʼ tò Nyìngòŋ mùʼ a ghə̀ diʼi Nyìngòŋ. A bwòŋsə̀ Nyìngòŋ bwòŋsə̀ vəghəŋ chò fa Yesò Klistò ə Bobo vəghəŋ. Ghoʼsə ndiʼ a Nyìngòŋ nə̀ gumlə. Nyìngòŋ a ghə̀ soʼo vəghəŋ ə diʼ fòyn, kiʼ kədyòʼ to məzhʉ̀ ə tsèm. Nyʉ̀ a venə no tsèm ndìʼ, diʼ luwen, diʼ lu ndiʼ to li no mənzhʉ̀ ntsèm. Amèyn.