1 Bità 4:2 - The New Testament in the Babanki language

² Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.

1 Bità 4:2 Iomraidhean Croise

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Matìyò 20:4

Ghə̀ gàʼ à vəwenə la, Ghə̀ŋ fʉ dyʉ̀ nshwèʼè à mò a sɨm ndi ne sə mpfwo mà lòʼ ghə̀ŋ no nə̀ ghò yì a ghə̀ kwʉʼʉ̀.

Matìyò 21:31

Yesò mù bèm à vəwenə la, “A lè ne wàyn ko fa ntìntìn vunə vi vəbò nè kənyʉ̀ kì a tìʼ vəwenə nkəŋə a? Vəwenə bwènsə̀ la. ‘A ne wù mbì.’ Yesò mù gàʼ la, ‘Mà gàʼà a ghə̀ŋ’ nəmwèʼè la, viʼi vyi a və tinə kənsè bènə̀ njèʼtə̀sə lu kwen a soʼ Fòyn Nyìngòŋ à ghə̀ŋ a mbì.”

Matìyò 7:21

“A ko diʼ viʼi və tsèm a və a laʼtə tò alə̀ dzàŋ mo la ‘Bobo, Bobo,’ a və lə kwen akəshi yi a Nyìngòŋ ə soʼo əfòyn ə wen tsu a kaŋ. A lə kwenə tò vyi a və dzàŋ ali bè ne to ando kwòʼtə ə Tìʼ ghom a kaŋ ə kəŋ.

Ŋwàʼlə̀ Mak 3:35

No ndò a ghə̀ ne kənyʉ̀ kì a Nyìngòŋ kəŋə dìʼ lèmə̀ ghom, wùwì nə̀ wulɨm à bè dìʼ lì ghom.”

Ŋwàʼlə̀ Mak 7:21

Kwòʼtə̀ byɨghə fʉ̀ tò fà wìʼ a tyɨm a ghə̀ nè la ghə̀ nè ngʉ̀ʼ byɨvə, nè la ghə̀ ndzɨ̀mtə̀ ki, tsoŋə, zhwilə̀ viʼi,

Joyn 1:13

Vəwenə ko ə kaʼkə a vunə Nyìngòŋ a ji yi a wìʼ nə̀ kòŋ ə bwi vunə fa tsu, a ndiʼ to əghʉ̀nə̀ Nyìngòŋ la vəwenə ndiʼ vunə wen.

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Lumans 14:7

Wìʼ ko diʼ a vəghəŋ a ntìntìn a ghə̀ tsi to byìʼì wenə wen, ko wìʼ diʼ a ghə̀ pfʉ, to byìʼì wen nə̀ wen.

Lumans 6:11

Kə le diʼi la ghə̀ŋ diʼ ə lyɨ̀ la ghə̀ŋ boŋ li pfʉ a mbyɨ, ko mbyɨ ə be kiʼi kənyʉ̀ kətsen kə ə nè kumə ghə̀ŋ, vye və Yesò Klistò na ə tsi luwen ə kùʼsə to Nyìngòŋ.

Lumans 6:2

Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

2 Kolìntyàns 5:15

Yesò ə mpfʉ̀ to a viʼi və tsèm ndiʼ viʼi sə ntsi ko və be ntsi a ji yi a vəwenə kòŋ, ali ntsi to byìʼì Yesò. Kə diʼ alə̀ byìʼì ando Yesò mpfʉ̀ byìʼì vəwenə və bwensə lùsə̀ wen fa pfʉ̀.

Efisyàns 2:3

Vəghəŋ vətsèm ə ntsi to nə̀ viʼi və byɨvə a venə fa ambì, ne to nyʉ̀ ə byɨvə vyi a njòsə əwen ə vəghəŋ sə kòŋ, a fwomə tèbe ghò a vəghəŋ, vəghəŋ ne to ne ando əkwoʼtə ə̀ vəghəŋ kəŋ. Mbyɨ a sensə ndiʼ nè Nyìngòŋ kù ə ngəʼ a vəghəŋ ando ghə̀ ndiʼ ə kù a viʼi mbyi.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Efisyàns 5:17

Kə ghə̀ŋ ne ntsi to nə̀ nkoynə. Ali ghə̀ŋ mwomsə ə kɨ nyʉ̀ vyi a Bobo ə kəŋ la ghə̀ŋ ə nè.

Efisyàns 6:6

Kə ghə̀ŋ a zhʉ fa vəwenə to azhʉ̀ a və yenə ghə̀ŋ byìʼì ando ghə̀ŋ kəŋ la və ə kɨ la ghə̀ŋ shwèʼè akàyn. Ghə̀ŋ ə̀ zhʉ to fa vəwenə to nə̀ viʼi shwèʼ ə Klistò, to ndə̀ŋndəŋ ando Nyìngòŋ ə kəŋ.

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

Kòlòsyàns 3:3

byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

1 Tèsàlonyà 5:18

A nə̀ fʉ̀ no tèbe ghò, ghə̀ŋ ə ku to kəzòŋ a Nyìngòŋ. A le nyʉ̀ vyi a Nyìngòŋ ə kəŋ la ghə̀ŋ ə nè byìʼì ando ghə̀ŋ və Yesò Klistò diʼ to muʼ.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

1 Bità 1:14

Ghə̀ŋ ə nzhʉ to fa Nyìngòŋ. Kə ghə̀ŋ be ne nyʉ̀ vyi a njòsə wen ə ghə̀ŋ sə ə kəŋ la ghə̀ŋ ə nè to ando ghə̀ŋ ə nè a tʉʼ a ghə̀ŋ nko tɨmə kɨ Nyìngòŋ.

1 Bità 2:1

Nyìngòŋ sə diʼ mù ghə̀ ku li ntsìnə̀ ə fi a ghə̀ŋ. Ghə̀ŋ maʼa li tətyɨm təbyɨtə nə̀ kənlobtəkə nə̀ kəmbàŋmbàŋ kə, nə̀ kəghəʼ kə nə̀ gaʼa ə əbyɨghə.

1 Joyn 2:17

Mbi ə chò cho ə boʼsə nə̀ fo vi a viʼi nyɨŋə fà yi bàm. Alì wìʼ yì a ghə̀ nè tò ando Nyìngòŋ ə kəŋə lu faŋ tò ghayn ə̀ mùʼ.