1 Bità 1:1 - The New Testament in the Babanki language

¹ A nyòʼo mò ə Bità, ə wù ə ntɨm ə Yesò Klistò nyòʼo ŋwàʼlə̀ ghèn a ghə̀ŋ ə viʼi Nyìngòŋ vi a ghə̀ ntsùʼ li, mu və dzɨ̀m li shisə vəwenə, vəwenə nsaykə̀ nkaʼ alòʼ ə Bontùs nə̀ Gàlesìyà nə̀ Kàbàdosìyà nə̀ Esìyà nə̀ Bìtinìyà ə sə tsi tsu a nə̀ viʼi a və chò ji.

1 Bità 1:1 Iomraidhean Croise

Matìyò 24:22

Kə diʼ tò la Nyìngòŋ mfaftə̀ li mətsi mə ngəʼ a mèn a bwen alə̀ mu wìʼ ko zi ghə̀ lə̀ bwòŋ. Ghə̀ mfàftə mətsi a mì tò byìʼì viʼi wen vi a və ndiʼ mu ghə̀ tsuʼ li ə̀ ghʉ.”

Matìyò 4:18

Yesò sə jèʼè fa mbyɨ̀ mu Galìlì a kətsi kətsen kə ə yen vəlemə vətsen və bò, à diʼ Simùn yì a və be dzàŋ nə̀ Bità wenə Andɨ̀lò, vəwenə mòʼò dyʉ̀ nə̀ məlàm mə vəwenə mù kutə̀ shʉsə à mù diʼ shwèʼ vəwenə.

Ŋwàʼlə̀ Luk 18:7

A lè a zì a bòŋsə faŋ Nyìngòŋ ke zhʉ̀tə di viʼi wen a və di a wen nə̀nchwì nə̀ nəntʉʼʉ a? Ghə̀ lè zì ghə̀ mu bʉʼsə kətʉ kə wen tò bʉʼsə à vəwenə a?

Joyn 11:52

Ghə̀ ko pfʉ to a vəwenə. Ghə̀ ə̀ pfʉ tamə a kətʉ vunə Nyìngòŋ vyi a və ghəsə li ndiʼ vəwenə bwènsə̀ zhùŋtə̀ vi ndiʼ to kənyʉ̀ kə mùʼ.

Joyn 7:35

Tʉtʉ viʼi Jus vətsenvə sə kayntə to fa vəwenə ngeŋsə bèmə̀ la, “Wìʼ ghèn le kəŋ ə dyʉ̀ fe a vəghəŋ zi kò və lə be yenə wen a? Ghə̀ be kəŋ ə dyʉ̀ a ntə̀ʼ sə tɨm shì a viʼi vəghəŋ tə nyɨŋkə dyʉ̀ tsu, ə nziʼi viʼi tɨm a vyi mu?

Shwèʼ 18:2

Andìʼ ando ghə̀ ndyʉ̀ zaʼa tsu ə̀ yèn wu Jus tsen a və mbwi wen a loʼ Bontùs, zhiʼ wen diʼ Akwilà. Ghə̀ diʼ mu ghə̀ kwʉ̀ʼtə̀ mvi tò vi tsu wenə̀ wì wen Blisilyà. Vəwenə nlù fa Lum a loʼ Italì ə̀ vì tsu byìʼàndo fòyn Klodùs ndìʼ mu ghə̀ chòsə̀ li soʼ la Vəjew fʉ fà Lum no vətsèm. Bol lù dyʉ̀ yèn vəwenə,

Shwèʼ 18:23

ə̀ tsìtə tsu no alə̀. Ghə̀ nè lù fa tsu ə̀ jèʼè chò fa shì tsèm a Galesìyà bènə̀ Fligiya, gyàmtə̀ dyʉ̀ nə̀ ndzɨ̀mtə̀sə bàm Yesò ndi vəwenə nkiʼ tyɨmə toghə a shi aghèn.

Shwèʼ 19:10

Bol nè kənyʉ̀ akì a tì ngwʉ̀ʼsə səbò, Vəjew nə̀ viʼi tɨm vi a və ndìʼ a Asìyà zhʉ kənyʉ̀ byìʼì Bobo.

Shwèʼ 6:9

alì viʼi ngə̀ŋ ntsèntə̀ vətsenvə a və ntoŋtə la, “Ngə̀ŋ ntsèntə̀ viʼi vyi a və ko bè ndìʼi kòs.” Zìtə̀ kəngùmə̀ wenə̀ və Stifèn. Vəwenə ndìʼ mu və fʉ̀ fà ntə̀ʼ Silen nə̀ fa ntə̀ʼ Alèksandìliyà boʼsə nə̀ loʼo Silisiyà bènə̀ fa loʼo Asìyà.

Shwèʼ 8:4

Viʼi vəbyɨməvə vi a və nsàykə̀ lì sə shə̀ʼtə̀ dyʉ̀ tò nə̀ ntɨm jùŋ no fe a vəwenə ndyʉ̀.

1 Kolìntyàns 16:19

Ntsèntə̀ sə viʼi Nyìngòŋ shisə a sə diʼi ashen a Esìyà gàʼ la mà toŋtə ghə̀ŋ. Akwilà wenə Bìsilà nə̀ ntsèntə̀ viʼi və byɨməvə vi a ghə̀ŋ ghaʼa a vəwenə a ngə̀ŋ gàʼ la mà toŋtə ghə̀ŋ no akayn a əzhiʼ ə Bobo.

2 Kolìntyàns 1:8

Yès ə kəŋ la ghə̀ŋ kɨ ngəʼ shisə a yès nyenə a Esìyà a vəlemə vyesə. Yès tə yenə ngəʼ byɨ tsu no nànto ghə̀ cho kədyòʼ kyeskə yès, sə yenə la yès a pfʉkə.

Gàlesìyà 1:2

Yo və vəlemə və byɨmə vì a və diʼ ashen ə tɨmə ətoŋtə a ghə̀ŋ ntsèntə̀sə viʼi və byɨməvə vyi a və diʼi shə ə Gàlesìyà.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.

Efisyàns 2:19

Kə le diʼi la ghə̀ŋ viʼi ətɨm ko be diʼ viʼi və vi və, ghə̀ŋ sə diʼ to viʼi loʼ ə mùʼ vye viʼi Nyìngòŋ, be diʼ viʼi ngwaʼ ngə̀ŋ ə Nyìngòŋ.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”