Ejikele 9:8 - Bibilia Buk na Ŋun nagon koti luŋu a

⁸ A gwe sona, nagon se nyuŋ gwon i tatuja na ŋutu nu, a nan kölökine geleŋ; a nan ’dorone kak rupu, a nan gwine gwien pija adi, Pon MATAT ŊUN, do aje ’bukökiŋdyö woran inot i Yerusalema; do ’diri mo tutukar pitönö liŋ ti ŋutu ti Yisaraele le?

Ejikele 9:8 Iomraidhean Croise

Suluet 18:23

A Abarayama mijörö nyona, a pipije adi, Do ’diri de tukaŋu Ŋutu lo rigwo ko Ŋutu lorok i pirit na geleŋ le?

1 Dekat 21:16

A Dawidi ’bi ’yi konyen kanyit ki a meddi malaikatat lo MATAT gwogwo ’dan i wöli na kak ko ’diko, a nye gwe ko baŋdu kanyit i könin a rikin i Yerusalema loki. A Dawidi ko ŋutu temejik aje jupu boŋgwat terekesi a ’do ’done kak rupu.

Ejira 9:5

A i nu diŋit na konari rubaŋga lo sömukö nu, a nan pine köyö i dujwe, ko boŋgwat kwe ko muit na kerenya kune, a nan ’dorone kak ko kupwat, a nan mamanyaddi ko könisi kwe ko MATAT Ŋun lio yu,

Yeremia 14:13

A kirut nan nyobbi adi, Pon MATAT Ŋun, mete, nebijin a takin kulo ŋutu adi, Ta mo ti meddya baŋdu­jin, a ta mo tine gwon ko dyaŋ, ama Ŋun mo tiŋdu ta i yeŋon si ’da taliŋ i na pirit.

Yeremia 14:19

Do aje paju Yuda asut le? Do ’diri aje man Siona a tömönik le? Ko nyo nagon do gwuddyö yi sona anyen ’dikasin kaŋ gwon ti lik na? Yi a ga ’yu gwon na taliŋ, ama a nene ŋo na ’but gwe a ko po, yi a ga ’yu diŋit tokelet, a kölumbö a gwe a kujönö duma.

Yeremia 4:10

A nan kirut mo ’yi adi, Pon MATAT Ŋun, do ’diri aje mumuluk kilo ŋutu se ko ti Yerusalema i kulya inot adi, Ta mo gwon ko taliŋ, ma ’di nagon baŋdujin a tököki kayaŋ i muruto.

Ejikele 11:13

A ko gwe sona nagon nan gwon i keju nu, a Peletia ŋuro lo Benaya twane twan adi dut. A kirut nan ’dorone kak rupu, a gwine gwien ko gworo lobot adi, Pon MATAT ŊUN, do ’diri tutuŋe tutuŋ pitönö ti ŋutu ti Yisaraele asut le?

Ejikele 4:14

A kirut nan mo ’yi adi, Böŋö pon MATAT ŊUN, nan ’beron a ko toluddya mugun; nan a ko nyesu ŋo nagon twa ka ’de, kode ŋo nagon koa ko gworoŋ; nan a ko sŋoddu lokore na ’burön köyö i kutuk suluja i to ’dit nio tojo ko soŋinana.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Kenet 14:5

A Mose ko Arona ’dorone kak rupu i komor na pepenet liŋ na momoret na ŋutu ti Yisaraele.

Kenet 16:4

a Mose ko yiŋge kine kulya a nye ’dorone kak rupu;

Kenet 16:45

ŋiörö ta kaŋo i kiden na ŋina momoret, anyen nan tutupöddu lepeŋat ’de ’de kijek. A se ’do ’done kak rupu.

Nyökit 9:18

A nan ’dorone kak ko MATAT i komor perok merya Iŋwan mora ko tuparan ko tukwaje gwoso na kokwe nu; nan a ko nyesu kinyo kode möju pioŋ; kogwon nutoron nasu liŋ na toroŋdi ta, i koŋdya na ŋo nagoŋ a naron ko MATAT i komor, i towoŋa na lepeŋ.

Yosua 7:6

A Yosua se ko temejik ti Yisaraele kekereŋdi boŋgwat kase, a ’dorone kak rupu i komor na saŋduk na MATAT a gwe nyu tojo ko sömukö; a se kukuŋe kusik kase koŋutut.