Ejikele 9:6 - Bibilia Buk na Ŋun nagon koti luŋu a

⁶ Tatuje ta, tukaŋi ta se liŋ asut, kweja adi ŋutu muduŋin, ko teton, ko kö ’disi, ko lupudiet se ko ŋutu wate, ama ko ’bo ’yu ta ŋutu logon gwon ko gwuluet kulo. Suluje ta tatuaddu ni köyö i pirit nake na rurwan. Nyena a lepeŋat suluje tatuja ŋutu temejik lo gwon i komor na kadi na ŊUN kulo.

Ejikele 9:6 Iomraidhean Croise

Suluet 4:15

Nyena a MATAT waddi lepeŋ adi, Ko sona, koŋuto logon a tatuja Kaina lo mo rorö paki gwoso daŋin buryo. A MATAT tiŋdi Kaina kweyet, an ŋuto lo ryeŋdu nye lo ko tatuja lepeŋ.

2 Dekat 36:17

Nyena a nye jakiŋdye lepeŋat mor lo Kaledea, logon a rembu teton kase i kadi nase nake na rurwan, a ŋilu mor gwe a kowon konyen ma ’di ko teton kode kö ’disi, ma ’di ŋutu muduŋin kode logon aje doŋga parik; a Ŋun ŋutu kin­dye lepeŋat liŋ kanyit i könisi.

Yuörö 12:23

Kogwon MATAT mo wöröji i jur ’bukuluŋ i tukaŋu na Ŋutu ti Ejipeto; a na meddi nye rima i görit ko i goŋesi murek ti nene kötumit nu, a MATAT mo laŋakiŋdye nu kötumit kak, a tine kölökiŋdyö katukaranit i lupö kasu i kadijik i tatuja na ta.

Yeremia 16:6

ŋutu dumalak ko lo ’di ’dik mo twatwa i lo jur, a se mo tine nuka, a lele ŋuto mo gwe ’bayin lo gwi lepeŋat, kode ’duŋgo mugun, kode ’bariŋdu kwe nanyit kogwon lepeŋat.

Yeremia 25:29

Kogwon mete ta, nan susuluja riŋga köji nagon luŋu ko karin kwe na; ta yeyeju adi ta ŋona ti riŋa le? Ta ti bulö kölöki ’bak riŋa, kogwon nan ŋilo luŋgu merok ko baŋdujin i mörö ko ŋutu liŋ ti kak. Kilo a kulyaesi kwe ti MATAT lo kurumi.

Yeremia 44:7

Nyenagon nan MATAT Ŋun lo kurumi Ŋun lo Yisaraele lo pija adi, Ko nyo nagon ta ’dek jakiŋdya ’börik ŋina delya duma parik? Ko nyo nagon ta ’dek jakiŋdya ’börik ŋina tukaret duma nagon a tukaŋu ŋutu kasu lyan ko nawate, ko lupudiet lo nönöggu se ko ŋwajik i jur lo Yuda, a gwe a ko kölökin ta pitono le?

Yeremia 44:8

Kine kulya mo pokin kasu loki kogwon ta a towoŋa nan i teteŋdya nasu na nyömuejin, i ’yuŋa na bökurön a ti kulye ŋunyen i jur lo Ejipeto, logon ta a po kata i si ’da lo. Ta mo tiŋdu ’börik i tukara, a ta mo gwe a lömit ko a lawet i kiden na jurön liŋ ti kak.

Yeremia 6:11

Nyenagon nan aje jore ko woran na MATAT, nan aje dara i ’debba na ŋina woran. ’Buköki ŋina woran i ŋwajik lo gwon i kikolin, köti ko i teton logon a momora a laŋesi;ŋutu liŋ ko lyan ko wate mo jojoŋa, ma ’di se logon a suluja kwekweja kupir se ko muduŋin.

Yeremia 9:21

Kogwon twan aje kiyuŋdya lukata i kulupitan kaŋ, lepeŋ aje lupe i kadijik kaŋ ti tumatyan, a iŋge ’duŋ lupudiet kak i kikolin, a iŋge ’duŋ teton i piritön terereki.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 9:4

A MATAT takiŋdye lepeŋ adi, Wöröjine i lukata na köji na Yerusalema ’bukuluŋ, wurökiŋdye gwuluet i komorsikan ti ŋutu logon ’du ’duwatu ko dedelya ti ’bön ŋo na mamana na kokona nyu kilo.

Ejikele 9:5

A nan yiŋge lepeŋ takiŋdya kulye ŋutu kulo adi, Kepoddi ta lepeŋ köji kata ko tatuje ta ’bak won na konyen; an ta ko pitökin ta ma ’di ŋuto geleŋ to.

Amosa 3:2

Ta ka ’de logon nan aje den i kiden na juron liŋ ti kak, nyenagon nan mo ririŋ ta kogwon kulya ti toronjin kasu lio.

Luka 12:47

Koliŋonit logon a den ’deket na duma lonyit lo ama a tine teteŋdya ajo, a gwe a ko koŋdya gwoso na ’deggi duma lonyit nu, nye mo ’bi ’bitö kurubasi jore;

Nyökit 2:34

A yi morgi köjinö kanyit liŋ i nu diŋit, a yi tukaŋi asut köjinö liŋ ko ŋutu lyan ko nawate se ko lupudiet lo gwon lukata kulo; yi a ko pitun nene ŋo;

Nyökit 3:6

A yi tukaŋi se asut, kweja adi köjinö liŋ ko ŋutu lyan, ko nawate, se ko lupudiet lo gwon lukata kulo gwoso na konakiŋdye yi Sikon mor lo Kesebon nu.

Nyökit 32:23

A nan mo sosopakiŋdye kulya narok kase loki; a nan mo tutupökiŋdye loya kwe kase;

2 Timoteo 2:19

Ama pipilet logon Ŋun a ’bokakin lo gwogwo ’dan go, a kilo kulyaesi iŋge wuröki nyin, adi, Matat deden ŋutu kanyit. Köti adi, Ti ŋutu lio logon ’diŋdya karin ti Matat kilo kö ’yi toron.

Kweyatti 14:4

Kilo a ŋutu logon a ko toluddö ’börik ko ŋutu wate, kogwon se a tiju ’börik a loke. Lepeŋat wörö i pirit na geleŋ ko ŋilo Kilolor ko nye tu da. Lepeŋat a dakwe i kiden na ŋutu gwoso ludweki waŋesi ti kokwe a ti Ŋun ko a ti ŋilo Kilolor.

Kweyatti 7:3

An ta ko tukar ta kak, kode tör duma na ’balaŋ, kode kaden, tojo yi a jokakiŋdya kweyet i komorsikan ti köliŋönök ti Ŋun likaŋ.

Kweyatti 9:4

A lepeŋat iŋge taki adi ti se gwe ti köŋu döru lo na kak, kode ŋo lorem, kode kaden, ake köŋu ŋutu logon a ko jokaki kweyet na Ŋun kase i komorsikan.

1 Samuele 15:3

Nyenagon iti i rembu na ŋutu ti Amalek, ko tutuŋge asut po liŋ na gwon kase kunu; an do ko pitökin se kwöŋ, ama tatuje ko lyan ko wate, ko ŋwajik ko lupudiet lo nönöggu, ko dwönin ko yidin ko kamilojin ko kaineki.