Ejikele 9:5 - Bibilia Buk na Ŋun nagon koti luŋu a

⁵ A nan yiŋge lepeŋ takiŋdya kulye ŋutu kulo adi, Kepoddi ta lepeŋ köji kata ko tatuje ta ’bak won na konyen; an ta ko pitökin ta ma ’di ŋuto geleŋ to.

Ejikele 9:5 Iomraidhean Croise

1 Moran 18:40

A Eliya kulyani ko lepeŋat adi, Momoke ta nebijin ti Bala; ti lele lose gwe ti wökön asut. A se momorgi lepeŋat; a Eliya joŋgi se kak tojo i loro Kison, a tatuje se nyu.

Yuörö 32:27

A nye kulyani ko lepeŋat adi, MATAT ŋun lo Yisaraele lo kulya adi, Ta liŋ geleŋ geleŋ torakiŋdye ta baŋdujin kasu i mukökö, ko iti ta i mera liŋ suluja i nene kötumit tojo i nene, ko ti ta liŋ geleŋ geleŋ tatuje luŋasirik kasu, ko julin kasu, ko maratejin kasu.

Yisaya 13:18

A se mo gogoroji teton ko daŋin kase; a se mo tine won konyen kolupudiet; a konyen kase mo tine won ko ŋwajik lo ’di ’dik.

Yisaya 22:14

A MATAT lo kurumi kwekiŋdye mugun köyö, a nan yiŋge lepeŋ i kulya adi, ’Diri ŋina toron mo ti pitöki ta tojo ko ta a twatwa, lo a kulyaet liŋ lo MATAT Ŋun lo kurumi.

Yisaya 5:9

MATAT lo kurumi a milyekin köyö i swo adi. ’Diri kadijik jore mo kökölöki a murwöki, ma ’di kadijik dumalak nakwe-kwelen mo gwon kana ’bak ŋutu.

Yeremia 9:21

Kogwon twan aje kiyuŋdya lukata i kulupitan kaŋ, lepeŋ aje lupe i kadijik kaŋ ti tumatyan, a iŋge ’duŋ lupudiet kak i kikolin, a iŋge ’duŋ teton i piritön terereki.

Ejikele 24:14

Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 43:3

A ŋo na met nan köyö i töili kune gwe gwoso na met nan na pöri nye i tukaŋu na köji nu, ko gwoso ŋo na met nan köyö i töili nyona ko kare Kebar kunu; a nan ’dorone kak rupu.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Ejikele 8:18

Nyena nan mo kikitari woran nio i lepeŋat; a nan mo tine pitökin se, a mo tine won konyen ko se kwöŋ. Ma ’di nagon se a gwikin köyö parik a nan mo tine yiŋ se kwöŋ.

Ejikele 9:10

Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

Ejikele 9:4

A MATAT takiŋdye lepeŋ adi, Wöröjine i lukata na köji na Yerusalema ’bukuluŋ, wurökiŋdye gwuluet i komorsikan ti ŋutu logon ’du ’duwatu ko dedelya ti ’bön ŋo na mamana na kokona nyu kilo.

Ejikele 9:6

Tatuje ta, tukaŋi ta se liŋ asut, kweja adi ŋutu muduŋin, ko teton, ko kö ’disi, ko lupudiet se ko ŋutu wate, ama ko ’bo ’yu ta ŋutu logon gwon ko gwuluet kulo. Suluje ta tatuaddu ni köyö i pirit nake na rurwan. Nyena a lepeŋat suluje tatuja ŋutu temejik lo gwon i komor na kadi na ŊUN kulo.

1 Samuele 9:15

A MATAT aje kwekiŋdya Samuele i ŋerot na lor lo ’durökiŋdye Saula lu adi,