Ejikele 9:4 - Bibilia Buk na Ŋun nagon koti luŋu a

⁴ A MATAT takiŋdye lepeŋ adi, Wöröjine i lukata na köji na Yerusalema ’bukuluŋ, wurökiŋdye gwuluet i komorsikan ti ŋutu logon ’du ’duwatu ko dedelya ti ’bön ŋo na mamana na kokona nyu kilo.

Ejikele 9:4 Iomraidhean Croise

Suluet 4:15

Nyena a MATAT waddi lepeŋ adi, Ko sona, koŋuto logon a tatuja Kaina lo mo rorö paki gwoso daŋin buryo. A MATAT tiŋdi Kaina kweyet, an ŋuto lo ryeŋdu nye lo ko tatuja lepeŋ.

2 Moran 22:13

Iti ta, ko piyuŋdye ta ko MATAT i kulya kwe, ko i kulya ti ŋutu, ko i kulya ti Yuda liŋ, kogwon kulyaesi ti na buk nagon aje rye na; kogwon woran na MATAT nagon aje tulekin kayaŋ gwe a duma, kogwon merenyejin kaŋ a ko yiŋ kulyaesi ti na buk, anyen koŋdya gwoso i ŋo liŋ nagon a wuröki yi.

Saumajin 119:136

Konyen kwe lelek ko politan gwoso karya, kogwon ŋutu a ko ’debba saresi kulök.

Saumajin 119:53

Woran na pape a mok nan kogwon kulya ti ŋutu lorok logon ŋaju saresi kulök kulo.

Yuörö 12:13

a kine rima mo gwe a kweyet kasu i kadijik na gwoŋdi ta kine; a na meddi nan kine rima nu, a nan mo laŋaddi laŋaddu kasu, a nene tomiet na tatatuja mo tine ’dukin kasu ki na tukaŋi nan jur lo Ejipeto nu.

Yuörö 12:23

Kogwon MATAT mo wöröji i jur ’bukuluŋ i tukaŋu na Ŋutu ti Ejipeto; a na meddi nye rima i görit ko i goŋesi murek ti nene kötumit nu, a MATAT mo laŋakiŋdye nu kötumit kak, a tine kölökiŋdyö katukaranit i lupö kasu i kadijik i tatuja na ta.

Yuörö 12:7

A se ködyö ’dumuŋdye kunie rima a ’bulukiŋdye se i kaden goŋesi murek ti kötumitön ko i görit na ki i kadijik na nyesi se kilo yisi kata kunu.

Yisaya 57:15

Kogwon nan, lo gwon ki pajo, nan si ’da ŋupi, logon karin kwe luŋu a Loke. Nan kulya adi, Nan gwogwolor ki i pirit nake na rurwan, i pirit na geleŋ ko ŋutu logon ködudwölön kase a muyukaji kak kö a lokoyokak, i torujo na ködudwölön ti ŋutu lokoyokak, ko i torujö na töilyet ti ŋutu lo muyukaji kak.

Yeremia 13:17

Ama ko ta mo ti ’bon yiŋga, nan mo gwigwien a Iwon kogwon ’du ’duŋga nasu; a konyen kwe mo ’buŋge a ŋolitan parik ’bak goggu, kogwon teŋ na yidin ti MATAT aje momokaji.

Ejikele 21:6

Nyenagon ŋuro lo ŋuto, delyani ko ’du ’duatu; ’duani ’dua kogwon töili a ’beleŋo ko kulya, ’duani kogwon delya na pötwör a lepeŋat memeddya.

Ejikele 6:11

MATAT ŊUN lo kulya sona adi, Ta kötumit na Yisaraele, naŋgi ta könisi kasu, lame ta lam ko delya, luluje ta adi, Wöidiö! kogwon konesi liŋ narok na mamana na kon ta kune; kogwon ŋutu kasu mo tatua ko baŋdujin, ko dyaŋ, se ko twanti iŋgo.

Ejikele 9:5

A nan yiŋge lepeŋ takiŋdya kulye ŋutu kulo adi, Kepoddi ta lepeŋ köji kata ko tatuje ta ’bak won na konyen; an ta ko pitökin ta ma ’di ŋuto geleŋ to.

Ejikele 9:6

Tatuje ta, tukaŋi ta se liŋ asut, kweja adi ŋutu muduŋin, ko teton, ko kö ’disi, ko lupudiet se ko ŋutu wate, ama ko ’bo ’yu ta ŋutu logon gwon ko gwuluet kulo. Suluje ta tatuaddu ni köyö i pirit nake na rurwan. Nyena a lepeŋat suluje tatuja ŋutu temejik lo gwon i komor na kadi na ŊUN kulo.

Amosa 6:6

a se möji binyo i diköriöt a we ’yi ’börik ko welesi na ’but parik, ama a se tine delya tukara na kotumit na Yosepa.

Jepania 1:12

I ŋinu diŋit nan mo ga ’yu Yerusalema ko lombojin a nan mo riŋge ŋutu logon kulya kase i toilyet adi, MATAT mo ti koŋdya ŋo na ’but kode ŋo naron. Kilo ŋutu si ’da a ’dori gwoso yawa nagon a ko ’do i mu ’da.

Jepania 3:18

gwoso na yolori ŋuto i lor lo rorwe na. A nan mo ’dumaddi delyaesi kaŋo konut, a do mo tine yeŋon lawe kwöŋ kogwon kine kulya.

Malaki 3:16

A se logon kukuk MATAT kulo tujamaki ko ’borik; a MATAT togwi ’di-kiŋdye swo kanyit a yiŋge se, a karin ti ŋutu lo kukuk MATAT ko yeyeju karin kanyit kilo iŋge wuro i buk kanyit i komor anyen yeyeŋ.

2 Korinto 1:22

Lepeŋ a gigirikiŋdya gwuluet nanyit kayaŋ i mugunya i kwekiŋdya adi yi a kanyit, a iŋge tiŋdu yi Mulokotyo lonyit kayaŋ i toilyet gwoso waŋet lo ŋo nagon mo titiki yi kune.

2 Korinto 12:21

Nan kukujönö adi ko nan a ŋo kasu pini köti, a Ŋun liŋ mo tiŋdi kwe nio i yu kasu i komor, a nan ködyö gwine ko ŋutu jore logon köju aje toroŋdya a gwe a ko löpuggö töilyet i ŋo na kon se kune i gwiliŋisi kase logon a lut kulo, ko i lulupujö nase, ko i koŋdya na ŋo ti yu na kwe aka.

Galatia 6:17

Suluja soŋinana ti lele ŋuto gwe ti sasaŋdu nan, kogwon mörikö lo na gwon köyö i mugun kune a gigirisi nagon kwekiŋdya adi nan a lo Yesu.

Epeso 4:30

Köti ko todelyaju ta Mulökotyo Loke lo ŋun, kogwon Ŋun a tiŋdu lepeŋ anyen gwuluarikin ta adi ta a ŋutu kanyit i lor logon nye mo kölöddi ta a lui lu.

2 Timoteo 2:19

Ama pipilet logon Ŋun a ’bokakin lo gwogwo ’dan go, a kilo kulyaesi iŋge wuröki nyin, adi, Matat deden ŋutu kanyit. Köti adi, Ti ŋutu lio logon ’diŋdya karin ti Matat kilo kö ’yi toron.

Kweyatti 14:1

A kirut a nan meddi ŋilo Kilolor gwogwo ’dan i mere Siona ko ŋutu aliŋan mia geleŋ ko merya iŋwan wot iŋwan ko lepeŋ i pirit na geleŋ. Kilo ŋutu karin kanyit se ko ti Monye a wuröki kase i komorsikan.

Kweyatti 20:4

A kirut nan meddi si ’daesi ti tumatyan, a ŋutu lo si ’da kata kulo iŋge tiki kido ’duget na putesi. A nan meddi ködudwölön ti ŋutu logon kusik kase a ’duŋgö kaŋo kogwon se a tökoŋu adi Yesu a gwak a se iŋge laŋa Kulyaet lo Ŋun. Lepeŋat a ko twöju ŋilo gworoŋ kode nyömue nanyit, a gwe a ko gigiruki gwuluet nanyit kase i komorsikan kode kase i könisi. A lepeŋat iŋge ru köti a tumatyane ko Kristo i pirit na geleŋ ko kiŋajin aliŋ geleŋ.

Kweyatti 9:4

A lepeŋat iŋge taki adi ti se gwe ti köŋu döru lo na kak, kode ŋo lorem, kode kaden, ake köŋu ŋutu logon a ko jokaki kweyet na Ŋun kase i komorsikan.