Ejikele 9:2 - Bibilia Buk na Ŋun nagon koti luŋu a

² A kirut nan meddi ŋutu buker po i swöt lo kötumit na gwon i ko ’du nagon diraddu i swöt lo lobot na. ŋutu liŋ gwon ko tito tukaresi kase i könisi, a ŋuto geleŋ gwe kase kiden logon a jupu boŋgo na waratat naparere ko a torakiŋdya tito wuresi kanyit i mukök. A lepeŋat lupöni lukata a gwo ’de nyona ko pirit ’yuret na rubaŋgajin nagon a mölwö.

Ejikele 9:2 Iomraidhean Croise

2 Moran 15:35

Ma ’di sona piritön kwakwasesi na gwon i ko ’dulan ti merya kune a ko turö kak; ŋutu nyuŋ ’du ’duŋgö rubaŋgajin ko ’yu ’yuŋa bökur i kune piritön nagon a ko ’dulan. A nye ’duŋge kötumit i swöt lo lobot lo kadi na MATAT.

2 Dekat 27:3

A nye ’duŋge kotumit na ko ’du na kadi na MATAT, a nye iŋge koŋdya kita a duma i ’duggo na gorom nagon a mariŋ i swot lo Opele.

2 Dekat 4:1

A nye teteŋdi pirit ’yuret na rubaŋgajin nagon a mölwö, nagon tojolan nanyit a lokiliŋan merya murek, a tugalaŋ nanyit gwe a lokiliŋan merya murek, a tojolan nanyit ki gwe a lokiliŋan puök.

Yuörö 40:29

A nye tiŋdi pirit ’yuret na rubaŋgajin lo ’yu ’yura ’buluŋ nyona ko kötumit na kemia nagon a kemia torumet, a nye wukiŋdye rubaŋgajin lo ’yu ’yura ’buluŋ se ko ’doket na ’bolot kanyit loki; gwoso na sarakiŋdye MATAT Mose nu.

Yeremia 1:15

Kogwon mete, nan MATAT lo kulya adi, Nan ŋilo soŋinana gwon i luŋgu na gweyajin liŋ ti ŋutu ti tumatyanjin ti lobot; a lepeŋat mo poŋdi po, a se liŋ geleŋ geleŋ mo tiŋdi si ’daesi kase ti tumatyan­jin i lupesi ti kötumitön ti Yerusalema, ko i swötön liŋ ti goroma kanyit nagon a mariŋan, se ko i köjino liŋ ti Yuda.

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Yeremia 26:10

A nagon kimak ti Yuda ko yiŋge kine kulya nu, a se lupene kaŋo i kadi na mor a iti i kadi na MATAT, a se si ’dakine i lupet na kotumit ludukötyo na kadi na MATAT.

Yeremia 4:6

’Bilikiŋdye ta beret ki yuddya Siona, woki ta nyu i ’dana, an ta ko mordu ta, kogwon nan ŋilo jojoŋdya kulya narok i swot lo lobot, iŋkoi, tukaŋu nagon a duma parik.

Ejikele 10:2

A lepeŋ takiŋdye ŋuto lo jupu boŋgo na waratat naparere lo adi, Lupöni i kiden na mokosi logon a liteki lo wiwiddyö i lukata na kerubajin kulu, ko sunuŋdye kuk na tutule na gwon i kiden na kerubajin kunu ko könin jore, ko rataki se i köji ’bukuluŋ. Nyena a lepeŋ lupöni lukata a nan memeddya.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Ejikele 9:11

A kirut ŋuto lo jupu boŋgo na waratat naparere logon a torakiŋdya tito wuresi kanyit i mukök lo lo ’dure a nyönyöggi adi, Nan aje koŋdya gwoso na sarakiŋdye do nan na.

Ejikele 9:3

A minyo lo ŊUN lo Yisaraele ŋiörö ki i kerubajin nagon lepeŋ gwon kata kune, a iti i kutuk na kötumit na kadi. A lepeŋ luŋgi ŋutu logon a jupu boŋgo na waratat naparere logon a torakiŋdya tito wuresi kanyit i mukök lo.

Daniele 10:5

A nan ko ’bi ’yi konyen kwe ki, a nan meddi ŋuto a jupu boŋgo naparere nagon gwörö go, a mukök nanyit iŋge doko ko dakap na rye Upaja.

Daniele 12:6

A lele lose pipije ŋuto lo jupu boŋgo naparere na gwöro go logon gwo ’dan i kare loki lo adi, Diŋit ŋoman tojo ko kine sörösi mo a kona?

Lewi 16:4

A nye jupukiŋdye jölöbiya nake na rurwan nagon tetena ko waratat napa-rere, a nye jupukiŋdye boŋgo na mok nagon tetena ko waratat, a nye duku-kiŋdye kamba nagon tetena ko waratat naparere, a dukukiŋdye ema nagon tetena ko waratat naparere kanyit i kwe; kine a jupisi nake na rurwan. A nye ködyö tukwöji mugun nanyit, a kirut nye jupukiŋdye se.

Amosa 9:1

A nan iŋge met MATAT gwo ’dan nyona ko pirit ’yuret na rubaŋgajin, a Lepeŋ kulyani adi, Gwute togwi ’diesi i kusik tojo lo ’dek a böböŋdu, gwagwalakaki se ka ’de ka ’de i kusik ti ŋutu liŋ; a nan mo tatuje ŋutu kase lo pituŋdyö kulo ko baŋdu, a lele lose gwe ’bayin logon mo wökön kaŋo, köti a lele lo rwörwösöddu gwe ’bayin kwöŋ.

Kweyatti 15:6

a malaikajin buryo lo ’debba twana iŋgo buryo kulo lupene kaŋo i ŋina kadi. Lepeŋat a jupu boŋgwat naparere a nake ko kokobbu, ko goman nagon a dakap a dukuki kase i kidoni.