Ejikele 9:10 - Bibilia Buk na Ŋun nagon koti luŋu a

¹⁰ Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

Ejikele 9:10 Iomraidhean Croise

1 Moran 8:32

a ti do böŋö yinge yiŋga ki yu a kitani kita inot, ko ti do lileŋ köliŋönök kulök, i ’duŋökiŋdyö na putet lo ŋuto loron anyen ropakiŋdya lepeŋ toron nanyit kanyit i kwe, ko i tuggö adi ŋuto logon ko löti lo ’but a ’buŋu, a ropaki-ŋdye lepeŋ gwoso löti lonyit lo rigwo.

2 Dekat 6:23

a ti do böŋö yiŋge yiŋga ki yu a kitani kita inot, ko ti do lileŋ koliponok kulok i ropakiŋdya na ŋuto loron toron nanyit kanyit i kwe, ko i tuggo adi ŋuto logon ko loti lo’but a ’buŋu, a ropakindye lepeŋ gwoso loti lonyit lo rigwo.

Yisaya 13:18

A se mo gogoroji teton ko daŋin kase; a se mo tine won konyen kolupudiet; a konyen kase mo tine won ko ŋwajik lo ’di ’dik.

Yisaya 65:6

Meddi, ŋo liŋ a wurö makune köyö i komor; nan mo ti yiŋa taliŋ, ama nan mo ropakiŋdya toronjin kase, iye, a nan mo ropakiŋdye lepeŋat

Delyasi 1:5

Kaŋisak kanyit aje po a temejik, a merok kanyit iŋge puputuru ŋerot, kogwon MATAT aje tin lepeŋ i ŋoŋga kogwon toronjin kanyit nagon nye a kon aka kune gwe jore parik, a merok kanyit iŋge meyara ŋwajik kanyit i to ’dupien.

Ejikele 11:21

Ama ŋutu logon töilyet kase kebbu ŋo kase lut ko ŋo kase na mamana kulo, nan mo roropakin konesi kase kase i kusik. Kilo a kulyaesi kwe ti MATAT ŊUN.

Ejikele 16:43

Do a ko yeyeju perok ti tolupu-dien inot a kölumbö towoŋi nan ko konesi kunök liŋ; nyenagon mete, nan mo roropakin konesi kunök liŋ konut i kwe. Ŋilo a kulyaet lio lo MATAT ŊUN. Ti gwon sona adi do a koŋdya towutön wat po kunök liŋ na mamana le?

Ejikele 17:19

Nyenagon nan MATAT ŊUN lo kulya adi, ’Diri ’diri gwoso na gwoŋdi nan na, nan mo roropakin milye lio logon nye a lanu lo kanyit i kwe, iŋkoi, tomoret nio nagon nye a ’beleŋ na.

Ejikele 22:31

Nyenagon nan aje ’bukökin woran nio kase loki, a iŋge totum lepeŋat ko kimaŋ na woran nio na pape. Nyena nan aje ropakin konesi kase kase i kusik. Ŋilo a kulyaet lio lo MATAT ŊUN.

Ejikele 23:49

a ta mo ropakine towutön nasu, a ta mo poŋgi riŋet na toron na twöju nasu na nyömuejin logon a ŋunyen kasu; a ta mo dene den adi nan logon a MATAT Ŋun.

Ejikele 24:14

Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 43:3

A ŋo na met nan köyö i töili kune gwe gwoso na met nan na pöri nye i tukaŋu na köji nu, ko gwoso ŋo na met nan köyö i töili nyona ko kare Kebar kunu; a nan ’dorone kak rupu.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 8:18

Nyena nan mo kikitari woran nio i lepeŋat; a nan mo tine pitökin se, a mo tine won konyen ko se kwöŋ. Ma ’di nagon se a gwikin köyö parik a nan mo tine yiŋ se kwöŋ.

Ejikele 9:11

A kirut ŋuto lo jupu boŋgo na waratat naparere logon a torakiŋdya tito wuresi kanyit i mukök lo lo ’dure a nyönyöggi adi, Nan aje koŋdya gwoso na sarakiŋdye do nan na.

Ejikele 9:5

A nan yiŋge lepeŋ takiŋdya kulye ŋutu kulo adi, Kepoddi ta lepeŋ köji kata ko tatuje ta ’bak won na konyen; an ta ko pitökin ta ma ’di ŋuto geleŋ to.

Osea 9:7

Perok logon ririparikin aje ŋo, iŋkoi, perok logon roroparikin aje ’dur. Kötumit na Yisaraele mo deden. Nebi a lu ’böŋ, ŋuto logon ko mulökötyo keet a mamala, kogwon lyaŋan nasu duma parik se ko maŋdu nasu duma.

Yoele 3:4

Do Turo ko Sidona se ko turon lio ti Pelesete, ta a nyo köyö ni? Ta ŋona bubulo ropakiŋdya nan i kulya ti ŋo nagon nan aje kon kune le? A ko ta roropakin nan, kolumbö a nan mo toyi-tökiŋdye po na kon ta kune kasu i kusik ’de ’de adi wulek.

Jakaria 11:6

Kogwon MATAT lo kulya adi, Nan mo köti tine won konyen ko ŋutu ti lo jur. Nan mo pakiŋdya ŋutu liŋ geleŋ geleŋ i könisi ti kayukuk kase, ko i konisi ti moran kase; a se mo köŋi na kak, a nan mo tine lwökuŋdyö nene ŋo kase i könisi.

Nyökit 32:41

ko nan ködyö a jujö wale liŋ lo meme ’dekta, a könin liŋ ’dumuŋdye ’duŋgö na putet, a nan mo ropakiŋdye ŋutu lo ŋisa ko nan kulo, iŋkoi nan mo ropakiŋdya ŋutu lo maman nan kulo.

Ebere 10:30

Kogwon yi deden nye lo kulya adi, Kine a kulya kwe i ropakiŋdya, nan ’diri mo roropakin. Köti adi, Matat mo ’duŋgö kulya ti ŋutu kanyit.