Ejikele 9:1 - Bibilia Buk na Ŋun nagon koti luŋu a

¹ A kirut lepeŋ maraŋakiŋdye köyo i swö, adi, Miju ta nyona ta ŋutu logon a wulöki i köŋu na köji, ŋutu liŋ gwon ko tito tukaresi kase i könisi.

Ejikele 9:1 Iomraidhean Croise

2 Moran 10:24

A se luŋöni i wukiŋdya na rubaŋgajin lo ’du ’duŋö ko lo ’yu ’yura ’buluŋ. A kudyakan Yeu aje wuluŋdyö ŋutu merya budök logon möŋdu kaŋo, a sarakiŋdye lepeŋat adi, Ko lele lo kilu ŋutu logon nan de titin kasu i könisi a pesaddu, ru nanyit de ropa ko ru na nye lo kölöddu lepeŋ lo.

1 Dekat 21:15

A Ŋun soŋdi malaikatat Yerusalema i tukaŋu na köji; a nagon nye gwe nyona ko tukaŋu köji nu, a MATAT meddi meddya a nye löpukuŋdye kaŋo i ŋinu ripet; a kulyani ko malaikatat logon tutukaŋu lo adi, Aje jo; teŋe könin ilot soŋinana. A malaikatat lo MATAT gwo ’de gwo ’dan nyona ko pirit gwutet na ’bolot na Ornan lo Yebusi lu.

Yuörö 12:23

Kogwon MATAT mo wöröji i jur ’bukuluŋ i tukaŋu na Ŋutu ti Ejipeto; a na meddi nye rima i görit ko i goŋesi murek ti nene kötumit nu, a MATAT mo laŋakiŋdye nu kötumit kak, a tine kölökiŋdyö katukaranit i lupö kasu i kadijik i tatuja na ta.

Yisaya 6:8

A nan yiŋge MATAT i kulya adi, Nan ködyö soŋdu ŋa? Ŋa lo tu kogwon kulya kwe? A nan ruŋge adi, Nan malo! Soŋdi nan.

Yeremia 4:6

’Bilikiŋdye ta beret ki yuddya Siona, woki ta nyu i ’dana, an ta ko mordu ta, kogwon nan ŋilo jojoŋdya kulya narok i swot lo lobot, iŋkoi, tukaŋu nagon a duma parik.

Ejikele 43:3

A ŋo na met nan köyö i töili kune gwe gwoso na met nan na pöri nye i tukaŋu na köji nu, ko gwoso ŋo na met nan köyö i töili nyona ko kare Kebar kunu; a nan ’dorone kak rupu.

Kweyatti 14:7

A lepeŋ kulyani ko gworo lobot adi, Kuŋge ta Ŋun ko bu ’ye ta lepeŋ, kogwon diŋit aje po nagon nye ’duŋge putesi. Twoji ta nye lo gweja ko ki ko kak, ko toron ti ’balaŋ se ko konyen ti pioŋ lo.