Ejikele 8:6 - Bibilia Buk na Ŋun nagon koti luŋu a

⁶ A lepeŋ pipije nan adi, ŋuro lo ŋuto, do aje met ŋo nagon se kökon kune? Do a met ŋo temejik na mamana nagon kötumit na Yisaraele kökon ni kune? Lepeŋat koŋdya kine ŋo anyen riköddu nan pajo köyö i pirit nake na rurwan. Do mo köti memet ŋo temejik na mamana nagon lwöŋgu kine.

Ejikele 8:6 Iomraidhean Croise

2 Dekat 29:5

a kulyani ko lepeŋat adi, Ta Lewijin, yiŋge ta nan! Sopinana toke ’yi ta ’borik, ko toke ’yi ta kadi na MATAT Ŋun lo merenyejin kasu; yekara ta kapo po na toluddya pirit nake na rurwan.

Saumajin 78:60

A nye kö ’yi ŋirit na si ’dari nye Silo nu, nagon a kemia nagon nye si ’dari ko ŋutu kiden nu,

Tolupesi 5:14

Nan gwe nyona ko wuju yu na kwe i komor na ŋutu lo momora.

Yeremia 11:18

MATAT lo kwekiŋdya nan, a nan iŋge den. Lepeŋ a ŋakin konyen kwe i deŋdya na ŋo nagon se kökon na.

Yeremia 23:11

Nebijin mora ko koanejin ti twöju nan Ŋun, nan aje ryö toronjin kase ma ’di köyö kadi. Kilo a kulyaesi kwe ti MATAT.

Yeremia 26:6

a kirut a nan mo koŋdi na kadi gwoso Silo, a nan mo koŋdi na köji a lömit i jurön liŋ ti kak.

Yeremia 3:6

A i perok ti mor Yosia a MATAT pije nan adi, Do a met ŋo nagon Yisaraele a kon i tu nanyit kaŋo köyö a iti i ko ’dulan liŋ ti merya ko i mukökö ti kaden liŋ logon rurwan, a nye biryeri mugun gwoso kalupe nyu?

Yeremia 32:34

Lepeŋat aje togwi ’dikiŋdya nyömue­jin lo mamana i kadi nagon luŋu ko karin kwe na anyen toluddya lepeŋ.

Yeremia 7:17

Do ŋona ti met ŋo nagon lepeŋat kökon i köjinö ti Yuda ko i kikolin ti Yerusa­lema le?

Yeremia 7:30

Nan MATAT lo kulya adi, Kine kulya gwon sona kogwon nyakwariat ti Yuda aje koŋdya ŋo narok köyö i komor. Lepeŋat aje togwi ’dikiŋdya nyömuejin lo mamana i kadi nagon luŋu ko karin kwe na anyen toluddya lepeŋ.

Ejikele 10:18

A kirut minyo lo MATAT kö ’yi kutuk na kötumit na kadi nanyit a gwi ’diki i kerubajin loki.

Ejikele 10:19

A kerubajin ’bi ’yi köpukön kase a ’daaddi ki a nan memeddya i tu nase kaŋo, ko mokosi logon a liteki kulo kase i mara; a lepeŋat gwi ’diki i kötumit na mariŋ na kadi na MATAT nagon diraddu i swöt lo ’yure na; a minyo lo ŊUN lo Yisaraele gwe kase loki.

Ejikele 11:22

A kirut kerubajin ’bi ’yi köpukön kase ki, ko mokosi logon a liteki kulo kase i mara, a minyo lo ŊUN lo Yisaraele gwe kase loki.

Ejikele 11:23

A minyo lo MATAT ŋiörö ki i kiden na köji, a gwi ’diki i mere loki lo gwon i swöt lo ’yure na köji.

Ejikele 14:6

Nyenagon taki ŋutu ti kötumit na Yisaraele adi, MATAT ŊUN lo kulya sona adi, Löpuŋge ta töilyet, löpukuŋdye ta kaŋo i nyömuejin kasu logon a ŋunyen kulo, löpukuŋdye ta komorsikan kasu kaŋo i ŋo kasu liŋ na mamana kine.

Ejikele 18:12

a ru ’ye lomerika se ko ŋutu lo yöŋö ŋo, a gwe a karyakanit, a tine nyökökiŋdyö ŋo nagon a togwoet, a ’bilikiŋdye konyen ki i twöju na nyomuejin logon a ŋunyen kulo, a koŋdi ŋo na mamana,

Ejikele 43:8

Lepeŋat a tiŋdu lupet na kötumit nase didiŋö ko kötumit nio, iŋkoi, lepeŋat a tiŋdu kaden kase ti kötumit didiŋö ko kaden ti kötumit nio, a gorom nagon a mariŋ tuŋ ka ’de na koŋi nan ko se. A se iŋge kör karin kwe nake ko ŋo kase na mamana nagon se kökon kune nyena a nan iŋge totum se i woran nio.

Ejikele 47:6

A kirut lepeŋ pipije nan adi, ŋuro lo ŋuto, do aje inet kine kulya le? A kirut lepeŋ nyököddi nan bot i kijit na kare.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 8:13

A lepeŋ koti takiŋdye nan adi, Do mo memet ŋo temejik na mamana nagon se kökon lwöŋgu kune.

Ejikele 8:14

A kirut lepeŋ joŋgi nan i lupet na kötumit na lupörikin i kadi na MATAT na diraddu i swöt lo lobot na. A nan meddi ŋutu wate sisi ’da nyu gwigwien kogwon kulya ti Tamuja logon a ŋun kana.

Ejikele 8:7

A lepeŋ joŋgi nan i kötumit na mariŋ, a na meddi nannu, a nan meddi dili nagon a tuloki i gorom.

Ejikele 8:9

A lepeŋ takiŋdye nan adi, Lupöni lukata, ko memete memet ŋo narok na mamana nagon se kökon ni kune.

Osea 5:6

Lepeŋat gagalara nan MATAT joŋga yidin kase ko kisuk kase, ama se ti ryö nan, kogwon nan aje mijörö kaŋo kase.