Ejikele 8:3 - Bibilia Buk na Ŋun nagon koti luŋu a

³ A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Ejikele 8:3 Iomraidhean Croise

1 Moran 18:12

A gwe sona ko nan aje kö ’yu do, a Mulökötyo lo MATAT de ’doggi do a nan tine denara do. Nyena ko nan a tu i takiŋdya na Aba, a nye tine ryö do, a nye de tatuje nan, ma ’di ködyö nan köliŋönit ilot kukuk MATAT suluja i tolupudien nio.

2 Moran 16:14

A nye tomijoddi pirit ’yuret na rubaŋgajin nagon tetena ko mölwö nagon köju gwo ’dan ko MATAT i komor nu, a nye joŋgi lepeŋ kaŋo i komor na kadi, i nu pirit na gwo ’di ’e lepeŋ i kiden na pirit ’yuret na rubaŋgajin kanyit ti mor ko kadi na MATAT nu, a tiŋdi lepeŋ i swöt lo lobot lo nu pirit ’yuret nanyit na rubaŋgajin.

2 Moran 2:16

A se kulyani ko lepeŋ adi, Mete, yi köliŋönök kulök gwon ko ŋutu iŋgo merya mukanat ni; ti lepeŋat böŋö iti ga ’yu na duma ilot; kode Mulökötyo lo MATAT ŋona a ’depaddu lepeŋ ki a gubakiŋdye lepeŋ i lele mere kode i lele loro. A nye kulyani adi, Ta ti soŋdu.

2 Moran 21:7

A nye tiŋdi Asera nagon a nyömue na gigiru nagon nye a teten na i kadi na Ŋun. Ŋina a kadi nagon köju MATAT a kulyari ko Dawidi se ko ŋuro lonyit Solomona adi, Nan mo tiŋdu karin kwe ŋupi i na kadi, ko i Yerusalema nagon nan a wulun i kötumitön liŋ ti Yisaraele na;

Saumajin 78:58

Kogwon se a towoŋa lepeŋ ko piritön kase kwakwasesi na gwon i ko ’dulan ti merya kune, a se tindi lepeŋ i yinö kogwon nyömuejin kase.

Yuörö 20:4

Do ködyö ti tetenakiŋdya mugun nene nyömue na gigiru a gwuluet na ŋo ti ki yu, kode ŋo ti kak ni, kode ŋo ti pioŋ lukata;

Yuörö 20:5

do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase monye ko torela i kusik tojo ko nyakwariat tomusala ko toiŋwan ti Ŋutu logon maman nan kilo;

Yuörö 34:14

Ta ködyö ti kwakwaddu lele ŋun Köti kwöŋ, kogwon nan MATAT karin kwe a Kayi-nönit, nan a ŋun logon a kayinönit.

Yeremia 32:34

Lepeŋat aje togwi ’dikiŋdya nyömue­jin lo mamana i kadi nagon luŋu ko karin kwe na anyen toluddya lepeŋ.

Yeremia 7:30

Nan MATAT lo kulya adi, Kine kulya gwon sona kogwon nyakwariat ti Yuda aje koŋdya ŋo narok köyö i komor. Lepeŋat aje togwi ’dikiŋdya nyömuejin lo mamana i kadi nagon luŋu ko karin kwe na anyen toluddya lepeŋ.

Ejikele 1:1

I kiŋa tomerya musala, i perok mukanat ti yapa toiŋwan, na gwoŋdi nan koane Ejikele, ŋuro lo Busi i pirit na geleŋ ko ŋutu lo Joŋa i to ’dupien nyona ko kare Kebar nu, a ’dikolo iŋge ŋai, a nan iŋge meddya kulya ti Ŋun koyo i toili.

Ejikele 10:3

A kerubajin kulo gwo ’de i swöt lo lutaten lo kadi na MATAT ko ŋuto lupö lukata, a luru iŋge mulu ’baŋ lo lukata.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 11:24

A mulökötyo lo po ko ŊUN ’dukuŋdye nan ki a joŋgi nan Kaledea yu i ŋutu lo gwon i to ’dupien kulu. Kine ŋo liŋ a ŋo nagon mulökötyo lo po ko ŊUN a kwekin nan köyö i töili, a kirut kine ŋo na met nan kune wusaddi kaŋo köyö.

Ejikele 2:9

A na meddi nan nu, a nan meddi könin lo riyene kaŋo köyö ni ’debba buk na ŋudula.

Ejikele 3:12

A kirut mulökötyo lo po ko Ŋun ’dukuŋdye nan ki, a nan yiŋge woŋon duma nagon wuŋun ko riŋit köyö i ki ’diŋ, i diŋit nagon minyo lo MATAT a pukun kaŋo kanyit i pirit gwiliŋit nu.

Ejikele 3:14

A mulökotyo lo po ko Ŋun ’dukuŋdye nan ki a joŋgi nan i nene pirit, a nan iti ko woran na pape köyö i töili, ama a riŋit na MATAT gwe a duma köyö i mugun.

Ejikele 37:1

A riŋit na MATAT gwe köyö i mugun, a nye ’dokoddi nan kaŋo i riŋit na mulökötyo lonyit, a tiŋdi nan kak i kiden na pirit na ’dir nagon a jore ko kuyu.

Ejikele 40:2

A nan meddi kulya ti ŊUN koyö i töili adi nye lo joŋdya nan i jur lo Yisaraele, a tosi ’dakiŋdye nan kak i loki na mere lojo parik, a nan iŋge met kadijik nagon meta gwoso köji diruŋdya köyö ni.

Ejikele 43:5

A mulökötyo lo po ko ŊUN ’biluŋdye nan ki, a joŋgi nan i ’baŋ lo lukata, a minyo lo MATAT iŋge jore i lukata na kadi nanyit.

Ejikele 43:8

Lepeŋat a tiŋdu lupet na kötumit nase didiŋö ko kötumit nio, iŋkoi, lepeŋat a tiŋdu kaden kase ti kötumit didiŋö ko kaden ti kötumit nio, a gorom nagon a mariŋ tuŋ ka ’de na koŋi nan ko se. A se iŋge kör karin kwe nake ko ŋo kase na mamana nagon se kökon kune nyena a nan iŋge totum se i woran nio.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 7:20

Lepeŋat bu ’ya ’börik ko minyojin lokwekwelen, logon se teten a nyömuejin kase lorok lo mamana; nyenagon a nan mo konakiŋdye se minyojin kase gwoso korodo.

Ejikele 8:5

A kirut lepeŋ kulyani ko nan adi, Ŋuro lo ŋuto, metaddi i swot lo lobot. Nyena a nan metaddi i swöt lo lobot, a nan iŋge meddya ŋilo nyömue yinet gwogwo ’dan i swöt lo lobot na kötumit nagon lupörikin i pirit ’yuret na rubaŋgajin.

Ejikele 9:2

A kirut nan meddi ŋutu buker po i swöt lo kötumit na gwon i ko ’du nagon diraddu i swöt lo lobot na. ŋutu liŋ gwon ko tito tukaresi kase i könisi, a ŋuto geleŋ gwe kase kiden logon a jupu boŋgo na waratat naparere ko a torakiŋdya tito wuresi kanyit i mukök. A lepeŋat lupöni lukata a gwo ’de nyona ko pirit ’yuret na rubaŋgajin nagon a mölwö.

Daniele 10:10

Mete, a könin lonyit ’bo ’yi nan a ’bilikiŋdye nan ki rugwupo ko könisi kwe taŋdu kak, a mugun nio böŋdi böŋdu.

Daniele 10:18

A lele gwoso ŋuto köti ’bo ’yi nan a togo ’yi nan.

Daniele 5:5

’De ’de kijek a morin ti könin lo ŋuto iŋge meta i wuŋö na gorom na kadi na mor nagon a wela, komorga gwo ’diet lo lombo; a mor iŋge met ŋilu könin i wuŋö.

Konesi 8:39

a na poŋdi se kaŋo i pioŋ kata nu, a Mulokotyo lo Matat joŋgi Pilipo kaŋo ’de ’de, a ŋilo ŋuto tine met lepeŋ köti; a nye kölumbö iti i kiko lonyit ko lyöpön a duma.

Nyökit 32:16

A se toyu ’ye lepeŋ ko Ŋun yen ka ’de ka ’de, asetowoŋi lepeŋ koŋo na mamana.

Nyökit 32:21

Se a tiŋdu nan i yulön ko ŋo nagoŋ ti gwon a Ŋun; se köti a towoŋa nan ko nyömuejin kase. Nyena nan mo tiŋdu se i yulön ko ŋutu logon ti gwon a gweya na ŋutu; a nan mo tiŋdi se i woran ko jur lo ŋutu lu ’böŋ.

Nyökit 4:24

Kogwon MATAT ŋun losu a kimaŋ na tototumbo, ko a ŋun kayinönit.

Nyökit 5:9

Do ködyö ti rugwuŋöki kase i komor, do ködyö ti twöju se; kogwon nan MATAT ŋun ilot gwon a ŋun logon a kayinönit. Nan tiŋdu toronjin kase komonye ko torela i kusik tojo ko nyakwari tomusala ko toiŋwan ti ŋutu logon maman nan kilo,

Nyökit 6:15

kogwon MATAT Ŋun losu lo gwon kasu kiden lo gwon a Ŋun kayinönit; an komor na MATAT Ŋun losu ko tulekin kasu ki, a nye tukaŋi ta i na kak.

Yosua 24:19

Ama a Yosua kulyani ko ŋutu kulo adi, Ta ti bulö kitakiŋdya MATAT; kogwon nye a Ŋun loke lo rurwan; nye a Ŋun kayinönit; a nye mo tine pitökin lyapesi kasu kode toronjin kasu.