Ejikele 8:16 - Bibilia Buk na Ŋun nagon koti luŋu a

¹⁶ A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Ejikele 8:16 Iomraidhean Croise

1 Moran 8:29

Ti konyen kulök böŋö gwe ŋa i meddya na na kadi ko tukwaje ko tuparan, na pirit nagon do aje kulyari adi karin kunök mo gwon nyu, anyen do boŋo yiŋga kwakwasesi nagon nan köliŋönit ilot wuwukin i na pirit kune.

2 Moran 16:14

A nye tomijoddi pirit ’yuret na rubaŋgajin nagon tetena ko mölwö nagon köju gwo ’dan ko MATAT i komor nu, a nye joŋgi lepeŋ kaŋo i komor na kadi, i nu pirit na gwo ’di ’e lepeŋ i kiden na pirit ’yuret na rubaŋgajin kanyit ti mor ko kadi na MATAT nu, a tiŋdi lepeŋ i swöt lo lobot lo nu pirit ’yuret nanyit na rubaŋgajin.

2 Moran 21:5

A nye ’dukökiŋdye kaser liŋ ti ki piritön ’yuresi ti rubaŋgajin i lukata na mariŋan murek ti kadi na MATAT.

2 Moran 23:11

A nye joŋgi kaŋo kusanjin nagon moran ti Yuda a tikin kolor a ’dokesi. Kine kusanjin gwon i lupet na kadi na MATAT, nyona ko kadi na Natana-melek duma lo kadi na mor. Kadi nanyit gwon i lukata na mariŋ na kadi na MATAT. A mor ’yuŋe arabiajin lo jijikö logon a ti kolor kulo.

2 Moran 23:5

A nye togwo ’yi koanejin ti nyömuejin, logon moran ti Yuda aje tiŋdu anyen ’yuŋa bökur i piritön kwakwasesi na gwon i ko ’dulan ti merya kune, i köjinö ti Yuda, ko i mara ti Yerusalema. A nye köti togwo ’yi se logon ’yuŋa bökur a lo Bala, ko a lo kolor, ko a lo yaŋa, ko a lo gweyarijin ti kaser temejik, ko a lo ŋo liŋ ti ki.

2 Dekat 29:6

Kogwon kobaba a ko twoju MATAT Ŋun likaŋ a iŋge koŋdya po narok kanyit i metet; a se kö ’yi lepeŋ a renyani pirit na si ’dari MATAT nu, a iŋge lopukokiŋdyo ki ’dirinö kase.

2 Dekat 7:7

A Solomona koruŋdye swot lo ’baŋ logon i komor na kadi na MATAT logon i mariŋ lukata lu, anyen gwon a loke lo rurwan; kogwon nye ’duŋgo rubaŋga lo ’yu ’yura ’buluŋ nyu ko welesi ti rubaŋgajin ti taliŋ, kogwon pirit ’yuret na rubaŋgajin na tetena ko mölwö nagon Solomona a teten nu ti temakiŋdya i wuki ’e na rubaŋga lo ’yu ’yura ’buluŋ ko ’doket na ’bolot se ko welesi.

Yeremia 2:27

Lepeŋat luŋgu ködini adi, Do a baba likaŋ, a gwine ko ŋurupit adi, Do a mama. Ama a se löpukökiŋdye nan ki ’dirinö kase ’bayin a komorsikan kase; a i diŋit nagon se gwon i nagusu nu, a lepeŋat kölumbö luluje adi, ŋine ki pon, lwöki yi.

Yeremia 32:33

Lepeŋat aje löpukökiŋdyö nan ki ’dirinö kase ’bayin a komorsikan kase, ma ’di kodyö nan a ko jaran todiŋdyö lepeŋat, ama a se tine ’bön yiŋga i todinö nase.

Yeremia 44:17

Yi mo kökon ŋo liŋ nagon yi a milyeju adi yi mo kökon kune, kweja adi yi mo ’yurakiŋdya mor na ki bokuron, a mo ’bukökiŋdye lepeŋ rubaŋgajin ’bu ’bukesi, gwoso na koŋdi yi ko merenyejin kaŋ, ko moran kaŋ, se ko temejik kaŋ i köjinö ti Yuda se ko i kikolin ti Yerusalema köju nu. Kogwon i nu diŋit yi gwon ko kinyo a duma, a yi si ’dani ’bura, a tine meddya ŋo narok i po.

Yeremia 7:18

Ŋwajik pepeŋdya kaden, a komonye to ’debbi kimaŋ, a ŋutu wate nuddi ambatajin a ti mor na ki; a se ’bukökiŋdye kulye ŋunyen rubaŋgajin ’bu ’bukesi anyen towoŋa nan.

Yeremia 8:2

A kilo kuyu mo totorekine i komor na kolor, ko na yapa, se ko na kaser liŋ ti ki. Kogwon kilo ŋutu köju nyanyar se ko kikitakin se, a iŋge kebbu se, a iŋge ga ’yu se a kwakwaddi se. A kilo kuyu mo tine bulö pepena, kode nuka; a se mo ra ’dani kak gwoso woro.

Ejikele 10:3

A kerubajin kulo gwo ’de i swöt lo lutaten lo kadi na MATAT ko ŋuto lupö lukata, a luru iŋge mulu ’baŋ lo lukata.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 23:35

Nyenagon nan MATAT ŊUN lo kulya adi, Kogwon do aje böpöri nan a gubaddi nan konut i ki ’diŋ na, nyena ti do poŋgi riŋet na riparikin towutön se ko toluŋ inot.

Ejikele 23:39

A nagon se aje ’duŋökiŋdyö nyömuejin logon a ŋunyen kase kulo ŋwajik kase a rubaŋgajin nu, a se iti i koŋu na pirit nio nake na rurwan i lor lo geleŋ lu; kine a po nagon se a kon köyo kadi.

Ejikele 40:28

A kirut lepeŋ joŋgi nan i kadi najo na gwon i kötumit na gwon i swöt lo loki na, a yi tiri kata tojo i ’baŋ lo lukata, a lepeŋ tembi ŋina kadi najo, a temet nanyit gwe jojo ko na kunie kune.

Ejikele 40:6

a lepeŋ iti i kadi najo nagon suluja lupörikin i kötumit na kaŋo tojo i tulöddu i lukata na mariŋ ŋina kötumit diraddu i swöt lo ’yure. A nye kiyaddi i kiyesi kanyit a tembi tu ’bökik na lupet na kötumit, a gwe a pa ’duŋi geleŋ.

Ejikele 43:5

A mulökötyo lo po ko ŊUN ’biluŋdye nan ki, a joŋgi nan i ’baŋ lo lukata, a minyo lo MATAT iŋge jore i lukata na kadi nanyit.

Ejikele 43:8

Lepeŋat a tiŋdu lupet na kötumit nase didiŋö ko kötumit nio, iŋkoi, lepeŋat a tiŋdu kaden kase ti kötumit didiŋö ko kaden ti kötumit nio, a gorom nagon a mariŋ tuŋ ka ’de na koŋi nan ko se. A se iŋge kör karin kwe nake ko ŋo kase na mamana nagon se kökon kune nyena a nan iŋge totum se i woran nio.

Ejikele 45:19

A koane kodyö ’dumuŋdye kunie rima nagon a ti rubaŋga lo toron, a ’bulukiŋdye se i kaden ti kötumit na kadi nio, ko i tusesi iŋwan ti pirit ’yuret na rubaŋgajin, se ko i kaden ti kotumit nagon lupörikin i ’baŋ lo lukata.

Ejikele 46:1

Nan Matat Ŋun lo kulya adi, Kotumit na lupörikin i ’baŋ lo lukata lo kadi nio nagon diraddu i swot lo ’yure na kodyo gwon kinu i perok buker logon a kitaesi, a kodyo ŋani i lor lo sabata ko i yapa wilo.

Ejikele 7:23

Teteŋdi toŋot, kogwon jur aje jore ko ’buggö na rima, köji aje jore ko kulya narok.

Ejikele 8:15

A lepeŋ pipije nan adi, Ŋuro lo ŋuto, do aje met kine kulya? Do mo memet ŋo temejik na mamana lwölwöŋ kine.

Yoele 2:17

Ti koanejin lo kitakiŋdya MATAT kulo gwine gwien i kiden na baraŋöa na kadi na ŋun ko pirit ’yuret na rubaŋgajin, adi, Pon MATAT, won konyen ko ŋutu kulok, an do ko tin ŋutu kulok lomoriot i ’dö ’döyö, ko a giriset i kiden na juron. Ko nyo gweyajin ti ŋutu kodyo pi-pija adi do ŋun likaŋ liya?

Nyökit 17:3

kogwon a tu i kitakiŋdya na kulye Ŋunyen ko i kwakwaddu na se, kode se a ko kolor ko yapa kode nene ŋo na kurumi na ki nagoŋ nan a sarakin ta adi ti gwe ti kona,

Nyökit 4:19

Köti an ta ko ’biluru konyen kasu ki i ’diko, a ta meddi kolor ko yapa ko kaser, iŋkoi kurumi na ki liŋ, a ta lulukajine kaŋo anyen kwakwaddu se ko anyen kitakiŋdya se, kogwon MATAT ŋun losu aje korakiŋdya kine ŋo i gweyajin ti ŋutu liŋ lo gwon i na kak kulo.