Ejikele 8:14 - Bibilia Buk na Ŋun nagon koti luŋu a

¹⁴ A kirut lepeŋ joŋgi nan i lupet na kötumit na lupörikin i kadi na MATAT na diraddu i swöt lo lobot na. A nan meddi ŋutu wate sisi ’da nyu gwigwien kogwon kulya ti Tamuja logon a ŋun kana.

Ejikele 8:14 Iomraidhean Croise

Ejikele 11:12

a ta mo kirut dene den adi nan a MATAT; kogwon ta a ko wörö i saresi kwe lo wurö a gwe a ko ’depakiŋdya i jujuwesi kwe, ama kölu-mbö a ta koŋdi gwoso i jujuwesi ti ŋutu ti jurön logon kasu i mara kilo.

Ejikele 44:4

A kirut lepeŋ joŋgi nan lukata tiri kötumit na gwon i swöt lo lobot tojo i komor na kadi na MATAT; a nan boŋgi boŋga, a nan meddi minyo lo MATAT a jore i kadi na MATAT, a nan ’dorone kak rupu.

Ejikele 46:9

A ko ŋutu ti jur a po köyö i komor nan Matat i roriot lo wulwe, ŋutu lo lupöri kötumit na gwon i swöt lo lobot i kwakwaddu kulo ködyö tu kaŋo i kötumit na gwon i swöt lo loki na; a ŋutu lo lupöri i kötumit na gwon i swöt lo loki kulo ködyö iti kaŋo i kötumit na gwon i swöt lo lobot na;a kulye ŋutu ködyö gwe ’bayin logon yitöri kötumit na lupöri se lukata na, ama se liŋ geleŋ geleŋ ködyö tu kaŋo gwogwo.

Ejikele 8:13

A lepeŋ koti takiŋdye nan adi, Do mo memet ŋo temejik na mamana nagon se kökon lwöŋgu kune.

Ejikele 8:15

A lepeŋ pipije nan adi, Ŋuro lo ŋuto, do aje met kine kulya? Do mo memet ŋo temejik na mamana lwölwöŋ kine.