Ejikele 7:8 - Bibilia Buk na Ŋun nagon koti luŋu a

⁸ Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Ejikele 7:8 Iomraidhean Croise

2 Dekat 34:21

Iti ta i pija na MATAT i kulya kwe se ko ti ŋutu logon a pituŋdyö i Yisaraele ko Yuda kulo, i kulya ti kulyaesi ti buk nagon aje rye ŋina. Woran na MATAT gwe a duma kayaŋ, a iŋge yukokin kayaŋ loki, kogwon merenyejin kaŋ köju a ko ’debba kulyaet lo MATAT anyen koŋdya gwoso i ŋo liŋ nagon a wuröki i ŋina buk kune.

Saumajin 79:6

’Bukoddi ŋoma inot i jurön logon a ko den do kulu, i tumatyanjin nagon a ko kwakwaddu ’dindya karin kunök kunu.

Yisaya 42:25

Nyenagon a nye ’bukökiŋdye woran nanyit na pape ko riŋit na gor i kötumit na Yakobo, a nye totule ’yi mara kanyit ko kimaŋ, ama a nye tine yeye; a ’yuŋe lepeŋ, ama a nye tine tin kine kulya kanyit i töili.

Yeremia 36:31

A nan mo riŋge lepeŋ, ko nyakwariat kanyit se ko köliŋönök kanyit kogwon toronjin kase; a nan mo jakiŋdye lepeŋat, ko ŋutu lo si ’da Yerusalema se ko ŋutu lo si ’da Yuda kulo ŋo narok liŋ nagon nan aje kenakin se, nagon se ti ’bön yiŋga kune.

Yeremia 7:20

Nyenagon nan MATAT Ŋun lo kulya adi, Mete, nan mo ’bu ’bukökin woran nio ko ŋoma nio i na pirit, i ŋutu loki, ko i kijakwa, ko i kaden ti mu ’diŋ, ko i kinyojin ti kak; ŋina woran nio mo tutule a tine bulö peŋa kwöŋ.

Delyasi 2:17

MATAT aje koŋdya ŋo nagon nye a yeye i koŋdya kune, lepeŋ aje temakin tokujönöet nanyit gwoso na saŋi nye köju ’beron nu. Nye aje rusuggö do ’bak pitöki-ŋdyö, nye aje tin merok kulök i lyöŋön ko do, a toduma ’yi riŋit na kamönyök kulök.

Delyasi 2:4

Lepeŋ gwo ’dan gwoso kamonyi ko könin lonyit lo lutaten a rioji i rokuŋdya na dan; a nye iŋge tatu ŋo liŋ nagon meta a na ’but, a nye ’bukokiŋdye woran nanyit nagon gwoso kimaŋ na i kadijik ti köji na Siona.

Delyasi 4:11

MATAT aje woran a tömönik, nye aje koluŋdyo woran nanyit abur; a nye mokakiŋdye kimaŋ Siona a totumbe pipilesi kanyit.

Ejikele 11:21

Ama ŋutu logon töilyet kase kebbu ŋo kase lut ko ŋo kase na mamana kulo, nan mo roropakin konesi kase kase i kusik. Kilo a kulyaesi kwe ti MATAT ŊUN.

Ejikele 14:19

A ko nan a soŋdu twanti iŋgo i ŋilu jur, a ’bukökiŋdye woran nio kata i tatuja na ŋutu ko toro ’bo—

Ejikele 16:43

Do a ko yeyeju perok ti tolupu-dien inot a kölumbö towoŋi nan ko konesi kunök liŋ; nyenagon mete, nan mo roropakin konesi kunök liŋ konut i kwe. Ŋilo a kulyaet lio lo MATAT ŊUN. Ti gwon sona adi do a koŋdya towutön wat po kunök liŋ na mamana le?

Ejikele 16:59

Nan MATAT ŊUN lo kulya adi, Iŋkoi, nan mo kokonakin do gwoso na koŋdi do na, kogwon do a lauŋdya milye a ’beleŋgi tomoret.

Ejikele 18:30

Nyenagon ta kötumit na Yisaraele, nan mo ’du ’dupökin ta putesi ŋutu liŋ gwoso i kikolin kase. Ŋilo a kulyaet lio lo MATAT ŊUN. Nyena löpuŋge ta töilyet, löpukuŋdye ta kapo i lauŋdya nasu na saresi kwe liŋ, anyen toron böŋö gwon ti to ’doro ’yu ta.

Ejikele 20:13

A kölumbö kötumit na Yisaraele renyani nan i yöbu yu; a se gwe a ko wörö i saresi kwe lo wurö, a renyani jujuwesi kwe logon ko ŋuto a ’dep se kulo a rune ru; a se iŋge kör sabatajin kwe parik. A nan köti iŋge yeyeju ’bukökiŋdyö woran nio kase loki i yöbu yu anyen to ’duddyö se asut.

Ejikele 20:21

Ama a ŋwajik kase renyani nan; a se gwe a ko wörö i saresi kwe lo wurö, a se gwe a ko ’debba jujuwesi kwe logon ko ŋuto a ’debba se kulo a rune ru; lepeŋat a kör sabatajin kwe. A nan köti iŋge yeyeju ’bukökiŋdyö woran nio kase loki, a yeyeji ŋoma ko se asut i yöbu yu.

Ejikele 20:33

Nan MATAT ŊUN lo kulya adi, ’Diri ’diri gwoso na gwoŋdi nan na, nan mo tutumatyan ko ta ko könin a iŋgo lo riöji kaŋo se ko woran na baranyuŋdya kaŋo.

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 22:31

Nyenagon nan aje ’bukökin woran nio kase loki, a iŋge totum lepeŋat ko kimaŋ na woran nio na pape. Nyena nan aje ropakin konesi kase kase i kusik. Ŋilo a kulyaet lio lo MATAT ŊUN.

Ejikele 24:14

Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 30:15

A nan mo ’bukökiŋdye woran nio i loki na Sin nagon a pirit nago tiyit na Ejipeto, a nan mo seyaddi kaŋo ŋutu ti Ŋo logon jore parik kulo.

Ejikele 33:20

Ama ta kulya adi, Kiko lo MATAT ti gwon jojo. Ta kötumit na Yisaraele, nan mo ’du ’dupökin ta liŋ geleŋ geleŋ putesi gwoso i kikolin kasu.

Ejikele 6:12

Se logon gwolor pajo kulu mo twatwa ko twanti iŋgo, a se logon gwolor nyona kulo mo tatuani ko baŋdujin, a se logon a pitöki jörun a ko tatua kulo mo twatwane ko dyaŋ. A kirut woran nio ko lepeŋat mo ’bakani ’baka.

Ejikele 7:27

Mor molu dedelya, a ŋuto lo kukwön mo jorene ko kujönö a duma, a könisi ti ŋutu ti jur mo böŋdi böŋdu kogwon kujönö. A nan mo konakiŋdye lepeŋat gwoso nagon jujukin i konesi kase na, a nan mo ’duŋökiŋdye lepeŋat putesi gwoso na ’duŋge se putesi na; a se mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Ejikele 9:10

Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

Ejikele 9:8

A gwe sona, nagon se nyuŋ gwon i tatuja na ŋutu nu, a nan kölökine geleŋ; a nan ’dorone kak rupu, a nan gwine gwien pija adi, Pon MATAT ŊUN, do aje ’bukökiŋdyö woran inot i Yerusalema; do ’diri mo tutukar pitönö liŋ ti ŋutu ti Yisaraele le?

Daniele 9:11

Yi ŋutu liŋ ti Yisaraele aje lauŋdya saresi kulök, a girara kaŋo, a renyani yiŋga gworo ilot. A giket ko milye logon a wuröki i saresi ti Mose köliŋönit ilot ŋun lo aje baranyakiŋdya kayaŋ ki, kogwon yi a toroŋdya do.

Daniele 9:27

A nye mo tetena-kiŋdye ŋutu jore tomoret nago i jima geleŋ; a i swöt lo jima a nye mo teŋgi wuki na rubaŋgajin se ko ’dokesi; a manet körit mo kepoddi kine kulya tojo ko diŋit a temakiŋdya nagon kulya narok mo ’bukökiŋdyö ko lore kakö-rönit loki.

Osea 12:3

Yakobo köju morga loru ’yum lo luŋaser na gwoŋdi se i pele nu, a nye möröni ko Ŋun na gwoŋdi nye a ŋuto nu.

Osea 5:10

ŋutu temejik ti Yuda aje wora gwoso ŋutu lo tomijöddu loko-kori, a nan mo ’bukökiŋdye woran nio kase loki gwoso pioŋ.

Naum 1:6

Ko lepeŋ a woran ŋa logon bubulo gwo ’dan? ŋa logon bubulo ŋoŋga woran nanyit na pape? Woran nanyit ’bukuŋdyo kaŋo gwoso kimaŋ. a lelya gwagwalakani gwagwalaka ka ’de ka ’de kanyit i komor.

Kweyatti 14:10

mo köti mömöju binyo nagon a woran na Ŋun, nagon ’buköki a ko ’yulö i koŋo na ŋoma nanyit. A se mo tomieni ko kimaŋ se ko pisek i komor na malaikajin loke se ko na ŋilo Kilolor.