Ejikele 7:26 - Bibilia Buk na Ŋun nagon koti luŋu a

²⁶ Kulya narok jore mo rurutuŋdya, a liŋio lorok jore mo rurutuŋdye rurutuŋdya; a se mo ga ’yi nebi anyen metakiŋdya se kulya ti Ŋun kanyit i töili, ama a tökoŋu na saresi iŋge likin ko koanejin i töilyet, a ŋutu temejik mo gwe ’bak jujuwesi na ’but.

Ejikele 7:26 Iomraidhean Croise

Saumajin 74:9

Yi tine met kweyesi kaŋ; nebi gwe ’bayin köti, ŋutu gwe ’bayin kayaŋ kiden logon deden ko kine kulya mo joŋga diŋit ŋoman.

Yisaya 47:11

Ama-a gonyan nagon do ti den to ’butiuddu lepeŋ kaŋo na mo poki konut, a kulya narok nagon do ti bulö riköddu kaŋo kune mo ’duruki konut; a karan nagon do ti den na mo ’bunyökiŋdye do ’de ’de kijek.

Yeremia 18:18

A kirut lepeŋat kulyani adi, Po ta, ti yi mwönyi ta ko Yeremia, kogwon koanejin ŋupi kata loron tokurukiŋdyö yi saresi, ŋutu lokoŋ ŋupi kata i jujuja na yi, köti nebijin ŋupi kata i tuggö na kulyaet lo MATAT. Po ta, ti yi momorone ta lepeŋ, ko ti yi gwe ti yiŋga kulyaesi kanyit asut.

Yeremia 21:2

piki yi MATAT, kogwon Nebukadaresar mor lo Babela momoro koyi; kode MATAT ŋona mo kokonakin yi go sorosi anyen garakiŋdya yi gwoso i konesi kanyit liŋ sorosi, a mo tiŋdi lepeŋ i mijoro kaŋo kayaŋ.

Yeremia 37:17

A mor Sedekia sonyoddi ŋuto i joŋdya na Yeremia, a mor pije lepeŋ a lwön kanyit kadi adi, Lele kulyaet ŋona kata lo po ko MATAT yu le? A Yeremia waddi adi, Kata koi. A nye takiŋdye lepeŋ adi, Do mo wuwuki i könisi ti mor lo Babela.

Yeremia 4:20

Karan ’yaladdu ŋerot, a jur ’bukuluŋ iŋge koro, ’de ’de kijek a kemialan ti ŋutu kwe iŋge ryaka, iŋkoi, boŋgwat na leleyo i kemialan ti ŋutu kwe kune a ’baka adi wulek.

Delyasi 2:9

Kotumiton ti mariŋ na köji aje ’diroro kak i kujoŋ, nye aje kökörö ko a ’be ’beleŋ rigi-lesi kanyit. A mor se ko temejik kanyit gwe i kiden na lwaka, a saret lo ŋun gwe ’bayin koti, a nebijin kanyit gwe a ko meddya kunie ŋo nagon MATAT kodyo kwekwekin se kase i toilyet kune.

Ejikele 11:2

A lepeŋ takiŋdye nan adi, ŋuro lo ŋuto, kilo a ŋutu logon teteŋdya kulya narok ko a se logon tiŋdu jujuwesi narok i na köji.

Ejikele 12:22

Ŋuro lo ŋuto, tolupet nagon ŋutu jajam i jur losu lo Yisaraele na kweja nyo nagon ta kulya adi, Perok ’yaladdu ŋerot a ŋo na memeta na met nebi kanyit i töili kune worani a ŋo kana?

Ejikele 14:1

A kulye temejik ti Yisaraele poŋdi köyö ni, a si ’dakine köyö i komor.

Ejikele 21:7

A ko lepeŋat a pija do adi, Ko nyo do dede-lya? a do mo waddi lepeŋat adi, Nan delya kogwon nan a yiŋga liŋio ti kulya narok. A na ’durökiŋdye se nu, a töilyet ti ŋutu liŋ mo lwö ’yi lwö ’yu, a könisi kase liŋ mo worani a lokolokak, iŋkoi ködu dwölön kase liŋ mo ’doŋga mu ’diŋ, a kuŋwat kase liŋ worani pötö gwoso pioŋ. Mete, kine kulya popo, iŋkoi, aje ’durökin. Ŋilo a kulyaet lio lo MATAT ŊUN.

Ejikele 22:26

Koanejin kanyit aje gubakin saresi kwe ti MATAT kak, a iŋge toluddya ŋo kwe nake na rurwan; a lepeŋat gwe a ko koŋa ŋo nake na rurwan ko ŋo nagon abur kana, a se gwe a ko todini-kiŋdyö tuka ’de na kinyojin logon a loke logon a ’buruki anyen nyenyei ko logon ’bayin a loke, a se gwe a ko ’debba sabatajin kwe, a nan kirut iŋge lawe kase kiden.

Ejikele 33:31

A lepeŋat mo poŋdi konut ni gwoso nagon ŋuto po i meddya na nebi na, a lepeŋat mo si ’dakine konut i komor gwoso ŋutu kwe, a lepeŋat mo yiŋge ko do jambu nyo, ama a lepeŋat mo tine kon po na jam do kune. Lepeŋat kwekiŋdya nyaŋu duma ko kutusen kase kana, ama a töilyet kase gwi ’diki i po nagon mo jakiŋdya se ’bulit.

Ejikele 8:1

A ko gwe sona i kiŋa tobuker, i perok mukanat ti yapa tobuker, na si ’dari nan köyö midi se ko temejik ti Yuda i pirit na geleŋ nu, a riŋit na MATAT ŊUN poki köyö i mugun.

Lewi 26:18

Ama ko ta nyuŋ ti yiŋga nan ma ’di i kine kulya, nyena a nan mo riŋge ta köti daŋin buryo kogwon toronjin kasu,

Lewi 26:21

Ama ko ta wörö a wok köyö, a tine yiŋga nan, a nan mo köti jakiŋdye ta kulye twana daŋin buryo lwölwöŋ toronjin kasu.

Lewi 26:24

nyena a nan köti mo wöröni kasu a wok, a nan lepeŋ mo ririŋge ta daŋin buryo kogwon toronjin kasu.

Lewi 26:28

a nan köti mo wöröjine a wok ko ta ko woran na pape, a nan lepeŋ mo ririŋge ta daŋin buryo kogwon toronjin kasu.

Mika 3:6

A MATAT kulyani adi, Ko ŋina kwe a kak mo gwe a tukwaje kasu, a ta mo tine meddya kulya kasu i toilyet, a mo gwe a mudwe kasu, a ta mo tine koŋdya to ’bunun. A kolor mo ’dororo kak i kulya kasu ta nebijin, a lor mo worani a mudwe kasu.

Malaki 2:7

Kogwon ŋutu yiyio jamesi ti koanejin, a se ga ’yi todinesi ko saresi lo jam lepeŋat kilo, kogwon se a luyökie kwe nan MATAT lo kurumi.

Malaki 2:9

nyena a nan koti mo tiŋdi ta i lawe ko i to ’dita ko ŋutu lio i komor, gwoso nagon ta a ko ’debba kikolin kwe na, ama ta aje nyunyumbo ŋutu i kulya ti saresi.

Nyökit 32:23

A nan mo sosopakiŋdye kulya narok kase loki; a nan mo tutupökiŋdye loya kwe kase;

1 Samuele 3:1

A lo ŋuro Samuele kitakiŋdye MATAT ko Eli i komor. A i kilu perok a MATAT tine jambu ko ŋutu parik kode kwekiŋdya ko se daŋin jore.