Ejikele 7:23 - Bibilia Buk na Ŋun nagon koti luŋu a

²³ Teteŋdi toŋot, kogwon jur aje jore ko ’buggö na rima, köji aje jore ko kulya narok.

Ejikele 7:23 Iomraidhean Croise

2 Moran 21:16

Köti luŋa Manase a ’buköddu rima na mamaŋa jore parik, tojo lepeŋ a tojore Yerusalema i ’dutet tojo ko nene ’dutet, kökö toron nagon nye a tiŋdi kötumit na Yuda i toroŋdya anyen se koŋdya ŋo nagon a naron ko MATAT i metet.

2 Moran 24:4

ko köti kogwon rima na ko dumalak kanyit ti kadi, ko ŋutu temejik ti jur, a nye wusaddi se kaŋo Yerusalema tojo ko Babela i gwon a ’dupi.mamaŋa nagon nye a ’buköddu; kogwon nye a tojoreju Yerusalema ko rima na mamaŋa, a MATAT tine pitö-kiŋdyö.

Yisaya 1:15

A ko ta a mamanyuŋdya ko konisi kasu, a nan de muŋge konyen kwe ko ta; ma ’di ködyö ta a kwakwaddu kwakwasesi jore, Könisi kasu a jore ko rima;

Yisaya 59:3

Kogwon könisi kasu a toluta ko rima, ko morin kasu a toluta ko ŋonyesi; kutusen kasu a jamiŋi ’burönöesi, a ŋedepa kasu kokoyogor tukwölö-ŋesi.

Yisaya 59:7

Mokosi kase wökön i toron, a se nyoŋgi ’buköddu rima na mamaŋa; yeyeesi kase gwon a yeyeesi ti ŋonyan, a köŋu ko tukaŋu gwe a kikolin kase.

Yeremia 2:34

Iŋkoi, makine rima konut i boŋgwat; kine a rima ti ŋutu lomerika logon ’bak kulya logon do a tatu kulo, do a ko ryö lepeŋat i ’beleŋgu na kadi.

Yeremia 22:17

Ama konyen kulök ko töili ilot tuŋ ’dekan ’bulit naŋon do ryö i kiko loron, a do tuŋ ’deke ’buköddu rima na mamapa, a do köti ’deke ru ’ya ŋutu ko riŋit.

Yeremia 27:2

MATAT lo kulya ko nan adi, Tetenakiŋdye mugun patala ko gwulupi, ko toraki konut i murut.

Yeremia 40:1

A lo gwe a kulyaet lo MATAT logon a pokin ko Yeremia, i diŋit nagon Nebujaradan duma lo katiyuk a joŋga lepeŋ a tora ko toŋot i pirit na geleŋ ko ŋutu ti Yerusalema ko ti Yuda, logon a momokaji a ’dupi anyen joŋa Babela kulo. A Nebujaradan duma lo katiyuk iŋge kölörö Yeremia Rama yu.

Yeremia 6:7

Toronjin lelekun a ludukö kanyit lukata, gwoso kidi logon pioŋ kanyit lelekun a ludukö; ryaggu ko tukaŋu yiŋa kanyit lukata; diŋitan liŋ nan memet twana ko ’dikasin.

Yeremia 7:6

a ko ta a ko ru ’ya Lwaka, kode kikijikö kode karu ’bejin, a ko ta a ko ’buköddu rima na mamaŋa i na pirit, a ko ta a ko köŋu ’börik i kepoddu na kulye ŋunyen,

Delyasi 3:7

Lepeŋ a ririkakin nan kiden anyen nan gwon ti bulö rwöddu; a nye iŋge rerek nan ko toŋot lo pömöni;

Ejikele 11:6

Ta yeŋon tatuaddu ŋutu i na köji, a kikolin kanyit iŋge jore ko öpuö.

Ejikele 12:19

Taki ŋutu ti jur adi, MATAT ŊUN lo kulya sona i kulya ti ŋutu lo si ’da Yerusalema i jur lo Yisaraele kulo adi, Se mo nyesu kinyo lose ko kujönö, a möji pioŋ kase ko delya, kogwon ŋo liŋ na gwon kase i jur kune mo ryaryakaji, kogwon ŋonyan na ŋutu liŋ lo si ’da kata kulo.

Ejikele 18:12

a ru ’ye lomerika se ko ŋutu lo yöŋö ŋo, a gwe a karyakanit, a tine nyökökiŋdyö ŋo nagon a togwoet, a ’bilikiŋdye konyen ki i twöju na nyomuejin logon a ŋunyen kulo, a koŋdi ŋo na mamana,

Ejikele 22:13

Nyenagon mete, nan a naŋgu könisi dedelya kogwon ’bulit na ryö ŋutu kulök i kikolin lorok, koti kogwon rima nagon a ’buköŋ konut kiden kune.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 22:9

Do Yerusalema, ŋutu kata konut kiden logon yegga kulya ’burönö anyen ’buköddu rima; ŋutu kata konut kiden logon nyesu i piritön kwakwasesi na gwon i ko ’dulan ti merya kune; ŋutu kata konut kiden logon koŋdya ko towutön.

Ejikele 45:9

Nan MATAT ŊUN lo kulya sona adi, Ta kasarak ti Yisaraele, aje jo! Kölöki ta ŋonyan se ko ryaggu nasu ŋina, ’duŋge ta putesi gwogwo, koŋdi ta ko torigwo; kölöki ta ririkijö na ŋutu kwe i kak jin kase na kukuru, ŋilo a nan MATAT ŊUN lo jambu.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Ejikele 8:17

A lepeŋ pipije nan adi, ŋuro lo ŋuto, do aje met kine kulya? Kötumit na Yuda ŋona yeyeju adi ŋina a ŋo na pölilyö i koŋdya na ŋo na mamana i na pirit? Kilo ŋutu a tojoreju jur ko ŋonyesi a lepeŋat ’ya ’yi towoŋa nan bia parik. Mete, lepeŋat ’bo ’yu kumesikö kase ko kenia!

Ejikele 9:9

A nye waddi adi, Toron na kötumit na Yisaraele ko na Yuda gwe a duma parik; jur aje jore ko ’buköddu na rima, a köji iŋge jore ko ’duŋgö na putesi lorok. Kogwon lepeŋat yeyeju adi nan MATAT aje kölökin jur; lepeŋat yeyeju adi nan ti met se.

Osea 4:2

tuŋ gwon a milyeju, ko ’burönö.ko torem, ko koko ’ya, se ko toluŋ; Lepeŋat koŋdya ŋo narok nagon a lwoŋgu i tatuaddu na ŋutu.

Mika 2:2

Lepeŋat be ’ya meleseno, a riŋun-dye se, a be ’yi kadijik a ’dumaddi se ko riŋit; lepeŋat ru ’ya ŋutu ko midijik kase, a ru ’ye ŋutu ko kak jin kase lomoriot.

Mika 7:2

Ŋutu lo twöju Ŋun aje twatwa i kak ni, a ŋutu lo rigwo gwe ’bayin i kiden na ŋutu; lepeŋat liŋ pokin i nyiŋgo na rima, ŋutu liŋ goŋa luŋasirik kase gwoso ŋuto lo togopa ko birya.

Naum 3:10

Kolumbö a ŋutu kanyit jopani kaŋo a ’dupi; a lupudiet kase iŋge papasaka i keresi liŋ ti kikolin; a ŋutu kanyit lokukwon gubani guralan, a ŋutu kanyit temejik liŋ iŋge rereka ko toŋot.