Ejikele 7:21 - Bibilia Buk na Ŋun nagon koti luŋu a

²¹ A nan mo ŋutukiŋdye kilo minyojin i könisi ti Lwaka gwoso ŋo na gŋgora, a ŋutukiŋdye i ŋutu lorok ti kak a ryakat, a se mo toluddye kilo minyojin.

Ejikele 7:21 Iomraidhean Croise

2 Moran 24:13

a nye yekaddi kaŋo tukwörien na ’dela ti kadi na MATAT, ko tukwörien na ’dela ti kadi na mor; a nye gwagwalaggi toro ’bo liŋ logon a dakap lo gwon i kadi na MATAT, logon Solomona mor lo Yisaraele a teten kulu, gwoso na keŋ MATAT nu.

2 Moran 25:9

A nye ’yuŋe kadi na MATAT, ko kadi na mor, ko kadijik liŋ ti Yerusalema; iŋkoi, nye a ’yur kadijik dumalak liŋ.

Saumajin 109:11

Ko ti ŋutu logon lo ŋuto a kuröddu ŋo kase lo ti se mokaddi ŋo kanyit liŋ; ti Lwaka ryaggi ŋo nagon nye a kitaun kune.

Saumajin 79:1

Pon Ŋun, ŋutu ti jurön aje luŋe i jur ilot lomore; se aje toluddya kadi inot nake na rurwan; a se kölökindye Yerusalema i gwon a rubajin.

Yeremia 19:13

Kadijik ti Yerusalema ko kadijik ti moran ti Yuda mo totoluta gwoso Topet. Iŋkoi, lepeŋat liŋ totoluta, kogwon ŋutu a ’yurakiŋdya kurumi na po liŋ ti ki bökur, a ’bukökiŋdye kulye punyen rubaŋgajin ’bu ’bukesi i lo ’deka ti kadijik kase.

Ejikele 31:12

A ŋutu lepelok logon a kipajin logon mörö ’bak pitönö lwölwöŋ ŋutu ti jurön liŋ kulo mo tukukiŋdye lepeŋ kak, a kölökiŋdye lepeŋ. A kenia kanyit mo ’do ’done i merya loki se ko i piritön liŋ na ’dir, a kenia kanyit mo parasake kak a ’bi ’biliŋiki i luruki liŋ ti jur, a gweyajin liŋ ti ŋutu ti kak mo iti kaŋo i tölimöt nanyit, a kö ’yi lepeŋ.