Ejikele 7:20 - Bibilia Buk na Ŋun nagon koti luŋu a

²⁰ Lepeŋat bu ’ya ’börik ko minyojin lokwekwelen, logon se teten a nyömuejin kase lorok lo mamana; nyenagon a nan mo konakiŋdye se minyojin kase gwoso korodo.

Ejikele 7:20 Iomraidhean Croise

2 Moran 21:4

A nye ’duŋge piritön ’yuresi ti rubaŋgajin i kadi na MATAT, nagon MATAT a kulyari adi, Nan mo tiŋdu karin kwe Yerusalema na.

2 Moran 21:7

A nye tiŋdi Asera nagon a nyömue na gigiru nagon nye a teten na i kadi na Ŋun. Ŋina a kadi nagon köju MATAT a kulyari ko Dawidi se ko ŋuro lonyit Solomona adi, Nan mo tiŋdu karin kwe ŋupi i na kadi, ko i Yerusalema nagon nan a wulun i kötumitön liŋ ti Yisaraele na;

2 Dekat 2:9

anyen tetenakiŋdya nan kaden jore, kogwon kadi nagon nan ’du ’duk na mo gwe a duma ko a sorit.

2 Dekat 36:14

A ma ’di koanejin temejik liŋ se ko ŋutu köti iŋge toroŋdya parik i mirakiŋdya na manat liŋ ti kulye juron; a se toluddye kadi na MATAT nagon nye a kon a nake na rurwan Yerusalema yu nu.

Ejira 3:12

A Jore ti koanejin ko ti Lewijin, ko kusik ti kotumiton ti merenyejin luluje lulujö parik na meddi se piŋilu na ŋinu kadi. Kilo a ŋutu mudupin logon köju a met kadi na ’beron nu. Ama kulye Jore woŋoro ki ko lyoŋon.

Saumajin 48:2

Mere Siona i swöt lo lobot gwon ki, a lyöŋit na kak ’bukuluŋ, nye a köji na mor duma.

Saumajin 50:2

Ŋun a pararaaddu kaŋo Siona yu, nagon kwekwelen parik lwo-lwoŋgu.

Yisaya 30:22

A kirut a ta mo toluddye nyömuejin kasu lo gigiru lo mulua ko pödö se ko nyön mejin kasu lo ninitö lo mulua ko dakap. A ta mo totoreji se gwoso ŋo nagon a lut; a ta mo kulyani ko lepeŋat adi, Iŋgo ta!

Yisaya 64:11

A kadi nikaŋ kwakwaset nake nakwekwelen; na pupurje kobaba do köju nu aje, ’yiura ko kimaŋ a piritön kaŋ liŋ nagon yi nyanyar kune aje torubayi.

Yeremia 7:14

Nyenagon nan mo kokonakin na kadi na luŋu ko karin kwe nagon ta twötwö na, kweja adi na pirit nagon nan a tikin ta se ko merenye­jin kasu köju nu, gwoso nagon nan a konakiŋdye Silo köju nu;

Yeremia 7:30

Nan MATAT lo kulya adi, Kine kulya gwon sona kogwon nyakwariat ti Yuda aje koŋdya ŋo narok köyö i komor. Lepeŋat aje togwi ’dikiŋdya nyömuejin lo mamana i kadi nagon luŋu ko karin kwe na anyen toluddya lepeŋ.

Delyasi 1:10

Merok aje riöddu könisi kase i ryaggu na ŋo liŋ nakwekwelen ti köji, iŋkoi, köji aje met ŋutu ti jurön lupö i pirit nake na rurwan, kilo a ŋutu ti jurön logon do MATAT a teŋ i lupö konut i mo-moret kulo.

Delyasi 2:1

A dyoŋ, MATAT ko woran nanyit aje jakin köji na Siona mudwe! Lepeŋ ki yu aje gubun kwelen na Yisaraele kak, i lor lo woran nanyit a nye gwe a ko yeye Siona nagon a tokit nanyit na mokosi.

Delyasi 2:7

MATAT aje paju pirit nanyit ’yuret na rubaŋgajin, nye aje man pirit nanyit nake na rurwan; a nye iŋge ŋutu kin goroma ti kadijik temejik i konisi ti merok; a woŋon gwe a duma i kadi na MATAT gwoso woŋon na rorwe lo wulwe.

Ejikele 11:18

Nyena ko se mo aje yitö nyu, a se mo wuddye ŋo liŋ nagon a lut se ko ŋo liŋ na mamana;

Ejikele 16:16

A do tetena-kiŋdye mugun piriton na ’du nagon do kwakwaddi nyomuejin logon a ŋunyen, a do ’dumuŋdye kunie boŋgwat kunok a tokweleŋdi se, a do biryeri mugun a kawute i loki na se. Ŋo gwoso kine kodyo mo ti pukun, a se kodyo mo tine gwon sona asut.

Ejikele 16:19

A do koti ’dumuŋdye kinyo logon nan a tikin do anyen wowoji do lo, kweja adi ’bolot na jio a nalilipök. ko welet, se ko siwatat, a wukiŋdye lepeŋat a ŋo na mon paleleŋ. Ŋilo a kulyaet lio lo MATAT ŊUN.

Ejikele 23:38

A se köti iŋge konakin nan ŋina ŋo: kweja adi se aje köŋu pirit nio nake na rurwan i lor lo geleŋ lu a köŋi sabatajin kwe.

Ejikele 24:21

Taki kötumit na Yisaraele adi, MATAT ŊUN lo kulya adi, Mete, nan mo kökör pirit nio nake na rurwan nagon ta bu ’ye ’borik adi ta a iŋgo ŋina, ko ŋo nagon konyen kasu a lyöŋgi na, se ko ŋo nagon töilyet kasu ’de ’deggi na; a ŋwajik kasu lulyan ko nawate nagon ta a kölökin yu kunu mo totokoni kak ko baŋdujin.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 7:22

A nan mo löpuköddi komor nio kaŋo kase, anyen se toluddya pirit nio na ’but; a karyakak mo lupöni i köŋu na lepeŋ.

Ejikele 9:7

A kirut lepeŋ takiŋdye lepeŋat adi, Tolute ta kadina Ŋun, tojoreneta ’baŋin kanyit ko öpuö; a kirut iti ta kaŋo i tatuja na ŋutu köji kata. A lepeŋat iti tu.

Kagai 2:3

Ko ŋa logon kasu kiden logon koju a met na kadi i kwelen nanyit na ’beron? Ta sopinana a met lepeŋ gwon ada? Ta ti met nye a ŋo kana le?

Ka’duŋök 8:24

A Gideona kulyani ko lepeŋat adi, Nan boŋo mo ’yu ta; ti ŋutu kasu liŋ geleŋ geleŋ tikiŋdye nan re ti swo na ryakun se kune, (kogwon kulu ŋutu jupu re ti swo nagon a dakap, kogwon se a ti ŋutu ti Yisamaele).

Ka’duŋök 8:27

A Gideona teteŋdi se a epoda, a tiŋdi kase i köji nagon a opera; a ŋutu liŋ ti Yisaraele iŋge biryeni ’borik gwoso ŋutu kalupok nyu i kulya ti ŋinu epoda. A ŋina worani gwoso widi loket ko Gideona ko mede nanyit.