Ejikele 7:2 - Bibilia Buk na Ŋun nagon koti luŋu a

² Do ŋuro lo ŋuto, nan MATAT ŊUN lo kulya ko jur lo Yisaraele adi, Ŋina gwe a ’dutet, ’dutet ŋina popo i swötön iŋwan ti jur.

Ejikele 7:2 Iomraidhean Croise

Suluet 6:13

A Ŋun kulyani ko Noa adi, ’Duddyö na Ŋutu lio a ’dur köyö i komor; kogwon kak na ajore köryaggu kogwon kulya kase; nyena mete, nan de tutukar se ko kak liŋ i pirit na geleŋ.

2 Dekat 34:7

A nye tuŋe piriton ’yuresi ti rubaŋgajin kak, a nyo ’buŋe kaden ti mian logon a Asera se ko nyomuejin, a duyombi piriton ’yuresi liŋ ti bökur kak i jur lo Yisaraele liŋ. A kirut nye yitöni Yerusalema.

Yisaya 47:7

A do kulyani adi, Nan mo gwon a ŋöte na yeŋ nyin, nyena do a ko petakiŋdya töili ilot i kine kulya, a do tine yeyeju ’dutet nase.

Yeremia 12:4

Diŋit ŋornan nagon jur ŋoŋoŋga a döru liŋ lo mu ’diŋ teteyone teteyon? Kijakwa ko kwen a likin kogwon toronjin ti ŋutu lo si ’da kata kulu, kogwon ŋutu kulya adi, Ŋun ti met ŋo nagon yi kökon kune.

Yeremia 5:31

kweja adi nebijin kekejutu ’burönö, a koanejin saŋi gwoso na jambi nebijin na; a ŋutu kwe nyare nyar adi ti gwe sona, ama ta mo koŋdya nyo ko ’dutet a po?

Yeremia 51:13

Do köji nagon gwon nyona ko karya jore, ko a kwörinit duma na, ’dutet inot aje po, nekenet na töili ilot aje giŋdya.

Delyasi 1:9

Tolutan nanyit ’depakiŋdya kanyit i boŋgwat; a nye tine yeyeju tukara nanyit; nyenagon a ’doro nanyit gwe a ŋo sörit, a nye gwe ’bak lele ŋuto lo sugga lepeŋ. A köji gwine adi, A, pon MATAT, meddi ŋoŋga nio kogwon merok aje te ’ya!

Delyasi 4:18

ŋutu domba yi i woro, anyen yi gwon ti woro abur; ’dutet nikaŋ gwe nyona, perok kaŋ aje kenaki, iŋkoi, ’dutet nikaŋ ’diri aje po.

Ejikele 11:13

A ko gwe sona nagon nan gwon i keju nu, a Peletia ŋuro lo Benaya twane twan adi dut. A kirut nan ’dorone kak rupu, a gwine gwien ko gworo lobot adi, Pon MATAT ŊUN, do ’diri tutuŋe tutuŋ pitönö ti ŋutu ti Yisaraele asut le?

Ejikele 12:22

Ŋuro lo ŋuto, tolupet nagon ŋutu jajam i jur losu lo Yisaraele na kweja nyo nagon ta kulya adi, Perok ’yaladdu ŋerot a ŋo na memeta na met nebi kanyit i töili kune worani a ŋo kana?

Ejikele 21:2

Ŋuro lo ŋuto, löpuköddi komor inot komorga Yerusalema, jambi kulya ti piritön nake na rurwan adi se a narok, ko keŋ kulya narok i kulya ti jur lo Yisaraele.

Ejikele 21:25

Ama do duma lo Yisaraele, do a loron, do ti twoju ŊUN, diŋit inot aje po nagon riparikin do a ’dutet.

Ejikele 21:4

Nyena kogwon nan mo ’du ’dupöro kaŋo konut ŋutu liŋ lo ’but ko lorok, nyenagon nan mo ’du’dutun baŋdu lio kaŋo i soko ’bo anyen möro ko ŋutu liŋ suluja i swöt lo loki tojo i swöt lo lobot;

Ejikele 21:7

A ko lepeŋat a pija do adi, Ko nyo do dede-lya? a do mo waddi lepeŋat adi, Nan delya kogwon nan a yiŋga liŋio ti kulya narok. A na ’durökiŋdye se nu, a töilyet ti ŋutu liŋ mo lwö ’yi lwö ’yu, a könisi kase liŋ mo worani a lokolokak, iŋkoi ködu dwölön kase liŋ mo ’doŋga mu ’diŋ, a kuŋwat kase liŋ worani pötö gwoso pioŋ. Mete, kine kulya popo, iŋkoi, aje ’durökin. Ŋilo a kulyaet lio lo MATAT ŊUN.

Ejikele 35:5

Ta aje wowoja tomirikulan na yeyeŋon, a na gwoŋdi se i diŋit nagusu nu, kweja adi i diŋit na riparikin se i ’dutet nu, a ta iŋge pakiŋdya ŋutu ti Yisaraele i tatua ko baŋdujin;

Ejikele 40:2

A nan meddi kulya ti ŊUN koyö i töili adi nye lo joŋdya nan i jur lo Yisaraele, a tosi ’dakiŋdye nan kak i loki na mere lojo parik, a nan iŋge met kadijik nagon meta gwoso köji diruŋdya köyö ni.

Ejikele 7:1

A kulyaet lo MATAT poki köyö adi,

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Yoele 1:15

Woidio ŋilu lor! Kogwon lor lo MATAT gwe nyona ko po, nye a lor tukaret logon Kabulönit lo ŋo lio lo sunyuŋdyo.

Amosa 8:10

A nan mo löpuŋge roriot kasu a delyaesi, a löpuŋge kölisi kasu liŋ a luluesi, a nan mo tiŋdi ta i dukukiŋdyö na boŋgwat terekesi kasu i muköko liŋ, ko kusik kasu liŋ a ’barinu; a nan mo tiŋdi ŋilu lor i gwon a delyaet gwoso lo delyarikin ŋuro pilili, a ’dutet nanyit mo gwe gwoso lor tomiet.

Amosa 8:2

A nye pipije nan adi, Amosa, do a meddya nyo? A nan waddi adi, Nan a meddya kupö lo ludweki ti diŋit na ja ’be logon aje temakiŋdya i nyei. A kirut MATAT takiŋdye nan adi, Diŋit na ŋutu kwe Yisaraele aje temakiŋdya, a nan mo koti tine girara a swöt ’bak meddya toronjin kase.

Matayo 24:6

A ta mo yiŋge kulya ti mörö, ko lodokon ti mörö; nyena meddi ta ’bura an ta ko kujöno ta. Kogwon kine po agu ködyö kokona, ama ’dutet nyuŋ ’bak.

Nyökit 32:20

A nye kulyani adi, Nan mo ’de ’ya komor nio i se, a nan mo meddi ko ’dutet nase mo gwon ada, kogwon se a toberon nakwölöŋ, ko a ŋwajik logon ti yiniki.

1 Petero 4:7

’Dutet na ŋo liŋ gwe nyona, nyena gwe ta ajo kasu i yeyeesi. Tiji ta ’börik anyen ta kwakwaddu.

Kweyatti 20:8

A lepeŋ mo iti i togiŋa na Goga se ko Magoga logon a jurön lo gwon i swötön iŋwan ti kak kulo, anyen momoruŋdya se i pirit na geleŋ i mörö. Lepeŋat jore parik gwoso sese na tör.

Kweyatti 7:1

A i mukök na ŋina, a nan meddi malaikajin iŋwan gwogwo ’dan i swötön iŋwan ti kak. Lepeŋat teŋgu köbuŋösi iŋwan ti kak anyen köbuŋöt gwon ’bayin lo wukuŋdyö i kak, kode i tör duma na ’balaŋ, kode i lele lo kaden.