Ejikele 7:18 - Bibilia Buk na Ŋun nagon koti luŋu a

¹⁸ A se jupuni boŋgwat terekesi a kujönö duma iŋge mok lepeŋat, a yu na kwe morgi lepeŋat liŋ, a kusik kase liŋ gwe a namelenyak.

Ejikele 7:18 Iomraidhean Croise

Suluet 15:12

A nagon kolor ’dororo ’dororo nu, a Abarama iŋge doto parik adi mön; nyena a kujönö duma parik se ko mudwe logon adi ’dii morgi lepeŋ.

Eyobo 21:6

Ko nan yeyeju kine kulya a nan gwe ko delya, a mugun nio böŋdi böŋdu.

Saumajin 35:26

Ti ŋutu lo kwekweni i delya nio kilo telani tela a dyadya ’yi dyadya ’yu; ko ti ŋutu logon bu ’ya ’börik ko nan kilo wuji yu na kwe ko lawe.

Yisaya 3:24

A mo gwe sona adi, riya mo ruta ko ’buron; a gom mo rutani ko pata; a kupir lo tataka mo rutani ko kwe limu; a boŋgo nakwekwelen mo rutani ko terekesi na, pipitaki; a kwelen mo rutani ko nya ’dotesi ti kimaŋ.

Yeremia 3:25

Ti yi pere ta kak ko yu na kusik.

Yeremia 48:37

Kogwon kusik liŋ aje ’barinu, a kupir ti nyekema liŋ iŋge ’barinuji kaŋo; ŋutu liŋ a ’du ’duŋujö könisi kase a ’dikasin, a iŋge torakiŋdya boŋgwat terekesi kase i mukökö.

Yeremia 6:25

An ta ko tu ta kaŋo köji kata anyen tu i jur, ko wörö ta i kikolin temejik; kogwon merok gwon ko baŋdujin, ŋutu kukujönö i swötön liŋ.

Yeremia 6:26

Ta ŋutu kwe, doggi ta ’börik ko boŋgwat terekesi, gwugwuluŋge ta ’börik i kurök ti kimaŋ; luluje ta parik gwoso ŋuto nagon delya pilili lonyit lo ŋuro, kogwon katukarak kilo ’du ’durökin kayaŋ loki ’de ’de.

Ejikele 27:31

a lepeŋat ’bariŋdi kusik kase kogwon kulya kunök, a jupuni boŋgwat terekesi, a lepeŋat gwine do ko töilyet lupötwör ko delya a duma parik.

Yoele 1:13

Ta koanejin, doggi ta ’borik ko boŋgwat terekesi, ko jojoggi ta kidoni kasu ko delya, ta kakitak lo kita i pirit ’yuret na rubaŋgajin, luluje ta lulujö. Ta kakitak lio ti Ŋun lio, luponi ta kadi, gwe ta ko boŋgwat terekesi i tukwaje lio! Kogwon ’dokesi ti ’bolot se ko rubaŋgajin ’bu ’bukesi a ko jwe i kadi na Ŋun losu.

Amosa 8:10

A nan mo löpuŋge roriot kasu a delyaesi, a löpuŋge kölisi kasu liŋ a luluesi, a nan mo tiŋdi ta i dukukiŋdyö na boŋgwat terekesi kasu i muköko liŋ, ko kusik kasu liŋ a ’barinu; a nan mo tiŋdi ŋilu lor i gwon a delyaet gwoso lo delyarikin ŋuro pilili, a ’dutet nanyit mo gwe gwoso lor tomiet.