Ejikele 7:13 - Bibilia Buk na Ŋun nagon koti luŋu a

¹³ Kogwon katugwörök mo ti yitö i ŋo na tugwör se kune a se nyuŋ gwon jörun. Kogwon woran gwon ko ŋutu kase jore loki, a ŋina woran mo tine löpukwe bot; a lele ŋuto mo tine ’debba ru nanyit kogwon toron nanyit.

Ejikele 7:13 Iomraidhean Croise

Esetere 8:8

Nyena ta bubulö wuŋö kulya ti Yudayaki gwoso i ’dekesi kasu, a ta wuŋe i karin kwe ti mor, ko joggi ta nye ko katimanti nio joket; kogwon ko saret a wurö i karin kwe ti mor a iŋge joka ko katimanti nio joket na tumatyan a nye tine bulö löpukö asut.

Eyobo 15:25

Kine kulya gwon sona kogwon lepeŋ aje ’bi ’yu könin lonyit ki i möro ko Ŋun Kabulönit lo ŋo liŋ, a lauŋdye lepeŋ,

Saumajin 52:7

Meddi lu ŋuto logon a ko tindu Ŋun a ŋirit ’danaet nanyit nago, ama a nye yinikindye mugun i tukwörien nanyit duma, a nye togo ’yi mugun i kulya kanyit nakwölöŋök!

Katokuönit 8:8

ŋuto ’bayin logon ko riŋit i teŋgu na ködudwö, kode ko kido i teŋgu na lor lo twan, ŋuto ’bayin lo kölö i diŋit na gor, a toron tine bulö lwöggu katoron­yanit.

Ejikele 12:25

Kogwon nan MATAT mo jajambu ŋo nagon nan ’de ’dekan, a kulya nagon nan mo jajam kune mo konani kona, a kine kulya mo tine jaran i kona. Ta kötumit na karerenyak, nan mo jajambu kulyaet a nan mo kitari kitari ŋilo kulyaet i perok kasu. Ŋilo a kulyaet lio lo MATAT ŊUN.

Ejikele 12:28

Nyenagon ti do taki lepeŋat adi, MATAT ŊUN lo kulya sona adi, Lele lo kulyaesi kwe ’bayin kwöŋ logon mo kakarakin; ama kulyaet logon nan a jam lo mo kokona. Ŋilo a kulyaet lio lo MATAT ŊUN.

Ejikele 13:22

Ta a tomunya-ŋdu töilyet ti ŋutu lo rigwo ko kulya ’burönö, ma ’di nagon nan MATAT ti ’bön koŋdya sona, a ta kölumbö togo ’yi ŋutu lorok anyen lepeŋat ködyö gwon ti löpukwe kaŋo i konesi kase narok anyen lwöggu ru nase.

Lewi 25:13

A i lo kiŋa lyöŋit a ta liŋ geleŋ geleŋ ködyö yitöni bot i lomoriot kasu.

Lewi 25:31

Ama a kadijik na gwon i turön nagon a ko gömö ko mariŋ kune ködyö kenani i pirit na geleŋ ko meleseno ti jur; kunu bubulö dakwe, a se ködyö kölöni i kiŋa lyöŋit.