Ejikele 6:9 - Bibilia Buk na Ŋun nagon koti luŋu a

⁹ A kirut ŋutu kasu logon a pesaddu i tatua kulo mo yeyene yeye nan i kiden na ŋutu ti jurön logon se a joŋa kata i to ’dupien kulu, adi, nan a tomie kogwon se gwon ko töilyet ti towutön a löpuköddi kaŋo köyö, a konyen kase ti towutön iŋge kepoddu nyömuejin logon a ŋunyen kana. A kirut se mo maŋdi ’börik ko ŋo liŋ narok nagon se a kon i konesi kase liŋ na mamana kine.

Ejikele 6:9 Iomraidhean Croise

2 Moran 16:10

A mor Akaja iti Damaseke i rum ko Tigilat-pileser mor lo Asura, a nye meddi pirit ’yuret na rubaŋgajin na gwon Damaseke nu. A mor Akaja sunyukiŋdye koane Uriya gweya na ŋinu pirit ’yuret na rubaŋgajin ko miratti nanyit gwoso i tetenesi kanyit liŋ.

Eyobo 42:6

nyenagon nan maman mugun, a nan delyani toronjin kwesi ’da i ŋutu ko a kukuŋö mugun ko kurök.

Saumajin 137:1

I Jur lo Babela yu yi a si ’da kak nyona ko karya, a yi gwine gwien na yiyiundye yi Siona nu.

Saumajin 78:40

Se a renya lepeŋ i yöbu daŋin muda, iŋkoi, se a todelyaju lepeŋ i yöbu na sese daŋin muda!

Yisaya 43:24

Do a ko gworökin nan kuku gwaŋat ko gurut, kode toyimonöju nan ko welet na rubaŋgajin kulök.

Yisaya 63:10

Ama a se renyani renya a tode-lyaŋ Mulökötyo loke lonyit, nyenagon a nye löpukuŋdye a miriku lose, a nye lepeŋ iŋge mörö ko lepeŋat.

Yisaya 64:6

Yi liŋ aje po gwoso ŋutu logon a lut, lötiöt kaŋ liŋ lo rigwo gwe gwoso boŋgwat reketwat nagon a lut; a yi liŋ nogara nogara gwoso koropo, a toronjin kaŋ ’dokoddi yi gwoso köbuŋöt.

Yisaya 7:13

A MATAT waddi ko nebi i kutuk adi, Nyena ta kotumit na Dawidi, yiŋge ta! Gwon a kulya na ’di ’dik kasu i tudaraju na ŋutu, nagon a ta koti de tudaraji Ŋun liŋ le?

Yeremia 3:13

Ama ka ’de ruŋge toron inot nagon do renyari nan MATAT ŋun ilot na, ruŋge adi do aje tu i ŋunyen logon a lepelok lo gwon i mukökö ti kaden liŋ lo rurwan, gwoso kalupe nagon wöröji abur i lyan, ruŋge adi do a ko twöju gworo lio. Kilo a kulyaesi kwe ti MATAT.

Yeremia 3:6

A i perok ti mor Yosia a MATAT pije nan adi, Do a met ŋo nagon Yisaraele a kon i tu nanyit kaŋo köyö a iti i ko ’dulan liŋ ti merya ko i mukökö ti kaden liŋ logon rurwan, a nye biryeri mugun gwoso kalupe nyu?

Yeremia 51:50

Ta logon aje rwösuŋdyö kaŋo i baŋdu kulo. iti ta, ko möŋdu ta! Yiyiuŋdye ta MATAT pajo yu, iŋkoi, yiyiuŋdye ta Yerusalema.

Ejikele 12:16

Ama nan mo pipitökin ŋutu ku ’dik i rwösöddu kaŋo i baŋdu, ko i dyaŋ, se ko i twanti iŋgo, anyen se tukökiŋdyö ŋo kase liŋ na mamana kine i kiden na gweyajin ti ŋutu logon se a tu kata kulu, a se mo dene den adi nan logon a MATAT.

Ejikele 16:43

Do a ko yeyeju perok ti tolupu-dien inot a kölumbö towoŋi nan ko konesi kunök liŋ; nyenagon mete, nan mo roropakin konesi kunök liŋ konut i kwe. Ŋilo a kulyaet lio lo MATAT ŊUN. Ti gwon sona adi do a koŋdya towutön wat po kunök liŋ na mamana le?

Ejikele 16:61

A kirut do mo yeyene yeye kikolin kulök a iŋge yu kwe, na wuji do kiasirik kunök duma ko na ’dit nu. A nan mo tiŋdi do se a ŋwajik kunök, ama se ’bayin i kulya ti tomoret nio ko do.

Ejikele 16:63

A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Ejikele 20:24

kogwon lepeŋat a ko koŋdya ŋo na yökije nan se na, a kölumbö renyani saresi kwe lo wurö, a köŋi sabatajin kwe, a konyen kase ’depakiŋdye i nyömue-jin logon a ŋunyen ti merenyejin kase.

Ejikele 20:28

Kogwon na joŋdi nan se köju i jur logon nan a milyeju i tiŋdu na se lu, a se iŋge meddya lurwat liŋ lojo, se ko kaden liŋ logon ko koropo jore, a se wukiŋdye rubaŋgajin kase nyu, a tiŋdi ’dokesi kase nyu nagon towoŋa nan; köti a se wukiŋdye ’dokesi na mon paleleŋ a ’bukökiŋdye rubaŋgajin ’bu ’bukesi nyu.

Ejikele 20:43

Nyu a ta mo yeyeji kikolin kasu ko konesi kasu liŋ nagon ta koju a toluddye ’borik kune, a ta mo maŋdi ’börik kogwon po narok liŋ nagon ta köju a kon kune.

Ejikele 20:7

Nan a takin se adi, Ta liŋ geleŋ geleŋ, gubara ta ŋo kasu na mamana kaŋo nagon tulyöŋgu konyen kasu kine, an ta ko toluddya ta ’börik ko nyömuejin logon a ŋunyen ti Ejipeto. Nan logon a MATAT ŊUN losu.

Ejikele 23:30

na joŋdya kine ŋo konut loki, kogwon do a biryeri mugun a kawute ko ŋutu ti jurön, a toluddye mugun ko nyömuejin logon a ŋunyen kase.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 6:10

A se mo dene den adi nan a MATAT; nan ’bayin a ’burönit i jambu adi nan mo kokonakin se kine ŋo narok.

Ejikele 7:16

A ko kulye kase a rwosoddu a woki i merya, a se mo gwine gwoso gureki ti pirit na ’dir, ŋuto geleŋ gwi ko toron nanyit.

Osea 11:8

Epuraima, nan ŋona bubulö kö-löddu do ada? Yisaraele, nan ŋona bubulö ŋa-kiŋdya do ada? Nan ŋona bubulö konakiŋdya do gwoso Adema ada? Nan ŋona bubulö koŋdya do gwoso Seboim ada? Töili lio lukata aje kukutörö bot, konyen kwe ga ’yu won konyen ko do parik.

Amosa 2:13

Mete ta, a nan mo rudakiŋdye ta kak kasu i pirit gwoso arabia logon a sopa pomoni ko kusik ti ’bolot.

Mika 5:13

A nan mo tukaŋi nyomuejin kasu i jur losu, se ko ŋurupo logon ta a togwi ’dikin ki i kwakwasa kulo, a ta mo koti tine dulaki kak i kwakwaddu na ŋo na teten ta ko konisi kasu kine.

Jakaria 10:9

Ma ’di nagon nan a toreara se i kiden na gweyajin ti ŋutu, a se mo yiyiuŋdye nan i jurön ti pajo, a se mo wowoji ŋwajik kase, a mo yitwene yitwe.

Kenet 15:39

a mo gwe kasu a swalya nagoŋ ta memet ko anyen yiyiuŋdye saresi liŋ ti MATAT, anyen ta kökon se, ko anyen ta gwon ti kepöddu ’dekesi ti töilyet kasu ko ti konyen kasu nagoŋ tiŋdu ta i bibiryetu gwoso ŋutu kalupök kune.

2 Petero 2:14

Konyen kase a jore ko lubbo a tine bulo kö ’yu toron. Lepeŋat togiraddu ŋutu lomunyak i koŋdya na toron. Toilyet kase a diniki goma gurut, a Ŋun iŋge lom lepeŋat.