Ejikele 6:7 - Bibilia Buk na Ŋun nagon koti luŋu a

⁷ A ŋutu lo tatua mo ’do ’done kasu kiden, a ta mo dene den adi nan a MATAT.

Ejikele 6:7 Iomraidhean Croise

2 Moran 19:19

Nyena soŋinana ŋon MATAT Ŋun likaŋ, böŋö lwöki yi i könin lonyit, anyen tumatyanjin liŋ ti kak böŋo kuruŋdyö adi do ŋon MATAT, logon a Ŋun geleŋ tuŋ.

Yuörö 14:18

A Ŋutu ti Ejipeto de dene den adi nan logon a MATAT, na wuji nan bulet i diŋit na te ’yi nan Paro ko arabiajin kanyit lo jijikö se ko kamörök kanyit lo wörö ko kusanjin kulo nu.

Yuörö 14:4

A nan mo togo ’yi töili lo Paro, a nye mo kepoddi but nase, a nan mo te ’yi Paro se ko teŋ na kamörök kanyit liŋ a nan mo ryekiŋdye mugun bulet; a Ŋutu ti Ejipeto mo dene den adi nan logon a MATAT. A Ŋutu ti Yisaraele iŋge koŋdya gwoso na saraki ’e se nu.

Yuörö 7:5

A Ŋutu ti Ejipeto mo dene den adi, nan a MATAT i diŋit na riöddi nan könin lio ko Ejipeto loki, a joŋdi Ŋutu ti Yisaraele kaŋo kase kiden nu.

Yeremia 14:18

Ko nan a tu kaŋo köji kata, a nan meddi ŋutu a tatua ko baŋdujin, a ko nan lupö köji kata, a nan meddi ŋutu logon a doddya ko magor a iŋge gigilötu. Kogwon nebijin ko koanejin wöwö­rötu abur i jur kata ’bak deŋdya na kulya.

Yeremia 18:21

Nyenaŋon wuki ŋwajik kase i dyaŋ, ŋutu ki lepeŋat i tatua ko baŋdujin, ti wate kase gwe ’bak ŋwajik ko ti se gwe a likisojin. Ti ŋutu lyan kase twatwane ko twanti iŋgo, ko ti teton kase tatuani ko baŋdujin i ŋor

Yeremia 25:33

A i ŋilu lor a öpuö ti ŋutu logon MATAT aje tatu kulo mo gwe kak suluja i ’dutet na kak tojo ko nene ’dutet, a se mo tine gwiorikin, a öpuö kase mo tine pepena, a mo tine nuka, a se mo gwe kak gwoso woro.

Delyasi 4:9

Bia se lo tatua ko baŋdujin Iwolwoŋ se lo twatwa ko magor, logon a sokara a iŋge riŋon kogwon magor na kinyojin ti melesen.

Ejikele 11:10

Ta mo totoko kak ko baŋdujin na ’duŋökiŋdye nan ta putesi i lokökorit lo Yisaraele nu; a kirut ta mo dene den adi nan a MATAT.

Ejikele 11:12

a ta mo kirut dene den adi nan a MATAT; kogwon ta a ko wörö i saresi kwe lo wurö a gwe a ko ’depakiŋdya i jujuwesi kwe, ama kölu-mbö a ta koŋdi gwoso i jujuwesi ti ŋutu ti jurön logon kasu i mara kilo.

Ejikele 12:15

A kirut se mo dene den adi nan logon a MATAT, i diŋit nagon nan mo toreaddi se i kiden na gweyajin ti ŋutu, iŋkoi, na ratakiŋdye nan se i kiden na jurön nu.

Ejikele 12:19

Taki ŋutu ti jur adi, MATAT ŊUN lo kulya sona i kulya ti ŋutu lo si ’da Yerusalema i jur lo Yisaraele kulo adi, Se mo nyesu kinyo lose ko kujönö, a möji pioŋ kase ko delya, kogwon ŋo liŋ na gwon kase i jur kune mo ryaryakaji, kogwon ŋonyan na ŋutu liŋ lo si ’da kata kulo.

Ejikele 13:14

A nan mo duyömökiŋdye ŋina gorom kak nagon ta aje we ’ya ko buya ŋina, a nan mo yayarakiŋdye lepeŋ kak, a pipilesi kanyit mo purune köke. Ko ŋina gorom a ’doro, a ta mo twatwane i lukata nanyit; a ta mo dene den adi nan logon a MATAT.

Ejikele 13:21

A nan mo kerenyuŋdye möŋdiliet kaŋo kasu i kusik, a nan mo riŋuŋdye ŋutu kwe kaŋo kasu i könisi, a se mo köti tine gwon kasu i könisi a ŋo na loloka. A ta mo dene den adi nan logon a MATAT.

Ejikele 13:23

Nyenagon ta mo köti ti meddya kulya nagon a köpuröt kana kasu i töilyet, a mo tine galuŋdya ŋo i to ’bunun. A nan mo riŋuŋdye ŋutu kwe kaŋo kasu i könisi; a kirut ta mo dene den adi nan logon a MATAT.

Ejikele 13:9

a nan mo möröni ko nebijin logon ŋo na met se kase i töilyet kune a köpuröt kana, a ŋo na galun se i to ’bunun kune gwe a ’burönö. Lepeŋat mo ti morakiŋdya i momoret na ŋutu kwe, a karin kase mo tine wuröki i wuret na kötumit na Yisaraele, a se mo tine lupö i jur lo Yisaraele. A ta mo dene den adi nan logon a MATAT ŊUN.

Ejikele 14:8

Kweja adi nan mo tiŋdu komor nio a naron ko ŋilo ŋuto, a nan mo koŋdi lepeŋ a kweyet ko a giriset, a nan mo ’duŋöddi lepeŋ kaŋo i kiden na ŋutu kwe; a ta mo dene den adi nan logon a MATAT.

Ejikele 15:7

A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Ejikele 20:26

a nan iŋge tolut se i ’dokesi kase, anyen se ’yuŋa ŋwajik kase kayujin a rubaŋgajin, anyen nan ködyö tokujö-ŋdu se. Nan koŋdya sona anyen se ködyö deden adi nan logon a MATAT.

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 20:44

Ta kötumit na Yisaraele, ta mo deden adi nan a MATAT i diŋit nagon nan mo ti konakiŋdya ta gwoso i kikolin kasu lorok, se ko i konesi kasu narok na kon ta kine, ama kölumbö a nan mo konakiŋdye ta gwoso nagon jujukin i karin kwe. Ŋilo a kulyaet lio lo MATAT ŊUN.

Ejikele 22:16

Do mo lalawe a ŋutu ti jurön memeddya; a ŋutu kulök mo dene den adi nan logon a MATAT.

Ejikele 23:49

a ta mo ropakine towutön nasu, a ta mo poŋgi riŋet na toron na twöju nasu na nyömuejin logon a ŋunyen kasu; a ta mo dene den adi nan logon a MATAT Ŋun.

Ejikele 24:24

A Ejikele mo gwe a kweyet kasu; ŋo liŋ nagon nye a kon kine ta mo köti kökon se. Ko kine ŋo mo a pukun a ta mo kirut dene den adi nan logon a MATAT ŊUN.

Ejikele 24:27

A i ŋilu lor a ŋedep ilot mo laggi laggu, a do mo jambi ko ŋuto lo rwösuŋdyö lo, a do mo tine gwon a mumut köti. Nyena a do mo gwe a kweyet kase, a se mo dene den adi nan logon a MATAT.

Ejikele 25:17

A nan mo ropakiŋdye se ko ropesi temejik, a mo riŋge se parik ko ŋoma. A kirut lepeŋat mo dene den adi nan logon a MATAT, i diŋit nagon nan mo ropakiŋdye se toron nase nu.

Ejikele 26:6

a ŋwajik kunök na gwon i jur kaŋo kune mo totokoni kak ko baŋdujin, a ŋutu liŋ mo dene den adi nan logon a MATAT.

Ejikele 28:23

Kogwon nan mo susunyukin lepeŋ twanti iŋgo, a nan soŋdi katatuak i kikolin kanyit; iŋkoi, ŋutu logon ko baŋdujin mo mörö ko lepeŋ i swötön liŋ, a ŋutu kanyit lo tatua kilo mo ’do ’done kanyit kiden.

Ejikele 30:26

A nan mo torekiŋdye ŋutu ti Ejipeto i gweyajin ti ŋutu, a nan mo gwögwolo-kiŋdye lepeŋat i kiden na jurön. A kirut lepeŋat mo deŋdi adi nan logon a MATAT.

Ejikele 32:15

I Diŋit nagon nan koŋdi jur lo Ejipeto a murwo, ko i diŋit nagon ŋo liŋ ti jur a ryakaji, ko i diŋit nagon nan tatuje ŋo liŋ logon si ’da i lukata nanyit kulo nu, a kirut lepeŋat mo deŋdi adi nan logon a MATAT.

Ejikele 35:15

Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 6:13

A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Ejikele 6:6

Köjinö kasu mo kokona a murwöki i piritön kasu nagon ta si ’da kata kine, a piritön kasu kwakwasesi na gwon i ko ’dulan ti merya kine mo konani a murwöki. A piritön kasu ’yuresi ti rubaŋgajin mo köröni körö a mo gwe a murwöki, a nyömuejin kasu logon a ŋunyen kilo mo gwagwa-lakani gwagwalaka a tu ’bakalani tu ’ba-kala, a piritön kasu ’yuresi ti bökur mo turöni kak, a kitajin kasu mo seyajine kaŋo.

Ejikele 6:8

Ama nan mo pipitökin kulye ŋutu kasu jörun, anyen na toreki ’e ta i jurön nu, a ta mo gwe ko kulye logon a pesaddu kaŋo i tatua lo gwon i kiden na gweyajin ti ŋutu kulu.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Ejikele 9:7

A kirut lepeŋ takiŋdye lepeŋat adi, Tolute ta kadina Ŋun, tojoreneta ’baŋin kanyit ko öpuö; a kirut iti ta kaŋo i tatuja na ŋutu köji kata. A lepeŋat iti tu.