Ejikele 6:4 - Bibilia Buk na Ŋun nagon koti luŋu a

⁴ A piritön kasu ’yuresi ti rubaŋgajin mo konani a murwöki, a ’yuresi kasu ti bökur mo gwagwa-lakani gwagwalaka, a nan mo gumbe öpuö ti ŋutu kasu lo tatua kulo i komor na nyömuejin ti ŋunyen kasu.

Ejikele 6:4 Iomraidhean Croise

1 Moran 13:2

A ŋilo ŋuto woŋoro ki i kulya ti pirit ’yuret na rubaŋgajin jambu kulyaet lo MATAT adi, Do ŋina pirit ’yuret. MATAT a kulya sona adi, Mete, kötumit na Dawidi mo yuyuŋweki ŋuro logon karin kanyit a Yosia; a nye mo ’duŋge rubaŋgajin konut loki logon a kilo koanejin ti piritön kwakwasesi na gwon i ko ’dulan ti merya kune, logon ’yu’yuŋa bökur konut loki kulo, a kuyu ti ŋutu mo ’yurakine konut loki.

2 Moran 23:14

A nye gwagwalaggi ŋurupö lo togwi ’diki ki gwoso kumutan kulo, a toggi kaden ti mian kak logon a Asera, a töjoreji ŋinu pirit ’bukuluŋ ko kuyu ti ŋutu.

2 Dekat 14:5

A nye köti joŋgi piriton kwakwasesi na gwon i ko ’dulan ti merya kune, ko ’yuresi ti bökur kaŋo i köjino liŋ ti Yuda. A nu tumatyan gwe ko taliŋ kanyit i könin.

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Yeremia 43:13

Iŋkoi, a nye mo gwagwalaggi ŋurupö ti Bete-semese logon a togwi ’diki ki i kwakwasa lo gwon i jur lo Ejipeto kulu, a nye mo ’yuŋe kadijik ti ŋunyen ti Ejipeto ko kimaŋ.

Yeremia 7:32

Nyenagon nan MATAT lo kulya adi, mete, perok mo popo logon nu pirit mo tine luŋu köti a Topet, kode a pirit na ’dir na ŋuro lo Inoma, a mo luŋuni a pirit na ’dir nagon a Tatuet, kogwon lo twatwa mo nuka Topet kogwon pirit nuket gwe ’bayin i kunie piritön.

Ejikele 6:13

A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Lewi 26:30

A nan mo köŋi piritön kasu kwakwasesi na gwon i ko ’dulan ti merya kine, a mo tolikiŋdye piritön ’yuresi kasu ti bökur, a nan mo gubakiŋdye öpuö kasu na ’bu ’burön kune i loki na nyömuejin kasu lo ’bu ’burön; a nan mo maŋdi ta.

1 Samuele 5:4

Ama i ko ’bure nanyit, na pije se ki i waran ’beron nu. mete, a Dagona aje ’doro kak rupu i komor na saŋduk na MATAT, mete, a kwe na Dagona ko ’dapan ti könisi kanyit liŋ aje ’biliŋuŋdyo kaŋo a gwe i kutuk na kötumit; tuŋ mugun na Dagona na pituŋdye.