Ejikele 6:3 - Bibilia Buk na Ŋun nagon koti luŋu a

³ Ta merya ti Yisaraele, yiŋge ta kulyaet lo MATAT Ŋun! MATAT Ŋun lo kulya ko merya, ko lurwat, ko luruki, se ko piritön na ’dir adi, Mete ta, nan, iŋkoi nan lepeŋ mo jajakin ta ŋutu logon ko baŋdujin i mörö ko ta, a nan mo kököröji piritön kasu kwakwasesi na gwon i ko ’dulan ti merya kine.

Ejikele 6:3 Iomraidhean Croise

1 Moran 14:23

Kogwon se köti a tetenakiŋdya ’börik piritön kwakwasesi i ko ’dulan ti merya, ko ŋurupö logon a togwi ’diki ki anyen kwakwasa kulo, ko a tiŋdu kaden ti mian logon a Asera i merya lojo liŋ ko i mukökö ti kaden lo rurwan liŋ;

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Yisaya 30:25

A i ŋilu lor tatuet duma logon bililyat ’do ’do kak lu, a luruki ti pioŋ mo ’doke ’dokon i merya lojoki liŋ ko ilurwat lojo ki liŋ.

Yeremia 2:20

Köju ’beron do a ’beleŋgu gwuluŋi ilota gigiŋdye nekenejin nagon torarikin do kune; a do kulyani adi, Nan ti ’bön kita. Iŋkoi, a do dulakiŋdye mugun kak i ko ’dulan ti merya liŋ, ko i mukökö ti kaden liŋ lo rurwan. a do biryeri mugun gwoso kalupe i twöju na kulye ŋunyen.

Yeremia 22:29

Do jur, do ŋilo jur, do jur, yiŋge ta kulyaet lo MATAT!

Yeremia 3:23

’Diri nene paret ’bayin i kwakwaddu i lurwat loki, paret ’bayin i wuwuŋi i ko ’dulan ti merya. ’Diri gwak lwökit nikaŋ na Yisa­raele gwon ko MATAT ŋun likaŋ.

Yeremia 3:6

A i perok ti mor Yosia a MATAT pije nan adi, Do a met ŋo nagon Yisaraele a kon i tu nanyit kaŋo köyö a iti i ko ’dulan liŋ ti merya ko i mukökö ti kaden liŋ logon rurwan, a nye biryeri mugun gwoso kalupe nyu?

Ejikele 36:8

Ama ta merya ti Yisaraele, kenia kasu mo wiwilan, a mo rade ludweki a ti ŋutu kwe Yisaraele, kogwon lepeŋat mo yiyito mede i diŋit a na ’dit.

Lewi 26:25

A nan mo joŋdi merok kasu loki logon mo riŋga ta kogwon ta a ko ’debba tomoret nio; a ko ta a momora-kiŋdya kasu i köjinö lukata a nan mo sunyukiŋdye ta twanti iŋgo, a ta mo wuwuki i könisi ti merok.

Lewi 26:30

A nan mo köŋi piritön kasu kwakwasesi na gwon i ko ’dulan ti merya kine, a mo tolikiŋdye piritön ’yuresi kasu ti bökur, a nan mo gubakiŋdye öpuö kasu na ’bu ’burön kune i loki na nyömuejin kasu lo ’bu ’burön; a nan mo maŋdi ta.

Amosa 7:9

a piriton ti Yisaka kwakwasesi na gwon i ko ’dulan ti merya kune mo konani a murwoki, piriton ti Yisaraele na rurwan mo kökörö, a nan mo ŋiki ki ko baŋdu i mörö ko kotumit na Yerobama.

Mika 6:1

Yiŋge ta go nagon MATAT a jambu adi, nine ta ki, jamaki ta merya rerenyesi kasu anyen se yiyiŋ, ko ti lurwat yiŋge gworolo

Mika 6:2

Ta merya, se ko ta pipilesi ti kak lo yeyeŋon ŋupi, yiŋge ta rerenyesi kwe ti MATAT, kogwon nan MATAT kata ko rerenyet ko ŋutu kwe, a nan mo rerenyani ko Yisaraele adi,