Ejikele 6:14 - Bibilia Buk na Ŋun nagon koti luŋu a

¹⁴ A nan mo riöddi könin lio kase loki, a mo koŋdi jur lose a murwö i piritön liŋ nagon se sisi ’dari kune, iŋkoi, a naron parik lwölwöŋ yöbu na sese na gwon nyona ko Ribila. A kirut lepeŋat mo dene den adi nan logon a MATAT.

Ejikele 6:14 Iomraidhean Croise

Saumajin 138:7

Ko nan wörö i kiden na delyaesi, a do kölumbö lo tiji nan; do a riöddu könin ilot i mörö ko merok kwe kaŋajin, a könin ilot lo lutaten lwöggi nan.

Yisaya 10:4

Nene ŋo ’bayin nagon tuŋ su ’dukikak i kiden na se lo momoka kulo, kode ’doro i kiden na se lo tatatua kulo. Nyena i kine kulya liŋ a woran nanyit na MATAT tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 24:1

Mete, MATAT mo tu ’baka ’yu na kak a mo koŋdi lepeŋ a murwö, a söpuŋge lepeŋ, a toreaddi ŋutu kanyit kaŋo.

Yisaya 24:7

A ludweki ti binyo teteyone teteyon, a ködini lo binyo nopara nopara, a kalyöŋök liŋ yukutani yukuta ko delya.

Yisaya 26:11

Ti se meddi pusök inot na se kogwon kulya ti ŋutu lorok, ko ti kusik kase yune yu. Ti kimaŋ nagon do a tetenakin merok kulö kina ti totumbe lepeŋat.

Yisaya 5:25

Nyenagon a woran na MATAT iŋge tulekin i ŋutu kanyit, a nye riöddi könin lonyit i lepeŋat, a gwuddye se, a merya böböŋdi böböŋdu; a öpuö kase gwe gwoso korodo i ’baŋin lukata. Nyena i kine kulya liŋ a woran nanyit tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 9:12

Ŋutu ti Suria i swot lo ’yure ko ŋutu ti Pelesete i swot lo tokotyaŋ ŋaŋaju kutusen kase a nagalaŋak i nyesu na Yisaraele. Nyena i kine kulya liŋ a woran nanyit tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yisaya 9:17

Nyenagon a MATAT tine pitökiŋdyö teton kase, a nye tine won konyen ko kikijikö kase kode karu ’bejin; kogwon ŋutu liŋ ti twöju Ŋun ko a katoronyak, a kutusen liŋ jajamaji a wuya. Nyena i kine kulya liŋ a woran nanyit tine woriŋoddu kaŋo, a könin lonyit nyuŋ gwon i riöji kaijo i riŋga na ŋutu.

Yisaya 9:21

A Manase ŋisani ko Epuraima; a Epuraima ŋisani ko Manase, a se murek liŋ ŋisani ko Yuda. Nyena i kine kulya liŋ a woran nanyit na MATAT tine wöriŋöddu kaŋo, a könin lonyit nyuŋ gwon i riöji kaŋo i riŋga na ŋutu.

Yeremia 25:11

Lo jur ’bukuluŋ mo wora a murwö ko a ŋo sorit, a kulo jurön mo kitakiŋdye mor lo Babela ko kiŋajin merya buryo.

Yeremia 48:22

ko Dibon, ko Nebo, ko Bete-debelataim,

Ejikele 12:15

A kirut se mo dene den adi nan logon a MATAT, i diŋit nagon nan mo toreaddi se i kiden na gweyajin ti ŋutu, iŋkoi, na ratakiŋdye nan se i kiden na jurön nu.

Ejikele 14:13

Ŋuro lo ŋuto, ko ŋutu ti jur ’bukuluŋ a toroŋdya nan a iŋge kö ’yu twöju na nan, a nan mo riöddi könin lio a nyökuŋdye kinyo lose a lo ’dit logon töggu se lo, a nan mo sunyukiŋdye lepeŋat dyaŋ, a tukaŋi ŋutu se ko toro ’bo.

Ejikele 15:8

A nan mo koŋdi jur a murwö kogwon se a kö ’yu twöju nan. Ŋilo a kulyaet lio lo MATAT ŊUN.

Ejikele 16:27

Nyenagon meddi, nan a rioro ko-nin lio kaŋo i riŋga na do, a nan iŋge ’duŋoro kinyo ilot kak logon a tiki do lo, a ŋutukiŋdye do i pusok na ŋutu wa-te ti Pelesete nagon maman do kune, kusik kase koti a yu kogwon gwiliŋit ilot lo towuton.

Ejikele 25:7

nyenagon mete ta, nan aje riöddu könin lio kasu loki, a nan mo ŋutukiŋdye ta i könisi ti ŋutu ti jurön gwoso ŋo ryakat, a nan mo tu ’baka ’yi ta i gweyajin liŋ ti ŋutu, a nan mo tiŋdi ta i tatua i kilu jurön, a nan mo tukaŋi ta. A kirut ta mo dene den adi nan logon a MATAT.

Ejikele 33:28

A nan mo koŋdi jur a murwö ko a ruba; a riŋit nagon ŋilo jur bu ’ye mugun na mo ’bakani ’baka, a merya ti Yisaraele mo gwe a rubajin, anyen po gwon ’bayin lo lwöpöddu kata.

Ejikele 35:9

A nan mo koŋdi jur losu a murwö ŋupi, a köjinö kasu mo tine si ’darikin. A kirut ta mo deŋdi adi nan logon a MATAT.

Ejikele 7:1

A kulyaet lo MATAT poki köyö adi,

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Jepania 1:4

Nan mo ririörö könin lio kaŋo i mörö ko kötumit na Yuda, a möröni ko ŋutu liŋ lo si ’da Yerusalema; a nan mo tukaŋi pitönö ti ŋutu ti Bala i ŋina pirit a tolikiŋdye karin ti koanejin lo kwakwaddu nyomuejin logon a ŋunyen kana.

Kenet 33:46

A se ŋiörö kaŋo Dibon-gada, a mönuŋdye Alemon-dibelatayim yu.