Ejikele 6:13 - Bibilia Buk na Ŋun nagon koti luŋu a

¹³ A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Ejikele 6:13 Iomraidhean Croise

1 Moran 14:23

Kogwon se köti a tetenakiŋdya ’börik piritön kwakwasesi i ko ’dulan ti merya, ko ŋurupö logon a togwi ’diki ki anyen kwakwasa kulo, ko a tiŋdu kaden ti mian logon a Asera i merya lojo liŋ ko i mukökö ti kaden lo rurwan liŋ;

2 Moran 16:4

A nye ’duŋge rubaŋgajin a ’yuŋe bökur i piritön kwakwasesi na gwon i ko ’dulan ti merya kune, ko i merya loki, ko i mukökö ti kaden lo rurwan liŋ.

Yisaya 1:29

Kogwon kadea lo rurwan logon ta a lyoŋgi kilo mo tine garakin ta, a piriton kwakwasesi nagon ta a wulun i meleseno kine mo toyu ’ye ta.

Yisaya 37:20

Nyena soŋinana pon MATAT Ŋun likaŋ, lwöki yi i könin lonyit, anyen tumatyanjin liŋ ti kak boŋö kuruŋdyö adi do geleŋ lo gwon a MATAT.

Yisaya 66:17

Kulu ŋutu logon geluŋdya ’börik a loke ko a toke ’ya ’börik i lupö i meleseno, logon kekepoddu nene geleŋ i kiden nase, logon nyenyesu lokorio ti wuryö ko mijok se ko go manat kulu, mo ’ba ’baka liŋ i pirit na geleŋ, nan MATAT lo kulya,

Yeremia 13:27

Nan aje met konesi kunok na mamana i merya loki ko mu ’diŋ yu, kweja adi lulupesi kunok, ko woŋon inot gwoso kiteŋ nagon ga ’yu luwa, se ko kulya lut ti towuton inot. Woidio Yerusalema! Do a lut, Kine kulya mo yeŋga tojo ko nanu?

Yeremia 2:20

Köju ’beron do a ’beleŋgu gwuluŋi ilota gigiŋdye nekenejin nagon torarikin do kune; a do kulyani adi, Nan ti ’bön kita. Iŋkoi, a do dulakiŋdye mugun kak i ko ’dulan ti merya liŋ, ko i mukökö ti kaden liŋ lo rurwan. a do biryeri mugun gwoso kalupe i twöju na kulye ŋunyen.

Yeremia 3:6

A i perok ti mor Yosia a MATAT pije nan adi, Do a met ŋo nagon Yisaraele a kon i tu nanyit kaŋo köyö a iti i ko ’dulan liŋ ti merya ko i mukökö ti kaden liŋ logon rurwan, a nye biryeri mugun gwoso kalupe nyu?

Ejikele 18:6

Lepeŋ ti nyesu i piritön kwakwasesi na gwon i ko ’dulan ti merya kune, nye ti ’bilikiŋdya konyen kanyit ki i twöju na nyomuejin logon a ŋunyen ti kötumit na Yisaraele, nye ti toluddya narakwan na leŋe, kode doto ko ŋuto nagon lolo-kia.

Ejikele 20:28

Kogwon na joŋdi nan se köju i jur logon nan a milyeju i tiŋdu na se lu, a se iŋge meddya lurwat liŋ lojo, se ko kaden liŋ logon ko koropo jore, a se wukiŋdye rubaŋgajin kase nyu, a tiŋdi ’dokesi kase nyu nagon towoŋa nan; köti a se wukiŋdye ’dokesi na mon paleleŋ a ’bukökiŋdye rubaŋgajin ’bu ’bukesi nyu.

Ejikele 23:41

a se si ’dani i dotoesi nakwekwelen, a iŋge petakin misajin kase i komor nagon se tiŋdi bökur lio se ko welet nio.

Ejikele 43:7

a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Osea 4:13

ŋutu kase dibba rubaŋgajin i kusik ti merya, a ’yuŋe rubaŋgajin i lurwat loki i mukökö ti kaden temejik logon a ti mian kulo, kogwon tölimösi kase a na ’but. Nyena ŋwajik kasu nawate toto-wutön, a wate ti ŋwajik kasu luŋöni luŋö.

Jepania 1:10

MATAT lo kulya adi, I ŋilu lor gwiesi mo yiyiŋa i Kötumit Yeket na Somot, a luluesi mo yiŋani i swöt tomurek lo köji, a woŋon duma parik mo yiŋani i merya.