Ejikele 6:11 - Bibilia Buk na Ŋun nagon koti luŋu a

¹¹ MATAT ŊUN lo kulya sona adi, Ta kötumit na Yisaraele, naŋgi ta könisi kasu, lame ta lam ko delya, luluje ta adi, Wöidiö! kogwon konesi liŋ narok na mamana na kon ta kune; kogwon ŋutu kasu mo tatua ko baŋdujin, ko dyaŋ, se ko twanti iŋgo.

Ejikele 6:11 Iomraidhean Croise

Yisaya 58:1

Wogoro ki parik; an do ko dara, ti gworo ilot woge gwoso tore, tukökiŋdye ŋutu kwe tukwölöŋesi kase, takiŋdye kötumit na Yakobo toronjin kase.

Yeremia 16:4

Lepeŋat mo twatwa ko twana lo tatatuja, a se mo tine gwiorikin, a opuo kase mo tine nuka, ama a mo ra ’dani kak gwoso woro. A se mo tatuani ko baŋdujin se ko dyaŋ, a kwen se ko gwurugin mo nyesi opuo kase.

Yeremia 24:10

A nan mo sunyukiŋdye lepeŋat merok logon ko baŋdujin, a sunyukiŋdye se dyaŋ, se ko twanti iŋgo, tojo se liŋ molu a togiröki adi siti jur logon nan köju a tikin se ko merenyejin kasu lu.

Yeremia 30:7

ŋilu lor mo gwon a loron parik. lele lor mo ’bayin logon gwoso lepeŋ; ŋilu lor mo gwon a diŋit nagon sasanyarikin kötumit na Yakobo, kölumbö a se mo lwökwene kaŋo kata.

Yeremia 42:22

Nyena soŋinana dene ta den ’diri adi ta mo tatatua ko baŋdujin, ko dyaŋ, se ko twanti iŋgo i pirit nagon ta ’de ’dekan tu i si ’da kata nu.

Yeremia 9:1

Ko ködyö kwe nio gwon a kidi lo pioŋ, a ko ködyö konyen kwe lelek a ŋolitananyen nan ködyö böŋö gwigwien ko tuparan ko tukwaje kogwon ŋutu kwe lo tatua kulo!

Yeremia 9:10

Nan pokin i gwien ko i lulujö i kulya ti merya, a nan delyani delya i kulya ti piritön yukisi na gwon mu ’diŋ kunu, kogwon se aje körö, a ŋutu gwe ’bayin lo lwöŋöddi nyin, a woŋon na toro ’bo tine yiŋa; kweja adi ko kwen ko kijakwa aje wökön, a gwe ’bayin kwöŋ.

Ejikele 14:21

Nan MATAT ŊUN lo kulya adi, A naron bia parik ko nan a sunyukin Yerusalema kine riŋesi iŋwan narok parik nagon nan riŋge ŋutu, kweja adi. baŋdu, ko dyaŋ, ko kijakwa ti mu ’diŋ, se ko twanti iŋgo anyen tukaŋu ŋutu se ko toro ’bo!

Ejikele 21:19

Ŋuro lo ŋuto, gerakiŋdye kikolin murek a ti mor lo Babela anyen popori ko baŋdu. Kilo kikolin murek mo suluuŋdya i jur geleŋ. Tetenaki kweyet i keresi ti kikolin nagon yuddya kiko lo tu köji.

Ejikele 25:6

Nyena nan MATAT ŊUN aje jambu adi, Kogwon ta aje naŋgu könisi kasu, a lame lam, a lyöŋi lyöŋön ko ’dö ’döju kasu i töilyet i maŋdu na jur lo Yisaraele,

Ejikele 33:27

Taki lepeŋat kine kulya adi, MATAT ŊUN lo kulya adi, ’Diri ’diri gwoso na gwoŋdi nan na, ’diri ŋutu logon gwon i piritön nagon a murwöki kulo mo totoko ko baŋdujin. a nan mo tiŋdi ŋutu logon si ’da i yöbu nagon a ’dar kana kulo i koa ko gwurupin; a ŋutu lo ’dana i dilyö ko i kuggiet kulo mo twatwane ko twanti iŋgo.

Ejikele 5:12

A swöt geleŋ na musala na ŋutu kasu mo twatwane ko twanti iŋgo, a mo tutupöni ko dyaŋ i kiden na köji nasu, a swöt geleŋ na musala mo totokoni kak ko baŋdujin i gor i turön logon lorga köji, a nan mo ratakiŋdye swöt geleŋ na musala i köbuŋötön liŋ ti kak anyen wuwuköji, a nan mo ’dutuŋdye baŋdu kaŋo a riköddi se.

Ejikele 6:10

A se mo dene den adi nan a MATAT; nan ’bayin a ’burönit i jambu adi nan mo kokonakin se kine ŋo narok.

Ejikele 7:12

Diŋit aje po, lor ŋilo mimiju nyona, ti kagwö-rök gwe ti lyöŋön, ko ti katugwörök gwe ti delya, kogwon woran gwon ko ŋutu kase jore loki.

Ejikele 7:15

Baŋdujin tukaresi kata kaŋo, a twanti iŋgo se ko dyaŋ gwe i lukata; iŋkoi, ŋutu lo gwon mu ’diŋ mo tatua ko baŋdujin, a se lo gwon köji kulo mo twatwane ko dyaŋ se ko twanti iŋgo.

Ejikele 9:4

A MATAT takiŋdye lepeŋ adi, Wöröjine i lukata na köji na Yerusalema ’bukuluŋ, wurökiŋdye gwuluet i komorsikan ti ŋutu logon ’du ’duwatu ko dedelya ti ’bön ŋo na mamana na kokona nyu kilo.

Yoele 1:15

Woidio ŋilu lor! Kogwon lor lo MATAT gwe nyona ko po, nye a lor tukaret logon Kabulönit lo ŋo lio lo sunyuŋdyo.

Amosa 5:16

Nyenagon nan MATAT ŋun lo kurumi kulya adi, ŋutu mo lulujö i piriton liŋ nagon a terereki; a kulye mo gwine i kikolin liŋ adi, Wöidiö, woidio! A kakuruk luŋuni i delya, a ŋutu logon a mirya ti delya kulo luŋuni i lulujö,

Kenet 24:10

A Balak iŋge woran parik ko Balam, a nye naŋgi könisi kanyit; a Balak kulyani ko Balam adi, Nan a luŋgu do i lömbu na merok kwe, ama mete, do aje ’boroja se kine daŋin musala.

Kweyatti 18:10

A lepeŋat mo gwo ’de pajo kukujönö parik i tomie nanyit, a luluje adi, Wöidiö köji duma! Wöidiö Babela köji na riŋit! Do a ’duŋöki putet i saa geleŋ tuŋ!