Ejikele 6:10 - Bibilia Buk na Ŋun nagon koti luŋu a

¹⁰ A se mo dene den adi nan a MATAT; nan ’bayin a ’burönit i jambu adi nan mo kokonakin se kine ŋo narok.

Ejikele 6:10 Iomraidhean Croise

Yeremia 44:28

a ŋutu ku ’dik logon a rwösöddu i baŋdujin kulo mo wöki kapo i jur lo Ejipeto a mo yitöni i jur lo Yu­da. Iŋkoi, pitönö liŋ ti kötumit na Yuda logon a po i jur lo Ejipeto i si ’da kulo mo deden ko kulyaet liŋ a lo gwo ’dan ŋo, kulyaet lio kode lose.

Ejikele 12:25

Kogwon nan MATAT mo jajambu ŋo nagon nan ’de ’dekan, a kulya nagon nan mo jajam kune mo konani kona, a kine kulya mo tine jaran i kona. Ta kötumit na karerenyak, nan mo jajambu kulyaet a nan mo kitari kitari ŋilo kulyaet i perok kasu. Ŋilo a kulyaet lio lo MATAT ŊUN.

Ejikele 22:14

Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 6:11

MATAT ŊUN lo kulya sona adi, Ta kötumit na Yisaraele, naŋgi ta könisi kasu, lame ta lam ko delya, luluje ta adi, Wöidiö! kogwon konesi liŋ narok na mamana na kon ta kune; kogwon ŋutu kasu mo tatua ko baŋdujin, ko dyaŋ, se ko twanti iŋgo.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Ejikele 6:9

A kirut ŋutu kasu logon a pesaddu i tatua kulo mo yeyene yeye nan i kiden na ŋutu ti jurön logon se a joŋa kata i to ’dupien kulu, adi, nan a tomie kogwon se gwon ko töilyet ti towutön a löpuköddi kaŋo köyö, a konyen kase ti towutön iŋge kepoddu nyömuejin logon a ŋunyen kana. A kirut se mo maŋdi ’börik ko ŋo liŋ narok nagon se a kon i konesi kase liŋ na mamana kine.

Daniele 9:12

Do aje kon kulyaesi kulök logon do a jambu i kulya kaŋ ko i kulya ti kasarak kaŋ lo saŋu yi kulo, a do iŋge jakiŋdya yi riŋet duma; kogwon nene ŋo a ko kona i kak ’bukuluŋ gwoso nagon a konaki Yerusalema nu.

Jakaria 1:6

Ama a kulyaesi kwe se ko saresi kwe lo wuro, logon nan a saŋu koliponok kwe logon a nebijin kilo, se a ko ryo merenyejin kasu le? A se iŋge löpuggö, a kulyani adi, MATAT lo kurumi aje konakin yi arabat kogwon kikolin kaŋ se ko konesi kaŋ, gwoso na yeyeji lepeŋ na.