Ejikele 5:8 - Bibilia Buk na Ŋun nagon koti luŋu a

⁸ nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Ejikele 5:8 Iomraidhean Croise

Yeremia 21:13

Nan MATAT lo kulya adi, Do naŋon si ’da i pirit na ’dir, iŋkoi, do lurutat logon gwon i pirit naŋon a ’dar, mete, nan a miriku ilot.Do kulya adi, Ŋa logon mo po kak ni i mörö koyi? Adi, Ŋa logon mo lulupe i pirit naŋon yi si ’da kata na?

Yeremia 21:5

A nan ko mugun nio mo moroni ko ta ko konin iŋgo lo rioji, ko ŋoma ko yulon se ko woran duma.

Yeremia 24:9

A nan mo koŋdi se a po torigwökit i tumatyan­jin liŋ ti kak, anyen gwon a lawet, ko a tojowet, ko a kweniet, ko a lömit i piritön liŋ nagon nan mo riköddi se kata kunu.

Yeremia 50:7

Ŋutu liŋ logon a ryö lepeŋat kulo aje nyesu se, a merok kase iŋge kulya adi, Kine ’bayin a kulya kaŋ, kogwon se a toroŋdya nan MATAT logon a mede nase gwak lo, iŋkoi, ŋilo a nan MATAT logon merenyejin kase yeyen lo.

Delyasi 2:5

MATAT aje wora gwoso miriku, lepeŋ aje tukar Yisaraele; a nye iŋge kökörö kadijik kanyit liŋ ti tumatyan, a iŋge kon piriton kanyit nago na titiyu a murwoki; a nye iŋge ’yalakiŋdya kunie durwe-si se ko delyaesi jore i tumatyan na Yuda.

Delyasi 3:3

’Diri nye a mörö ko nan daŋin jore i lor ’bukuluŋ.

Ejikele 11:9

A nan mo joŋgi ta kaŋo i ŋina köji, a ŋutukiŋdye ta i könisi ti Lwaka, a nan mo ’duŋökiŋdye ta putesi.

Ejikele 13:8

Nyenagon nan MATAT ŊUN lo kulya sona adi, Kogwon ta jambu kulya nagon a köpuröt kana, a ŋo na met ta kasu i töilyet kune gwe a ’burönö, nyenagon mete ta, nan mo gwon a miriku losu. Ŋilo a kulyaet lio lo MATAT ŊUN.

Ejikele 15:7

A nan mo tiŋdi komor nio a naron ko lepeŋat; nyena ma ’di se ködyö a rwösöddu kaŋo i kimaŋ, ama kimaŋ mo nyuŋ tototum se; a ta mo dene den adi nan logon a MATAT na tiŋdi nan komor nio a naron ko lepeŋat nu.

Ejikele 16:41

A se mo ’yuŋe kadijik kunök, a se mo ’duŋökiŋdye do putesi a ŋutu wate memeddya. A nan mo to ’duddye towutön inot, a do mo köti tine gwöruŋdyö kanyarak kulök kwöŋ.

Ejikele 21:3

Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 30:19

A nan mo ’duŋökiŋdye ŋutu ti Ejipeto putesi sona, a kirut lepeŋat mo deŋdi adi nan logon a MATAT.

Ejikele 34:10

Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.

Ejikele 35:3

taki lepeŋat adi, MATAT ŊUN lo kulya adi, Ta ŋutu ti mere Seir, mete ta, nan a miriku losu, a nan mo riöddi könin lio kaŋo i mörö ko ta, a nan mo koŋdi jur losu a murwö ko a ruba.

Ejikele 39:1

Do ŋuro lo ŋuto, keŋ keju kulya narok i kulya ti Goga; taki lepeŋ adi, MATAT ŊUN lo kulya adi, Mete, nan a miriku ilot do Goga kasaranit lo Rosi, ko lo Meseke, se ko lo Tubala.

Ejikele 5:15

A na ’duŋökiŋdye nan ŋutu kulök putesi, i riŋga na se ko woran nio duma na pape nu, a do mo gwe a ŋo na ’dö ’döyö ko a na lalawe, ko a kweyet tokujönöet, ko a ŋo nagon tusöŋu ŋutu ti jurön liŋ logon lorga do kulo. Nan MATAT aje jambu.

Naum 2:13

Nan MATAT lo kurumi lo kulya adi, Nan a miriku losu, nan mo ’yu ’yur arabiajin kasu lo jijiko, a mo tatuje torela kasu ti komiruŋt ko baŋdujin, a nan mo tutuŋe tutuŋ po nagon ta a koja i kak ni kune, a gworolo ti luyökie kasu mo tine yiŋa koti kwöŋ.

Matayo 22:7

A mowore woran parik; a nye soŋdi kamörök kanyit jore, a tatuje kilu katatuak, a ’yuŋe köji nase.

Nyökit 29:20

A kirut MATAT mo tine pitökin lepeŋ, ama kölumbö a woran na MATAT se ko yulön nanyit puriörö ki ko lu ŋuto, a lömisi liŋ logon a wuröki i ŋina buk kulo mo poki kanyit loki, a MATAT mo seyaddi karin kanyit kaŋo i kak ’bukuluŋ.