Ejikele 5:6 - Bibilia Buk na Ŋun nagon koti luŋu a

⁶ Ŋutu kanyit a lorok i renya na jujuwesi kwe, se ko saresi kwe lo wurö lwölwöŋ kulu gweyajin ti ŋutu se ko jurön; kogwon ŋutu kanyit aje renya jujuwesi kwe a lepeŋat tine ’bön wörö gwoso i saresi kwe lo wurö.

Ejikele 5:6 Iomraidhean Croise

2 Moran 21:11

Kogwon Manase mor lo Yuda aje koŋdya kine ŋo na mamana, ko aje koŋdya a naron lwölöŋ ŋo liŋ na kon ŋutu ti Amori lo gwon kanyit ŋerot kulu, ko köti aje tiŋdu Yuda i toroŋdya ko nyömuejin kanyit;

2 Moran 21:9

Ama se ti yiŋga, a Manase togiraddi se i koŋdya na konesi narok lwölwöŋ na koŋdi kulu jurön logon MATAT köju a tukar ko ŋutu ti Yisaraele i komor kulu.

Nemaya 9:34

Moran kaŋ, ko temejik kaŋ, ko koanejin kaŋ, se ko merenyejin kaŋ a ko ’debba saresi kulök ko a ko yio jujuwesi kunök ko kunyaresi kunök nagon do a kukuji lepeŋat kune.

Nemaya 9:35

Lepeŋat a ko kitakiŋdya do na gwoŋdi se i tumatyan nase, ko i ŋo na ’but jore nagon do a tikin lepeŋat, ko i jur luŋalaŋ ko a rit logon do a tikin ko lepeŋat i komor; a se gwe a ko kö ’yu kitajin kase narok.

Saumajin 106:20

A se togwoji minyo lo Ŋun ko nyömue logon gwoso tagwok na nyesu döru na.

Saumajin 78:10

A se gwe a ko ’deŋ tomoret na Ŋun, ama a se renyani kebbu saret lonyit.

Yuörö 16:28

A MATAT pipije Mose adi, Diŋit ŋoman ta ti ’bön ’debba jujuwesi kwe ko saresi kwe?

Yeremia 11:10

Lepeŋat aje löpu­köddu bot i toronjin ti merenyejin kase logon a renya yiŋga kulyaesi kwe kulo. Lepeŋat a kepoddu kulye ŋunyen, a kitakiŋdye se; a kötumit na Yisaraele se ko na Yuda iŋge ’beleŋgu tomoret nio nagon nan se ko merenyejin kase köju a teten na.

Yeremia 5:3

Pon MATAT, do a kametanit lo kulya ’diri, ’bayin sona le? Do aje gwuddyo lepeŋat, ama lepeŋat ti ’bon tiriku; do a tutup lepeŋat, ama se lalaun tojumisi kunok. A lepeŋat koŋdi komorsikan kase a nago lwoŋgu ŋurupit, a renyani lopuggo toilyet.

Yeremia 8:5

A kirut nyo nagon kulo ŋutu yeŋon kukutörö bot a koraddi ’börik kaŋo? Ko nyo lepeŋat ’depakiŋdya go i mumulugga a renyani yitwe bot?

Yeremia 9:6

A lepeŋat ’ya ’yi ru ’ya i neneru ’ya, a ’ya ’yi mumulugga i nene mumu­lugga, a lepeŋat tine ’bön deŋdya nan. Kilo a kulyaesi kwe ti MATAT.

Ejikele 11:12

a ta mo kirut dene den adi nan a MATAT; kogwon ta a ko wörö i saresi kwe lo wurö a gwe a ko ’depakiŋdya i jujuwesi kwe, ama kölu-mbö a ta koŋdi gwoso i jujuwesi ti ŋutu ti jurön logon kasu i mara kilo.

Ejikele 16:51

Samaria köju a ko toroŋdya parik gwoso do, ama do a koŋdya po jore na mamana lwölwöŋ kiösurök. A kiösurök kölumbö purune gwoso se a nake i po na mamana lip nagon do aje kon kune.

Daniele 9:15

Nyenagon pon MATAT Ŋun likaŋ, do köju a riŋuŋdya ŋutu kulök kaŋo i jur lo Ejipeto ko könin iŋgo, a karin kunök iŋge kuön tojo ko lo lor, ama soŋinana yi aje toroŋdya ko a koŋdya arabat.

Daniele 9:5

yi aje toroŋdya ko a koŋdya arabat, a koŋdi kulya nakwölöŋök ko a lauŋdye lauŋdya, yi aje girara kaŋo konut i saresi ko i kulya na ’duŋ do kune.

Daniele 9:8

Pon MATAT, yi ko moran kaŋ, ko temejik kaŋ, ko merenyejin kaŋ, yi gwon ko yu na kusik kogwon yi a toroŋdya do.

Jakaria 7:11

Ama a se iŋge renya yiŋga, a löpukökiŋdye ki ’dirino kase, a ’dije swö an se ko yiŋga.

1 Korinto 5:1

’Diri ŋutu gwon i jambu adi toluŋ kata kasu kiden; ŋina toluŋ a naron ma ’di Iwolwoŋ ŋo na kon paganojin na; adi ŋuto gwon ko narakwan na monye lonyit.

Yuda 1:4

Kogwon kulye ŋutu kata logon a domaddu ’borik a lwön. Kilo a ŋutu logon ti twoju Ŋun, ama a löpuŋge tolien nikaŋ nagon Ŋun a tikin yi kana na anyen se koŋdya toron aka nagon joŋdya yu na kwe, a se renyani Duma likaŋ lo geleŋ logon a Matat Yesu Kristo. Koju ’beron lepeŋat a wuloki i ’duŋoki na ŋilo putet.