Ejikele 5:5 - Bibilia Buk na Ŋun nagon koti luŋu a

⁵ MATAT ŊUN lo kulya sona adi, Na a Yerusalema nagon nan a tikin i kiden na gweyajin ti ŋutu se ko jurön lo lorga lepeŋ kulo.

Ejikele 5:5 Iomraidhean Croise

Saumajin 87:3

Do köji na Ŋun, kulya bulesi a jama i kulya kunök.

Yeremia 6:6

Kogwon nan MATAT lo kurumilo kulya adi, Toke ta kaden ti Yerusalema kak, ’du ’du ’yi ta ’domio ti lipo anyen mörörikin lepeŋ. Ŋina a köji nagon ködyö ririŋa kogwon lepeŋ tuŋ a jore ko ru ’ya na ŋutu.

Delyasi 1:1

A dyoŋ, köji nagon köju gwon ko ŋutu jore na aje kölöki ka ’de! Koji nagon koju kukwon i kiden na juron na aje wora gwoso karu ’be! Nye nagon koju a mor i kiden na mödöriajin na aje wora a ’du-piet!

Ejikele 16:14

A minyojin logon nan a to kweleŋdi do kulo iŋge tin do i gwon a nakwe-kwelen parik, a kwelen inot iŋge kuörö i juron liŋ. Ŋilo a kulyaet lio lo MATAT ŋun.

Ejikele 4:1

Ŋuro lo ŋuto, ’dumuŋdye tuŋ nadon ko petaki konut i komor, ko geraki köji nagon a Yerusalema i loki nanyit;

Ejikele 5:4

Köti ’dumuŋdye kulye i kilo kupir, gubaki se i kimaŋ anyen nonokan; a kimaŋ nase mo ’dure i kötumit liŋ na Yisaraele.

Mika 5:7

A pitono ti ŋutu ti Yakobo i kiden na gweyajin ti ŋutu jore kulo mo gwe gwoso puŋutut lo po ko MATAT yu, ko gwoso lilima na ’don i doru loki, nagon ti karakin i mordu na ŋutu kwoŋ.

Matayo 5:14

Ta kilo a parara na na kak. Köji nagon a ’duköki i mere loki na ti bulö ’dela.

1 Korinto 10:4

a lepeŋat liŋ iŋge möju pioŋ na geleŋ nagon po ki, kogwon lepeŋat möju i lurutat logon Ŋun lo tiŋdu, logon köju a moraddu ko se lu. Ŋilo lurutat a Kristo.

Nyökit 4:6

Tiji ta i koŋdya na se; kogwon ŋina mo gwe a koŋon nasu ko a kuruŋdyö nasu i komor na gweyajin liŋ ti ŋutu. A na yiŋge se kilo saresi lo wurö liŋ kulo nu, a se mo kulyani adi, ’Diri na kötumit duma gwon ko ŋutu lokoŋ lo kukuruŋdyö kulya.

Nyökit 8:20

Iŋkoi ta mo totoliki gwoso jurön logon MATAT a tolikin kasu i komor kulu, kogwon ta ti ’bon yiŋga gworo lo MATAT Ŋun losu.