Ejikele 5:17 - Bibilia Buk na Ŋun nagon koti luŋu a

¹⁷ A nan mo sunyukiŋdye ta dyaŋ ko gwuruŋin anyen se ryaggu ŋwajik kasu. A twanti iŋgo se ko tatuja mo lwöŋöddi lwöpöddu kasu kiden, a nan mo jakiŋdye ta ŋutu logon ko baŋdujin i mörö ko ta. Nan MATAT aje jambu.

Ejikele 5:17 Iomraidhean Croise

2 Moran 17:25

A i suluet na si ’da nase nyu, a se tine kujönö MATAT; nyenagon a MATAT sunyukiŋdye lepeŋat kömiruöt, logon tatuja kulye kase.

Yuörö 23:29

Nan mo ti rikörö lepeŋat kaŋo kasu ŋerot i kiŋa geleŋ, an kak ko wora a yöbu, an gwuruŋin ŋdi i koja na ta.

Yeremia 15:3

Nan MATAT lo kulya sona adi, Nan a wulökin se gweyajin iŋwan ti katukarak, kweja adi, baŋdujin lo tatatuja, ko ’dioŋjin lo gigiddya, ko kwen lo nyenyesu, se ko gwuruŋin lo kokoja.

Ejikele 14:15

A ko nan a soŋdu kijakwa ti mu ’diŋ i ŋilu jur kata, a se köŋi lepeŋ a iŋge kon a murwö, anyen ŋutu gwon ’bayin lo lwöpöddu nyin kogwon kulya ti kijakwa;

Ejikele 14:19

A ko nan a soŋdu twanti iŋgo i ŋilu jur, a ’bukökiŋdye woran nio kata i tatuja na ŋutu ko toro ’bo—

Ejikele 14:21

Nan MATAT ŊUN lo kulya adi, A naron bia parik ko nan a sunyukin Yerusalema kine riŋesi iŋwan narok parik nagon nan riŋge ŋutu, kweja adi. baŋdu, ko dyaŋ, ko kijakwa ti mu ’diŋ, se ko twanti iŋgo anyen tukaŋu ŋutu se ko toro ’bo!

Ejikele 17:21

A ŋutu kanyit kamo-rök lo nyunyumwe kulo mo totokoni kak liŋ ko baŋdujin, a pitono kulo mo reki i swötön liŋ; a ta mo dene den adi nan MATAT lo jambu kine kulya.

Ejikele 17:24

A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 21:3

Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

Ejikele 21:32

Ta mo nama gwoso kaden i kimaŋ kata, a rima kasu mo ’bukökine i kiden na jur, a ta mo tine yeyeo köti asut. Ŋilo a kulyaet lio lo MATAT.

Ejikele 22:14

Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 23:47

a yodom na ŋutu mo gugubuje se ko ŋurupö, a tatuje se ko baŋdujin; a se mo tatuje ŋwajik kase lulyan ko nawate, a ’yuŋe kadijik kase.

Ejikele 26:14

A nan mo tiŋdi do i gwon a lele nagon gwon kana ’bak nene ŋo, a ŋutu mo loji ku ’yilan kase konut loki; a do mo gwe ti nyökö ’duko kwoŋ; kogwon nan MATAT aje jambu sona. Kilo a kulyaesi kwe ti MATAT ŊUN.

Ejikele 28:23

Kogwon nan mo susunyukin lepeŋ twanti iŋgo, a nan soŋdi katatuak i kikolin kanyit; iŋkoi, ŋutu logon ko baŋdujin mo mörö ko lepeŋ i swötön liŋ, a ŋutu kanyit lo tatua kilo mo ’do ’done kanyit kiden.

Ejikele 30:12

A nan mo towere ’yi kinasi ti Supiri, a nan mo tugworokiŋdye jur i könisi ti ŋutu lorok, a nan mo tiŋdi ŋutu logon a lepelok i tomurwöju na jur se ko po liŋ na gwon i lukata nanyit kune. Kilo a kulyaesi kwe ti MATAT.

Ejikele 33:27

Taki lepeŋat kine kulya adi, MATAT ŊUN lo kulya adi, ’Diri ’diri gwoso na gwoŋdi nan na, ’diri ŋutu logon gwon i piritön nagon a murwöki kulo mo totoko ko baŋdujin. a nan mo tiŋdi ŋutu logon si ’da i yöbu nagon a ’dar kana kulo i koa ko gwurupin; a ŋutu lo ’dana i dilyö ko i kuggiet kulo mo twatwane ko twanti iŋgo.

Ejikele 37:14

A nan mo tiŋdi mulökötyo lio kasu i mugunya, a ta mo gwe jörun, a nan mo tiŋdi ta i jur losu; a kirut ta mo deŋdi adi nan MATAT aje jambu kine kulya a nan mo kone kon se. Kilo a kulyaesi kwe ti MATAT.

Ejikele 38:22

A nan mo kitani ko twanti iŋgo se ko tatuja i ’dupökiŋdyö na do na putet; a nan mo to ’do-ji kuduöt dumalak logon ’do ’dokon, ko torok ti kudu, ko kimaŋ se ko pisek konut loki, ko i tepon kunök, ko i gweyajin jore ti ŋutu lo gwon ko do kulo.

Ejikele 5:15

A na ’duŋökiŋdye nan ŋutu kulök putesi, i riŋga na se ko woran nio duma na pape nu, a do mo gwe a ŋo na ’dö ’döyö ko a na lalawe, ko a kweyet tokujönöet, ko a ŋo nagon tusöŋu ŋutu ti jurön liŋ logon lorga do kulo. Nan MATAT aje jambu.

Ejikele 5:16

A nagon nan mo purukiŋdyö do köji loya lorok ti dyaŋ, loya logon a tukaresi nu, nan mo pororo se i tukaŋu na ŋutu kulök; a nan mo ’ya ’yi sunyukiŋdyö ta dyaŋ, a nan mo nyökuŋdye kinyo losu a lo ’dit.

Ejikele 6:1

A kulyaet lo MATAT poki köyö adi,

Ejikele 6:12

Se logon gwolor pajo kulu mo twatwa ko twanti iŋgo, a se logon gwolor nyona kulo mo tatuani ko baŋdujin, a se logon a pitöki jörun a ko tatua kulo mo twatwane ko dyaŋ. A kirut woran nio ko lepeŋat mo ’bakani ’baka.

Lewi 26:22

A nan mo kölöddi gwuruŋin kasu kiden, logon mo koja ŋwajik kasu, a mo tukaŋi toro ’bo kasu, a mo tiŋdi ta i gwon ku ’dik, a kikolin kasu mo tine wörörikin.

Matayo 24:35

Ki ko kak mo ’du ’duddyö, ama kulyaesi kwe mo ti ’duddyö kwöŋ.

Nyökit 32:24

a se mo soke sokan ko magor, a mugunya kase mo salakiŋdye nyin ko tupape adi duet ko twanti lo tatatuja; a nan mo sunyukiŋdye gwuruŋin i kokoja na se, ko ŋo lo gwögwöŋtu kak i ŋutu i kokiŋdya na se wiri.

Kweyatti 6:8

A nan meddi kusan napayaŋ gwe nyu, a karin ti ŋuto lo wökön ko lepeŋ lo gwe a Twan, a Pirit na mulökö na gwon kak na wöki kanyit i mukök. A se iŋge ’buruki i tatuja na ŋo ti swöt toiŋwan lo kak ko baŋdujin, ko dyaŋ, ko twana iŋgo, se ko gwuruŋin ti kak.