Ejikele 5:13 - Bibilia Buk na Ŋun nagon koti luŋu a

¹³ A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 5:13 Iomraidhean Croise

Yisaya 1:21

Köji na yiyiniki na aje wora a kalupe ada, nye köju a jore ko ’duggö na ’but na putesi! ŋutu ti löti lo rigwo köju a gwolor kata, ama soŋinana gwe a katatuak.

Yisaya 1:24

Nyenagon nan MATAT logon a MATAT lo kurumi, nan logon a Riŋit lo Yisaraele, nan kulya adi, Nan mo konakiŋdya merok kwe ŋo narok, a nan mo robbi mugun ko kaŋisak kwe.

Yisaya 59:17

A nye jupuni löti lo rigwo gwoso witi gayet na kido, a sukiŋdye lwökit a gayet na kwe; a nye rusukiŋdye boŋgwat ropesi ti toron gwoso jupisi, a rabbi mugun ko pusök gwoso boŋgo duma nagon a muit.

Yisaya 9:7

A ŋdi na tumatyan nanyit ko na taliŋ mo tine ’duddyö kwöŋ, i si ’daet na Dawidi, ko i loki na tumatyan nanyit, i togwo ’ya na lepeŋ go ko i tökökiŋdyö na lepeŋ ki ko ’duŋgö gwogwo ko löti lo rigwo, suluja i na diŋit tojo ko ŋupi ŋupi. Nyena a pusök na MATAT lo kurumi mo na koŋdi kine kulya.

Yeremia 14:12

Ma ’di ködyö se a miŋdya, nan mo ti yiŋ gwien nase, ma ’di ködyö se a wukiŋdya nan rubaŋgajin lo ’yu ’yura ’buluŋ se ko ’dokesi ti ’bolot, nan mo ti wu se kwöŋ, kölumbö a nan mo togirökiŋdye lepeŋat ko baŋdujin, ko dyaŋ, se ko twanti iŋgo.

Yeremia 15:9

ŋuto nagon a yupuŋdyö ŋwajik buryo na aje doddya, a duwundye duwuŋdya. A kolor nanyit iŋge ’doro a kak nyuŋ gwon a tuparan; lepeŋ aje tiki yu na kwe ko a lawe. A nan mo tiŋdi merok i tatuja na pitönö kase. Kilo a kulyaesi kwe ti MATAT.

Yeremia 25:12

Nan MATAT lo kulya adi, A nagon kiŋajin merya buryo aje tutuŋgö nu, a nan mo riŋge mor lo Babela se ko ŋilu jur logon a jur lo ŋutu ti Kaledea lu, kogwon konesi kase narok nagon se a koŋdya lo jur a murwö ŋupi kune.

Delyasi 4:11

MATAT aje woran a tömönik, nye aje koluŋdyo woran nanyit abur; a nye mokakiŋdye kimaŋ Siona a totumbe pipilesi kanyit.

Delyasi 4:22

Do köji na Siona, toronjin ti ŋutu kulok aje jo riŋa, ŋun kwoŋ mo ti kolokin ŋutu kulok i joŋa nene daŋ a ’dupi; ama ta ŋutu ti Edom, nye mo ririŋ ta i lyaŋesi kasu, a nye mo kweji toronjin kasu.

Ejikele 13:15

Nan mo tutuŋokin woran nio i ŋina gorom ko i ŋutu lo we ’ya lepeŋ ko buya kulo; a nan mo takiŋdye ta adi, Gorom nagon a mariŋ se ko ŋutu lo we ’ya lepeŋ ko buya kulo gwe ’bayin.

Ejikele 14:21

Nan MATAT ŊUN lo kulya adi, A naron bia parik ko nan a sunyukin Yerusalema kine riŋesi iŋwan narok parik nagon nan riŋge ŋutu, kweja adi. baŋdu, ko dyaŋ, ko kijakwa ti mu ’diŋ, se ko twanti iŋgo anyen tukaŋu ŋutu se ko toro ’bo!

Ejikele 16:42

A kirut nan mo tutupökiŋdye woran nio konut loki, a yinö nio mo kölökiŋdye do, a nan mo gwe taliŋ a mo tine woran köti.

Ejikele 16:63

A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.

Ejikele 17:21

A ŋutu kanyit kamo-rök lo nyunyumwe kulo mo totokoni kak liŋ ko baŋdujin, a pitono kulo mo reki i swötön liŋ; a ta mo dene den adi nan MATAT lo jambu kine kulya.

Ejikele 20:21

Ama a ŋwajik kase renyani nan; a se gwe a ko wörö i saresi kwe lo wurö, a se gwe a ko ’debba jujuwesi kwe logon ko ŋuto a ’debba se kulo a rune ru; lepeŋat a kör sabatajin kwe. A nan köti iŋge yeyeju ’bukökiŋdyö woran nio kase loki, a yeyeji ŋoma ko se asut i yöbu yu.

Ejikele 20:8

Kölumbö a se renyani nan, a tine ’bön yiŋga nan. A lepeŋat liŋ geleŋ geleŋ gwe a ko gumba ŋo kase na mamana kaŋo nagon tulyöŋgu konyen kase kune, a gwe a ko kölökiŋdyö nyömuejin logon a ŋunyen ti Ejipeto. A nan iŋge yeyeju ’bukökiŋdyo woran nio kase loki, a yeyeji ŋoma ko se asut i jur lo Ejipeto.

Ejikele 21:17

A nan mo köti naŋgi könisi kwe, a nan mo toliŋge woran nio ŋilo a kulyaet lio lo MATAT.

Ejikele 21:22

A i könin lonyit lutaten a lowe ’duki a gura na Yerusalema, a nye woŋoro ki, a sirani sira adi ti ŋutu kodyo togwi ’dikiŋdye tito lobot anyen jokarikin kötumitön ti köji, ko ti ’du ’yi ’domio ti liŋo anyen mörörikin köji, ko ti teteŋdi takajin najo ki a tumesi kanyit.

Ejikele 23:25

Nan mo yiyinöri do arabat, anyen se ködyö kitari do ko woran na pape. Lepeŋat mo ’du ’duŋun kumesikö se ko swö ti ŋutu kulök kaŋo, a ŋutu kulök lo pituŋdyö kulo mo tatuani ko baŋdujin. A lepeŋat mo momokaddi ŋwajik kulök lulyan ko nawate, a ŋutu kulök lo pituŋdyö mo totumöni ko kimaŋ.

Ejikele 24:13

Do ŋina köji, ŋina lo ’dokwe a towutön nagon toluddya do na, nan a möŋu toke ’ya do, a do gwe a ko kelan, nyenagon do mo köti ti kelan tojo woran nio a ’bakakin konut loki.

Ejikele 43:8

Lepeŋat a tiŋdu lupet na kötumit nase didiŋö ko kötumit nio, iŋkoi, lepeŋat a tiŋdu kaden kase ti kötumit didiŋö ko kaden ti kötumit nio, a gorom nagon a mariŋ tuŋ ka ’de na koŋi nan ko se. A se iŋge kör karin kwe nake ko ŋo kase na mamana nagon se kökon kune nyena a nan iŋge totum se i woran nio.

Ejikele 6:10

A se mo dene den adi nan a MATAT; nan ’bayin a ’burönit i jambu adi nan mo kokonakin se kine ŋo narok.

Ejikele 6:12

Se logon gwolor pajo kulu mo twatwa ko twanti iŋgo, a se logon gwolor nyona kulo mo tatuani ko baŋdujin, a se logon a pitöki jörun a ko tatua kulo mo twatwane ko dyaŋ. A kirut woran nio ko lepeŋat mo ’bakani ’baka.

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Daniele 11:36

A mor molu koŋdi gwoso nye ’de ’dekan; a bu ’ye mugun a toduma ’yi mugun lwölwöŋ ŋunyen liŋ, a mo jambi ŋo nagon lömörikin Ŋun lo totoŋun ŋunyen liŋ. A lepeŋ mo pupu-turu ŋerot tojo ko diŋit nagon woran na Ŋun aje temakiŋdya anyen kokona; kogwon ŋo nagon aje tetena kune molu kokona.

Daniele 9:2

i kiŋa lo kokwe lo saŋu nanyit nan Daniele gwon i keŋdya na bukon ti Ŋun. A nan kuruŋdye i kulyaesi ti MATAT lo jama ko nebi Yeremia kulo adi, Yerusalema mo kölöki a murwö tojo ko kiŋajin merya buryo a ’duddyö.

Osea 10:10

Nan mo ŋoŋo i riŋga na ŋutu karerenyak; a juron mo momorakiŋdye kase loki i riŋga na se kogwon lyaŋesi kase nagon a lwöŋgu daŋin murek.

Jakaria 6:8

A nye maraŋgi a kulyani ko nan adi, Mete, se logon a tu i jur lo lobot kulo aje tiŋdu Mulökötyo lio i si ’da ’bura i jur lo lobot.

Nyökit 28:63

Nyena MATAT mo lyölyöŋön ko ta i tolikiŋdyö na ta ko i tukaŋu na ta, gwoso nagoŋ nye köju aje lyöŋön ko ta i konakiŋdya na ta ’bura ko i tuŋöŋö na ta nu; a ta mo ’dutujine kaŋo i lu jur logon ta lubbö i morga lu.

Nyökit 32:36

A MATAT mo ’duŋge kulya ti ŋutu kanyit rigwo, a mo won konyen ko kölipönök kanyit, na meddi nye adi riŋit nase a ’baka nu, a ŋutu gwe ’bayin lo pituŋdyö, kode logon a ’dupi kode logon a lui.