Ejikele 5:12 - Bibilia Buk na Ŋun nagon koti luŋu a

¹² A swöt geleŋ na musala na ŋutu kasu mo twatwane ko twanti iŋgo, a mo tutupöni ko dyaŋ i kiden na köji nasu, a swöt geleŋ na musala mo totokoni kak ko baŋdujin i gor i turön logon lorga köji, a nan mo ratakiŋdye swöt geleŋ na musala i köbuŋötön liŋ ti kak anyen wuwuköji, a nan mo ’dutuŋdye baŋdu kaŋo a riköddi se.

Ejikele 5:12 Iomraidhean Croise

Yisaya 1:24

Nyenagon nan MATAT logon a MATAT lo kurumi, nan logon a Riŋit lo Yisaraele, nan kulya adi, Nan mo konakiŋdya merok kwe ŋo narok, a nan mo robbi mugun ko kaŋisak kwe.

Yeremia 13:24

Nyenagon nan mo totorekin ta gwoso pudi na wuköji ko kobuŋot lo po i yobu na sese.

Yeremia 14:12

Ma ’di ködyö se a miŋdya, nan mo ti yiŋ gwien nase, ma ’di ködyö se a wukiŋdya nan rubaŋgajin lo ’yu ’yura ’buluŋ se ko ’dokesi ti ’bolot, nan mo ti wu se kwöŋ, kölumbö a nan mo togirökiŋdye lepeŋat ko baŋdujin, ko dyaŋ, se ko twanti iŋgo.

Yeremia 15:2

A ko lepeŋat a pija do adi, Yi tu da? A do mo waddi se adi, Nan MATAT lo kulya adi, Se logon a wulöki i twanti iŋgo kilo ti lepeŋat iti i twanti iŋgo, se logon a wulöki i baŋdu kilo ti leperiat iti i baŋdu; se logon a wulöki i dyaŋ kilo ti se iti i dyan, se logon a wulöki i to ’dupien kilo ti se iti i to ’dupien.

Yeremia 15:9

ŋuto nagon a yupuŋdyö ŋwajik buryo na aje doddya, a duwundye duwuŋdya. A kolor nanyit iŋge ’doro a kak nyuŋ gwon a tuparan; lepeŋ aje tiki yu na kwe ko a lawe. A nan mo tiŋdi merok i tatuja na pitönö kase. Kilo a kulyaesi kwe ti MATAT.

Yeremia 21:9

Ŋuto loron nyuŋ si ’da i ŋina köji lo mo tatua ko baŋdu, ko dyaŋ, se ko twanti iŋgo, ama ŋuto logon a tu kaŋo a wukiŋdye mugun ko ŋutu ti Kaledea i konisi logon tumba ta kulo, ŋilo ŋuto mo yeŋon gwon jorun, a ru nanyit mo gwe gwoso ŋo naŋon nye a ryakun i ŋor.

Yeremia 24:10

A nan mo sunyukiŋdye lepeŋat merok logon ko baŋdujin, a sunyukiŋdye se dyaŋ, se ko twanti iŋgo, tojo se liŋ molu a togiröki adi siti jur logon nan köju a tikin se ko merenyejin kasu lu.

Yeremia 42:22

Nyena soŋinana dene ta den ’diri adi ta mo tatatua ko baŋdujin, ko dyaŋ, se ko twanti iŋgo i pirit nagon ta ’de ’dekan tu i si ’da kata nu.

Yeremia 44:27

Mete ta, nan ŋilo tiju lepeŋat i konakiŋdya na lepeŋat kulya narok ti gwon a kulya na ’but; kweja adi ŋutu liŋ ti Yuda lo gwon i jur lo Ejipeto kulo mo tatatua ko baŋdujin se ko dyaŋ, tojo ko se a tu ’bakala asut.

Yeremia 9:15

Nyenagon nan MATAT lo kurumi, Ŋun lo Yisaraele lo kulya adi, Mete, nan mo tunyeju kulo ŋutu ko lo ’burtölöŋ, a nan mo tumaddi lepeŋat ko pioŋ nagon a wiri.

Yeremia 9:16

A nan mo torekiŋdye se i jurön logon se a ko den, ma ’di merenyejin kase köju a ko den kulu. A nan mo soŋdi merok kase i mukök ko baŋdujin, tojo ko nan a tutuŋ lepeŋat adi sit.

Ejikele 12:14

A nan mo ratakiŋdye ŋutu kanyit katiyuk, ko ŋutu liŋ logon parakiŋdya lepeŋ se ko teŋon kanyit liŋ ti kamörök i köbuŋötön liŋ anyen wuwuköji. A nan mo ’dutuŋdye baŋdu kaŋo i riköddu na lepeŋat.

Ejikele 14:17

A ko nan a soŋdu ŋutu logon ko baŋdujin i mörö ko ŋilu jur, a sarakiŋdye lepeŋat anyen wöröji ’e ŋilu jur ’bukuluŋ a ködyö tukaŋi ŋutu se ko toro ’bo—

Ejikele 14:19

A ko nan a soŋdu twanti iŋgo i ŋilu jur, a ’bukökiŋdye woran nio kata i tatuja na ŋutu ko toro ’bo—

Ejikele 14:21

Nan MATAT ŊUN lo kulya adi, A naron bia parik ko nan a sunyukin Yerusalema kine riŋesi iŋwan narok parik nagon nan riŋge ŋutu, kweja adi. baŋdu, ko dyaŋ, ko kijakwa ti mu ’diŋ, se ko twanti iŋgo anyen tukaŋu ŋutu se ko toro ’bo!

Ejikele 16:42

A kirut nan mo tutupökiŋdye woran nio konut loki, a yinö nio mo kölökiŋdye do, a nan mo gwe taliŋ a mo tine woran köti.

Ejikele 21:22

A i könin lonyit lutaten a lowe ’duki a gura na Yerusalema, a nye woŋoro ki, a sirani sira adi ti ŋutu kodyo togwi ’dikiŋdye tito lobot anyen jokarikin kötumitön ti köji, ko ti ’du ’yi ’domio ti liŋo anyen mörörikin köji, ko ti teteŋdi takajin najo ki a tumesi kanyit.

Ejikele 24:13

Do ŋina köji, ŋina lo ’dokwe a towutön nagon toluddya do na, nan a möŋu toke ’ya do, a do gwe a ko kelan, nyenagon do mo köti ti kelan tojo woran nio a ’bakakin konut loki.

Ejikele 33:27

Taki lepeŋat kine kulya adi, MATAT ŊUN lo kulya adi, ’Diri ’diri gwoso na gwoŋdi nan na, ’diri ŋutu logon gwon i piritön nagon a murwöki kulo mo totoko ko baŋdujin. a nan mo tiŋdi ŋutu logon si ’da i yöbu nagon a ’dar kana kulo i koa ko gwurupin; a ŋutu lo ’dana i dilyö ko i kuggiet kulo mo twatwane ko twanti iŋgo.

Ejikele 36:19

A nan iŋge torekin lepeŋat i kiden na gweyajin ti ŋutu, a lepeŋat iŋge gwo-gwölöki i jurön, a nan ’duŋökiŋdye lepeŋat putet kogwon kulya ti kikolin ti gwiliŋisi kase se ko konesi kase.

Ejikele 43:8

Lepeŋat a tiŋdu lupet na kötumit nase didiŋö ko kötumit nio, iŋkoi, lepeŋat a tiŋdu kaden kase ti kötumit didiŋö ko kaden ti kötumit nio, a gorom nagon a mariŋ tuŋ ka ’de na koŋi nan ko se. A se iŋge kör karin kwe nake ko ŋo kase na mamana nagon se kökon kune nyena a nan iŋge totum se i woran nio.

Ejikele 5:10

Nyenagon i kiden na köji nasu a komonye mo nyesi ŋwajik kase, a ŋwajik mo nyesi komonye kase, a nan mo ’duŋökiŋdye ta putesi, a nan mo ratakiŋdye pitönö ti ŋutu kasu lo pituŋdyö kulo i köbu-ŋötön liŋ ti kak anyen wuwuköji.

Ejikele 5:17

A nan mo sunyukiŋdye ta dyaŋ ko gwuruŋin anyen se ryaggu ŋwajik kasu. A twanti iŋgo se ko tatuja mo lwöŋöddi lwöpöddu kasu kiden, a nan mo jakiŋdye ta ŋutu logon ko baŋdujin i mörö ko ta. Nan MATAT aje jambu.

Ejikele 5:2

Do ködyö ’yuŋa swöt geleŋ na musala i kiden na köji i diŋit nagon perok tumesi aje ’baka nu; a do ködyö ’du ’duŋuje swöt geleŋ na musala na kilo kupir ko baŋdu lorga köji; a do ratakiŋdye swöt geleŋ na musala na kilo kupir i köbuŋöt anyen wuwuköji, a nan mo ’dutuŋdye baŋdu kaŋo a riköddi se.

Ejikele 6:8

Ama nan mo pipitökin kulye ŋutu kasu jörun, anyen na toreki ’e ta i jurön nu, a ta mo gwe ko kulye logon a pesaddu kaŋo i tatua lo gwon i kiden na gweyajin ti ŋutu kulu.

Ejikele 7:15

Baŋdujin tukaresi kata kaŋo, a twanti iŋgo se ko dyaŋ gwe i lukata; iŋkoi, ŋutu lo gwon mu ’diŋ mo tatua ko baŋdujin, a se lo gwon köji kulo mo twatwane ko dyaŋ se ko twanti iŋgo.

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Lewi 26:33

a nan mo toreaddi ta i kiden na jurön, a nan mo ’dutuŋdye baŋdu kaŋo i riköddu na ta, a jur losu mo gwe a ruba, a köjinö kasu mo gwe a murwöki.

Amosa 9:4

Ma ’di ködyö merok kase a joŋ se a ’dupi, a nan mo sarakiŋdye Lepeŋat i tatua ko baŋdujin nyu; a nan mo meddi Lepeŋat i kona-kiŋdya na se ŋo narok ti gwon a ŋo na ’but.

Amosa 9:9

Kogwon nan mo tiŋdu saret, a kötumit na Yisaraele mo gwö-gwönyöni gwögwönyö i kiden na jurön liŋ gwoso ŋuto na ŋoŋoja ko kalaogira, ama a turukti lo ’dit mo gwe ’bayin lo ’doro kak,

Jakaria 7:14

a nan torekiŋdye se ko libibiu i kiden na juron liŋ logon se a ko nyuŋ den kulu. Nyena a lo jur logon se a kolokin lo gwe a murwo, a ŋuto gwe ’bayin lo woro kata abur, kogwon ŋilo jur lo ’but aje kona a murwo.

Nyökit 28:65

A ta mo tine ryö yukan i kilo jurön liŋ, kode pirit gwo ’diet na ’dapan kasu; ama a MATAT mo tiŋdi ta töilyet lo böböntiu nyu, ko konyen durweesi, a mo joŋgi kaŋo kasu yenet na ru;

Kweyatti 6:8

A nan meddi kusan napayaŋ gwe nyu, a karin ti ŋuto lo wökön ko lepeŋ lo gwe a Twan, a Pirit na mulökö na gwon kak na wöki kanyit i mukök. A se iŋge ’buruki i tatuja na ŋo ti swöt toiŋwan lo kak ko baŋdujin, ko dyaŋ, ko twana iŋgo, se ko gwuruŋin ti kak.