Ejikele 5:11 - Bibilia Buk na Ŋun nagon koti luŋu a

¹¹ Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 5:11 Iomraidhean Croise

2 Moran 21:4

A nye ’duŋge piritön ’yuresi ti rubaŋgajin i kadi na MATAT, nagon MATAT a kulyari adi, Nan mo tiŋdu karin kwe Yerusalema na.

2 Moran 21:7

A nye tiŋdi Asera nagon a nyömue na gigiru nagon nye a teten na i kadi na Ŋun. Ŋina a kadi nagon köju MATAT a kulyari ko Dawidi se ko ŋuro lonyit Solomona adi, Nan mo tiŋdu karin kwe ŋupi i na kadi, ko i Yerusalema nagon nan a wulun i kötumitön liŋ ti Yisaraele na;

2 Moran 23:12

A nye duŋge piritön ’yuresi ti rubaŋgajin na gwon i lo ’dek lo koŋilore na Akaja, nagon moran ti Yisaraele a teten kune, ko piritön ’yuresi ti rubaŋgajin nagon Manase a teten i lukata na mariŋan murek ti kadi na MATAT, a nye gwagwalaggi se, a ’buköddi ŋutu nase i loro Kidirona.

2 Dekat 33:4

A nye ’duŋge piriton ’yuresi ti rubaŋgajin i kadi na MATAT, nagon MATAT a kulyari adi, Karin kwe molu gwon Yerusalema ŋupi.

2 Dekat 33:7

a nye tiŋdi nyomue na gigir nye na i kadi na ŋun. Ŋina a kadi nagon köju Ŋun a kulyari ko Dawidi se ko Ŋuro lonyit Solomona adi, Nan mo tiŋdu karin kwe ŋupi i na kadi, ko i Yerusalema nagon nan a wulun i kotumiton liŋ ti Yisaraele na;

2 Dekat 36:14

A ma ’di koanejin temejik liŋ se ko ŋutu köti iŋge toroŋdya parik i mirakiŋdya na manat liŋ ti kulye juron; a se toluddye kadi na MATAT nagon nye a kon a nake na rurwan Yerusalema yu nu.

Eyobo 27:22

A nye wuköddi lepeŋ ’bak kö ’yu, a ŋilo ŋuto ’deke pesaddu kaŋo i riŋit na puggö na ŋilo köbuŋöt;

Saumajin 107:39

Ama ko kilo ŋutu a ŋo ku ’dik ko a nyökwe kak, kogwon merok kase sasandu a iŋge rudakin se kak a se goŋgi ŋoŋga,

Saumajin 95:11

Nyena a nan milyeji i woran nio adi se mo ti luŋö köyö i ŋirit yukaet.

Yeremia 10:24

Pon MATAT, riŋge nan, ama riŋge ko temet na gwon jojo, ’bayin ko woran inot abur, anyen do gwon ti tu ’baka ’yu nan.

Yeremia 16:18

A nan mo kiyaŋ riŋge lepeŋat daŋin murek kogwon konesi kase narok se ko toronjin kase, kogwon se aje toluddya jur lio lomore ko nyömuejin kase loron köŋu keri a iŋge tojore lepeŋ ko kitajin kase na mamana.

Yeremia 32:34

Lepeŋat aje togwi ’dikiŋdya nyömue­jin lo mamana i kadi nagon luŋu ko karin kwe na anyen toluddya lepeŋ.

Yeremia 44:4

Ama kölumbö nan a ko jaran i sunyukiŋdyo na ta köliŋönök kwe liŋ logon a nebijin i kulya adi, An ta ko koŋdya ta kine ŋo narok parik nagon nan maman kune!

Delyasi 2:17

MATAT aje koŋdya ŋo nagon nye a yeye i koŋdya kune, lepeŋ aje temakin tokujönöet nanyit gwoso na saŋi nye köju ’beron nu. Nye aje rusuggö do ’bak pitöki-ŋdyö, nye aje tin merok kulök i lyöŋön ko do, a toduma ’yi riŋit na kamönyök kulök.

Delyasi 2:21

Lupudiet se ko ŋutu muduŋin a peron i ŋutut ti kikolin; kö ’disi kwe se ko teton kwe aje ’do ’do kak a tatua ko baŋdujin. Do a tatuja lepeŋat i lor lo woran inot, a do gwe a kowon konyen i tatuja na se.

Ejikele 11:18

Nyena ko se mo aje yitö nyu, a se mo wuddye ŋo liŋ nagon a lut se ko ŋo liŋ na mamana;

Ejikele 11:21

Ama ŋutu logon töilyet kase kebbu ŋo kase lut ko ŋo kase na mamana kulo, nan mo roropakin konesi kase kase i kusik. Kilo a kulyaesi kwe ti MATAT ŊUN.

Ejikele 23:28

Kogwon nan MATAT ŊUN lo kulya adi, Mete, nan mo puŋutukin do i könisi ti ŋutu logon do maman, logon do a löpukuŋdyö kaŋo kase ko dara tine ’bön se kilo;

Ejikele 23:38

A se köti iŋge konakin nan ŋina ŋo: kweja adi se aje köŋu pirit nio nake na rurwan i lor lo geleŋ lu a köŋi sabatajin kwe.

Ejikele 23:39

A nagon se aje ’duŋökiŋdyö nyömuejin logon a ŋunyen kase kulo ŋwajik kase a rubaŋgajin nu, a se iti i koŋu na pirit nio nake na rurwan i lor lo geleŋ lu; kine a po nagon se a kon köyo kadi.

Ejikele 24:14

Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 29:15

A ŋina tumatyan mo gwe a namunyan lwölwöŋ kunie tumatyanjin, a mo köti tine bulakiŋdya mugun ki lwölwöŋ kulye jurön, a nan mo tiŋdi ŋutu ti Ejipeto i gwon ku ’dik parik, nyena a lepeŋat mo köti kwöŋ tine saŋu jurön.

Ejikele 33:11

Kulyani ko lepeŋat adi, MATAT ŊUN lo kulya adi, ’Diri ’diri gwoso na gwoŋdi nan na, nan ’bak lyöŋön i twan na ŋuto loron, ama nan ’de ’dekan adi ti ŋuto loron löpuŋge löpuggö i kiko lonyit, ko ti rune ru. Nyena löpukwene ta bot, iŋkoi, wöripuŋdye ta kaŋo i kikolin kasu lorok kilo. Ta ŋutu ti kötumit na Yisaraele, ko nyo ta ’de ’dekan twatwa?

Ejikele 43:8

Lepeŋat a tiŋdu lupet na kötumit nase didiŋö ko kötumit nio, iŋkoi, lepeŋat a tiŋdu kaden kase ti kötumit didiŋö ko kaden ti kötumit nio, a gorom nagon a mariŋ tuŋ ka ’de na koŋi nan ko se. A se iŋge kör karin kwe nake ko ŋo kase na mamana nagon se kökon kune nyena a nan iŋge totum se i woran nio.

Ejikele 44:7

Ta aje rukuŋdyö Lwaka logon töilyet kase se ko mugunya kase a ko tawero kilo anyen gwon i pirit nio nake na rurwan, i tolu-ddya na kadi nio i diŋit nagon ta wukiŋdya nan kinyo lio nu, kweja adi kine a lokorio nagon a welesi se ko rima, a lepeŋat iŋge ’beleŋgu tomoret nio a ’ya ’yi konesi kasu na mamana kine.

Ejikele 5:7

Nyenagon nan MATAT ŊUN lo kulya sona adi, Kogwon ta a ŋutu logon a kawoŋok ti ’bön sara lwölwöŋ ŋutu ti jurön logon lorga ta kulo, a tine wörö i saresi kwe lo wurö kode ’debba jujuwesi kwe, a ta gwe a ko koŋdya ma ’di gwoso i saresi ti ŋutu ti jurön logon lorga ta;

Ejikele 7:20

Lepeŋat bu ’ya ’börik ko minyojin lokwekwelen, logon se teten a nyömuejin kase lorok lo mamana; nyenagon a nan mo konakiŋdye se minyojin kase gwoso korodo.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Ejikele 8:15

A lepeŋ pipije nan adi, Ŋuro lo ŋuto, do aje met kine kulya? Do mo memet ŋo temejik na mamana lwölwöŋ kine.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Ejikele 8:18

Nyena nan mo kikitari woran nio i lepeŋat; a nan mo tine pitökin se, a mo tine won konyen ko se kwöŋ. Ma ’di nagon se a gwikin köyö parik a nan mo tine yiŋ se kwöŋ.

Ejikele 9:10

Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

Ejikele 9:5

A nan yiŋge lepeŋ takiŋdya kulye ŋutu kulo adi, Kepoddi ta lepeŋ köji kata ko tatuje ta ’bak won na konyen; an ta ko pitökin ta ma ’di ŋuto geleŋ to.

Lewi 15:31

Nyena a ta ködyö geluŋdye ŋutu ti Yisaraele kaŋo i tolutwan nase, an se ko twatwa i tolutwan nase i toluddya na kemia nio na gwon kase kiden na.

Amosa 8:7

Nan MATAT logon kötumit na Yakobo aje bu ’ya mugun ko nan lo aje milyeju adi, ’Diri ’diri nan mo ti böŋö konesi kase kwöŋ ma ’di geleŋ to.

Jakaria 11:6

Kogwon MATAT lo kulya adi, Nan mo köti tine won konyen ko ŋutu ti lo jur. Nan mo pakiŋdya ŋutu liŋ geleŋ geleŋ i könisi ti kayukuk kase, ko i konisi ti moran kase; a se mo köŋi na kak, a nan mo tine lwökuŋdyö nene ŋo kase i könisi.

Malaki 3:17

A nan MATAT lo kurumi kulyani adi, Se mo gwon a ŋutu kwe, iŋkoi, se a ŋutu kwe lomoriot gwak i ŋilu lor lo kitari nan lu, a nan mo wone konyen ko lepeŋat gwoso nagon ŋuto won konyen ko ŋuro lonyit logon kitakiŋdya lepeŋ lo.

Roma 11:12

Ama ko lyaŋan nase a tiŋdu na kak ’bulit, kweja adi ’yako ’yu nase a tiŋdu ŋutu ti jurön i ryeju na ’bulit, bia parik twöyit nase ’bukuluŋ mo joŋdya ’bulit a duma parik lwölwöŋgu.

Roma 11:21

Kogwon ko Ŋun a ko pitökin kenia gwak ti ŋilo ködini, a nye köti mo tine pitökin ta.

Roma 8:32

Lepeŋ a ko renya tiŋdu Ŋuro lonyit gwak, ama nye a wukin lepeŋ kogwon yi liŋ. A ko lepeŋ a koŋdya sona, nye ŋona mo ti tikin yi ŋo liŋ abur ko lepeŋ i pirit na geleŋ le?

Nyökit 29:20

A kirut MATAT mo tine pitökin lepeŋ, ama kölumbö a woran na MATAT se ko yulön nanyit puriörö ki ko lu ŋuto, a lömisi liŋ logon a wuröki i ŋina buk kulo mo poki kanyit loki, a MATAT mo seyaddi karin kanyit kaŋo i kak ’bukuluŋ.

Ebere 6:13

Kogwon na milyekiŋdye Ŋun i tiŋdu na Abarayama nene ŋo nu, lepeŋ a milyeju ’diŋdya mugun, kogwon lele ’bayin logon a duma Iwolwöŋ lepeŋ.