Ejikele 5:10 - Bibilia Buk na Ŋun nagon koti luŋu a

¹⁰ Nyenagon i kiden na köji nasu a komonye mo nyesi ŋwajik kase, a ŋwajik mo nyesi komonye kase, a nan mo ’duŋökiŋdye ta putesi, a nan mo ratakiŋdye pitönö ti ŋutu kasu lo pituŋdyö kulo i köbu-ŋötön liŋ ti kak anyen wuwuköji.

Ejikele 5:10 Iomraidhean Croise

2 Moran 6:29

A yi deŋi ŋuro lio lo, a nyesi nyesu. A i ko ’bure nanyit, a nan kulyani ko lepeŋ adi, ’Dumuŋdye ŋuro ilot anyen yi nyonyo; ama lepeŋ a ’de ’ya ŋuro lonyit lo an ko nyei.

Nemaya 1:8

Boŋo yeyene yeye kulyaet logon do a sarakin koliponit ilot Mose adi, Ko ta a lauŋdya nan a nan mo toreaddi ta kaŋo i kiden na nutu ti jurön;

Saumajin 44:11

Do a tindu yi gwon gwoso köbilu na tatatua, do a torekindya yi kaŋo i jurön.

Yisaya 49:26

A nan mo tunyeji se logon ruruduja do ko mugunya kase gwak, a se mo mere meran ko rima kase gwak gwoso binyo napaleleŋ. A ŋutu liŋ mo kuruŋdye adi nan a MATAT kalwökönit ilot, ko a kadakanit ilot, nan Riŋit lo Yakobo.

Yisaya 9:20

A se ryakuŋdye i könin lo lutaten, ama se nyuŋ mamaŋora, a se nyesi i swöt lo kadoŋe, ama se puja ti yimönö; a ŋutu liŋ nyesi rima ti luŋaser.

Yeremia 13:14

A nan mo gwagwalaggi lepeŋat ka ’de ka ’de i ’dumuŋdya na lele ŋuto a gwalakakiŋdye i lele ŋuto, komonye gwagwalaka ko torela i pirit na geleŋ. A nan mo tine kölökiŋdyö kode pitokiŋdyo lepeŋat. Nan mo ti won konyen ko se ama nan mo tutukar lepeŋat.

Yeremia 19:9

A nan mo tiŋdi se i nyesu na ŋwajik kase lyan ko nawate, a ŋutu liŋ geleŋ geleŋ mo nyesi maratejin kase i diŋit nagusu naŋon merok kase loron ga ’yu tatuja lepeŋat kulo a yöyöŋgu se i tumakiŋdya na se ŋo nu.

Yeremia 44:12

Nan mo jojoŋ pitö­nö ti ŋutu ti Yuda logon a komorga po i si ’da i jur lo Ejipeto kulo, a se liŋ mo tutupöni tutupö i lo jur lo Ejipeto. Kulye kase mo tatatua ko baŋdujin, a kulye mo twatwane ko dyaŋ. Iŋkoi, lo ’di ’dik ko temejik mo tatatua ko baŋdujin, se ko dyaŋ, a se mo gwe a ŋo lo momoro, ko a torigwökit, ko a lömit, ko a lawet.

Yeremia 49:32

A kamilojin kase mo momokani momoka, a teŋon ti toro ’bo kase mo ryakani ryaka, a nan mo totorekiŋdye ŋutu logon ’duŋgö kupir ti komorsikan kase kulo 1 swöton liŋ lo wukuŋdye köbuŋötoŋ kulo, a nan mo jakiŋdye lepeŋat sasa-nyet duma i swötön kase liŋ. Ŋilo a nan MATAT lo jambu.

Yeremia 49:36

a nan mo ratakiŋdye se i kilo köbuŋötön liŋ anyen wuwuköji, a lele jur mo gwe ’bayin logon ŋutu ti Elam lo riköji kulo a ko tu kata.

Yeremia 50:17

Ŋutu ti Yisaraele a köbilu na totogora nagon kömiruöt a rikörö kaŋo. A kokwe mor lo Asura lo koja lepeŋat, i mukök a Nebukadaresar mor lo Babela lo pije kuyu kase.

Yeremia 9:16

A nan mo torekiŋdye se i jurön logon se a ko den, ma ’di merenyejin kase köju a ko den kulu. A nan mo soŋdi merok kase i mukök ko baŋdujin, tojo ko nan a tutuŋ lepeŋat adi sit.

Delyasi 2:20

Boŋgi pon MATAT, ko meddi, do a konakiŋdya ŋa ŋo gwoso kine? ŋutu wate ŋona ködyö nyesu lupudiet kase logon se a ’dep ko könisi kase kulo le? Koane ko nebi ŋona bubulö tatua i pirit inot nake na rurwan le?

Delyasi 4:10

Ma ’di ŋutu nagon a kanyarak lepeŋat ko ’borik aje deŋa ŋwajik kase; ŋwajik kase gwon a kinyo lose i diŋit na tukarari ŋutu kwe.

Delyasi 4:16

MATAT ko mugun nanyit lo torekiŋdya lepeŋat, a nye gwe a ko yeye lepeŋat koti kwoŋ; a koanejin tine bula koti, a temejik gwe a ko twoi.

Delyasi 4:3

Ma ’di gwagwea tiŋdu torela kase anyen nonoggu, ama ŋutu wate ti ŋutu kwe a wora a bama gwoso tutwolon ti yobu.

Ejikele 12:14

A nan mo ratakiŋdye ŋutu kanyit katiyuk, ko ŋutu liŋ logon parakiŋdya lepeŋ se ko teŋon kanyit liŋ ti kamörök i köbuŋötön liŋ anyen wuwuköji. A nan mo ’dutuŋdye baŋdu kaŋo i riköddu na lepeŋat.

Ejikele 12:15

A kirut se mo dene den adi nan logon a MATAT, i diŋit nagon nan mo toreaddi se i kiden na gweyajin ti ŋutu, iŋkoi, na ratakiŋdye nan se i kiden na jurön nu.

Ejikele 17:21

A ŋutu kanyit kamo-rök lo nyunyumwe kulo mo totokoni kak liŋ ko baŋdujin, a pitono kulo mo reki i swötön liŋ; a ta mo dene den adi nan MATAT lo jambu kine kulya.

Ejikele 20:23

Iŋkoi, a nan iŋge ’doggu könin lio ki i milyekiŋdyö na se i yöbu yu adi nan ködyö totorekin se i kiden na gweyajin ti ŋutu ti jurön,

Ejikele 22:15

Nan mo ririkörö ŋutu kulök i kiden na gweyajin ti ŋutu, a toreaddi se pajo i kiden na jurön, a nan mo tu ’baka ’yi tolutan nasu konut lukata.

Ejikele 36:19

A nan iŋge torekin lepeŋat i kiden na gweyajin ti ŋutu, a lepeŋat iŋge gwo-gwölöki i jurön, a nan ’duŋökiŋdye lepeŋat putet kogwon kulya ti kikolin ti gwiliŋisi kase se ko konesi kase.

Ejikele 5:12

A swöt geleŋ na musala na ŋutu kasu mo twatwane ko twanti iŋgo, a mo tutupöni ko dyaŋ i kiden na köji nasu, a swöt geleŋ na musala mo totokoni kak ko baŋdujin i gor i turön logon lorga köji, a nan mo ratakiŋdye swöt geleŋ na musala i köbuŋötön liŋ ti kak anyen wuwuköji, a nan mo ’dutuŋdye baŋdu kaŋo a riköddi se.

Ejikele 5:2

Do ködyö ’yuŋa swöt geleŋ na musala i kiden na köji i diŋit nagon perok tumesi aje ’baka nu; a do ködyö ’du ’duŋuje swöt geleŋ na musala na kilo kupir ko baŋdu lorga köji; a do ratakiŋdye swöt geleŋ na musala na kilo kupir i köbuŋöt anyen wuwuköji, a nan mo ’dutuŋdye baŋdu kaŋo a riköddi se.

Ejikele 6:8

Ama nan mo pipitökin kulye ŋutu kasu jörun, anyen na toreki ’e ta i jurön nu, a ta mo gwe ko kulye logon a pesaddu kaŋo i tatua lo gwon i kiden na gweyajin ti ŋutu kulu.

Daniele 9:7

Pon MATAT, do gwon rigwo, ama yi gwon ko yu na kusik i lo lor, yi ŋutu ti Yuda, ko ŋutu lo si ’da Yerusalema, ko Yisaraele liŋ, lo gwon nyona ko lo gwon pajo, i jurön liŋ logon do a riköddi yi kulu kogwon lauŋdya nikaŋ nagon yi a lauŋdye do na.

Lewi 26:29

A ta mo nyesi ŋwajik kasu lulyan ko nawate.

Lewi 26:33

a nan mo toreaddi ta i kiden na jurön, a nan mo ’dutuŋdye baŋdu kaŋo i riköddu na ta, a jur losu mo gwe a ruba, a köjinö kasu mo gwe a murwöki.

Amosa 9:9

Kogwon nan mo tiŋdu saret, a kötumit na Yisaraele mo gwö-gwönyöni gwögwönyö i kiden na jurön liŋ gwoso ŋuto na ŋoŋoja ko kalaogira, ama a turukti lo ’dit mo gwe ’bayin lo ’doro kak,

Jakaria 2:6

MATAT lo kulya adi, Wo! Wo! Woki ta kaŋo i jur lo lobot; kogwon nan a toreara ta kaŋo gwoso köbuŋötön iŋwan ti kak, nan MATAT lo kulya.

Jakaria 7:14

a nan torekiŋdye se ko libibiu i kiden na juron liŋ logon se a ko nyuŋ den kulu. Nyena a lo jur logon se a kolokin lo gwe a murwo, a ŋuto gwe ’bayin lo woro kata abur, kogwon ŋilo jur lo ’but aje kona a murwo.

Luka 21:24

a se mo tatuani tatua ko baŋdujin, a se mo momokajine i jurön liŋ a ’dupi, a Lwaka mo ryoggi Yerusalema, tojo ko diŋitan kase na wulwe a temakiŋdya.

Nyökit 28:64

A MATAT mo torekiŋdye ta i kiden na gweyajin liŋ ti ŋutu, suluja i na ’dutet na kak tojo ko nu; a ta mo kitakiŋdye kulye Ŋunyen nyu, logon a kaden ko a ŋurupö, logon ta kode merenyejin kasu a ko den kulu.

Nyökit 32:26

A nan kulyani adi, Ko nan ködyö a ’dekan nan ködyö a toreara se pajo, a nan ködyö tutuŋge yeyeö nase i kiden na ŋutu,

Nyökit 4:27

a MATAT mo torekiŋdye ta i kiden na gweyajin ti ŋutu, a ta mo kölökine ku ’dik i kiden na jurön logon MATAT mo nyömöddi ta nyu kulu.