Ejikele 48:9 - Bibilia Buk na Ŋun nagon koti luŋu a

⁹ A koret nagon ta gelakin nan MATAT a swot na ködyö gwe a lokiliŋan aliŋan merya murek wot mukanat ko tugalaŋ nanyit a lokiliŋan aliŋan merya murek.

Ejikele 48:9 Iomraidhean Croise

Ejikele 44:28

Lepeŋat ködyö ti wuju kak a lomore kogwon nan lo gwon a lomore lose. A ta ködyö tine tiŋdu se koret i Yisaraele kogwon nan lo gwon a koret lose.

Ejikele 45:1

A ko ta mo kökoroji kak i gu-ba na guralan nu, a ta ködyö koruŋdye nene kak kata a nake na rurwan nagon a nio na MATAT, a jolan nanyit ködyö gwe a lokiliŋan aliŋan merya murek wot mukanat, a tugalaŋ nanyit gwe a lokiliŋan aliŋan merya murek, a nye ködyö gwe a nake na rurwan i lokökoritan kanyit liŋ.

Ejikele 48:10

A ŋina kak nake na rurwan kodyö kokorani sona: kweja adi koanejin ködyö wuju koret nagon temuŋdya a lokiliŋan aliŋan merya murek wot mukanat i swöt lo lobot, ko lokiliŋan aliŋan puök i swot lo tokotyaŋ i tugalaŋ nanyit, a i swöt lo ’yure ködyö gwe a lokiliŋan aliŋan puök i tugalaŋ nanyit, a tojolan nanyit i swöt lo loki ködyö gwe a lokiliŋan aliŋan merya murek wot mukanat, a pirit nake na rurwan nio na MATAT ködyö gwe i kiden nanyit.

Ejikele 48:8

Nyona ko kak na Yuda, suluja i swöt lo ’yure tojo i swöt lo tokotyaŋ, ködyö gwon a koret nagon ta gelakin a swöt. Temet na ŋina koret a lokiliŋan aliŋan merya murek wot mukanat i tugalaŋ nanyit, a tojolan nanyit gwe jojo ko na kunie koresi na koraki kötumitön kune, suluja i swot lo ’yure tojo i swöt lo tokotyaŋ, a pirit nake na rurwan ködyö gwe i kiden nanyit.

Yosua 21:2

A lepeŋat kulyani ko se Silo yu i jur lo Kanana adi, MATAT aje saŋu ko Mose i kutuk adi yi ködyö titiki köjinö nagon yi si ’da kata, se ko piriton yukisi nagon yi yuggi toro ’bo kaŋ.