Ejikele 48:28 - Bibilia Buk na Ŋun nagon koti luŋu a

²⁸ Nyona ko kak na Gada, i swöt lo loki, a lokökorit ködyö suluje Tamara tojo ko lelekesi ti pioŋ ti Meriba na gwon Kadesa, a kepoddi loro lo Ejipeto a lwöŋöddi tojo i Tör duma na ’balaŋ.

Ejikele 48:28 Iomraidhean Croise

Suluet 14:7

A se yitöni bot, a ’duröki Ene-misapat. (Misapat a Kadesa.) A se te ’yi jur liŋ lo Ŋutu ti Amalek, ko a te ’yi utu ti Amori Köti logon si ’da Kasason-tamar yu kulu.

Suluet 15:18

A i ŋilu lor, a MATAT teteŋdi tomoret ko Abarama, a kulyani adi, Nan a tiŋdu nyakwariat kulok ŋilo jur suluja i kare lo Ejipeto tojo ko kare duma logon a kare Perat,

2 Dekat 20:2

A kulye ŋutu iŋge po i taki­ŋdya na Yosapata adi, Lodir duma a po Edom i nu pele na tor i moro ko do; mete, lepeŋat kulu Kasason-tamar (na­gon a En-gederi.)

Saumajin 106:32

Kilo ŋutu a towoŋa Ŋun i lele-kesi ti pioŋ Meriba yu, a kulya ti Mose worani a narok kogwon kulya kase.

Yisaya 27:12

A i ŋilu lor a MATAT mo gwuddye ’bolot suluja i kare Perat tojo ko Loro lo Ejipeto, a ta ŋutu ti Yisaraele mo kwökwötöni geleŋ geleŋ.

Ejikele 47:10

a kalokak ti somot mo gwo ’de i kijiton ti ŋina tör. A ŋina pirit mo gwe a lowet na ku ’yilan suluja En-gedi tojo En-egelaim; a gweyajin ti somot liŋ mo gwe nyu jore parik gwoso somot ti Tör duma na ’balaŋ;

Ejikele 47:15

A ŋilo ködyö gwe a lokökorit lo jur: suluja i swöt lo lobot i Tör duma na ’balaŋ lwöpöddi Ketlon tojo ko lupet na Kamat, a iti tu tojo Sedada,

Kenet 20:1

A momoret liŋ na ŋutu ti Yisaraele ’dure i yöbu na Sin i yapa togeleŋ, a ŋutu kulo si ’dani Kadesa, a Miriama twane twan, a nukakine nyu.

Kenet 20:13

Kine a pioŋ ti Meriba, pirit nagoŋ ŋutu ti Yisaraele a rerenyari ko MATAT nu, a nye iŋge kweja mugun a loke kase kiden.

Kenet 34:5

a koret ködyö wöriŋöddi i Asemon tojo ko Kare lo Ejipeto, a ’dutet nanyit gwe i tör na ’balaŋ.

Yosua 13:3

(nagon suluja Sikor na gwon i swöt lo ’yure lo Ejipeto, tojo ko lokökorit lo Ekron i swöt lo lobot, ŋilo swöt a kenaki a lo ŋutu ti Kanana; a kimak ti Pelesete gwe mukanat, logon a ti Gaja, ko Asedoda, ko Asekelon, ko Gata, ko Ekron). Köti koresi ti ŋutu ti Awa nyuŋ a pituŋdyö i moka,