Ejikele 48:21 - Bibilia Buk na Ŋun nagon koti luŋu a

²¹ A pitönö na pituŋdyö i swöton murek ti koret na pirit nake se ko na köji na kodyö gwe a na kasaranit. A kak na kasaranit ködyö suluje i swöt lo yure lo koret nake nagon a lokiliŋan aliŋan merya murek wot mukanat na, a ’dakara i swöt lo ’yure tojo ko lokökorit lo jur. A köti suluje i swöt lo tokotyaŋ lo koret na pirit nake nagon a lokiliŋan aliŋan merya murek wot mukanat na, a ’dakara i swöt lo tokotyaŋ tojo ko lokökorit lo jur. A ŋina kak na kasaranit ködyö diŋöni ko kak jin nagon a koraki kötumitön kune. A koret na pirit nake se ko pirit nake na rurwan na kadi na ŊUN ködyö gwe i kiden na kine kak jin.

Ejikele 48:21 Iomraidhean Croise

Ejikele 37:24

A köliŋönit lio Dawidi mo lo gwe a mor lose, a se liŋ mo gwe ko kayukunit geleŋ. A se mo kebbi jujuwesi kwe, a tirikuni ’debba saresi kwe lo wurö.

Ejikele 48:10

A ŋina kak nake na rurwan kodyö kokorani sona: kweja adi koanejin ködyö wuju koret nagon temuŋdya a lokiliŋan aliŋan merya murek wot mukanat i swöt lo lobot, ko lokiliŋan aliŋan puök i swot lo tokotyaŋ i tugalaŋ nanyit, a i swöt lo ’yure ködyö gwe a lokiliŋan aliŋan puök i tugalaŋ nanyit, a tojolan nanyit i swöt lo loki ködyö gwe a lokiliŋan aliŋan merya murek wot mukanat, a pirit nake na rurwan nio na MATAT ködyö gwe i kiden nanyit.

Ejikele 48:20

A kak ’bukuluŋ nagon ta mo gelakin a swöt na kodyö gwe a lokiliŋan aliŋan merya murek wot mukanat i swötön liŋ, kweja adi koret na pirit nake na rurwan se ko na köji.

Ejikele 48:22

Kweja adi koret na Lewijin ko na köji ködyö gwon i kiden na koret nagon a na kasaranit, ko i kiden na lokökorit lo Yuda ko lo Benyamina.

Ejikele 48:8

Nyona ko kak na Yuda, suluja i swöt lo ’yure tojo i swöt lo tokotyaŋ, ködyö gwon a koret nagon ta gelakin a swöt. Temet na ŋina koret a lokiliŋan aliŋan merya murek wot mukanat i tugalaŋ nanyit, a tojolan nanyit gwe jojo ko na kunie koresi na koraki kötumitön kune, suluja i swot lo ’yure tojo i swöt lo tokotyaŋ, a pirit nake na rurwan ködyö gwe i kiden nanyit.

Osea 1:11

A ŋutu ti Yuda ko ti Yisaraele mo momori i ŋirit na geleŋ, a se mo wulokiŋdye ’borik duma lose geleŋ; a se mo puputuru ŋerot ’bura i jur, kogwon molu gwon a lor duma lo Yejerele.