Ejikele 47:8 - Bibilia Buk na Ŋun nagon koti luŋu a

⁸ A lepeŋ takiŋdye nan adi, Kine pioŋ ’dokon i swöt lo ’yure a ’doke tojo Araba, a nagon se aje tulöddu i tör nagon pioŋ kanyit a narok nu a se mo tiŋdi pioŋ ti tör i gwon a na ’but.

Ejikele 47:8 Iomraidhean Croise

Yuörö 15:25

A Mose gwiki ko MATAT, a MATAT kwekiŋdye lepeŋ ködini, a nye guba-kiŋdye ŋilo ködini i pioŋ lukata, a pioŋ worani pötö. A i ŋinu pirit a MATAT tetenakiŋdye se saret lo wurö ko jujuwesi, a nye tembi se nyu,

Yisaya 35:1

A yöbu se ko kak nateyon mo lyöŋi lyöŋön, a yöbu na sese mo nyolani nyola a mo turöniturö.

Yisaya 35:6

A i ŋinu diŋit a ŋutu ŋodeki mo lalabara gwoso ka ’bujin, a ŋedepa ti ŋutu mumutön mo yoloni yolo ko lyöŋön. Kogwon pioŋ mo pu ’döe kaŋo i yöbu, se ko luruki ti pioŋ i yöbu na sese;

Yisaya 35:7

a pirit nagon kolor yuyulöŋ tumo worani a jor, a kak na gwon ko kure mo worani a lelekesi ti pioŋ; a pirit si ’daet na guwekan mo worani a döru ko a pa ’doŋ ko a döru lotole.

Yisaya 43:20

A kijakwa ti mu ’diŋ mo bu ’ye nan, iŋkoi, guwekan ko tutwolön mo bu ’ya nan; kogwon nan mo tiŋdu piöŋ i yöbu, iŋkoi, nan tiŋdu karya i yöbu na sese, anyen ŋutu kwe lo wulwe böŋö mömöju.

Yisaya 49:9

anyen do kulya ko ŋutu lo rerekaadi, Lupene ta kaŋo, ko se lo gwon i mudwe adi, Kweuŋdye ta ’börik kiŋo. A se mo nyööddi i kikolin, a piritön nyöesi kase mo gwe i ko ’dulan liŋ ti merya nagon a tereryat;

Yeremia 31:9

A se mo yitwene yitwe gwigwiun, a nan mo nyökuŋdye se bot susugga lepeŋat, a nan mo tiŋdi se i wörö nyona ko luruki lo ’do ’dokon, i kiko loliliŋ anyen se gwon ti köpukö, kogwon nan a monye lo Yisaraele, a Epuraima gwe a ŋuro lio kayu.

Malaki 1:11

Kogwon karin kwe kukwon i kiden na gweyajin lio ti ŋutu suluja i swot lo ’yure tojo i swot lo tokotyaŋ, a bökur wukine nan i piriton lio se ko ’dokesi nake; kogwon karin kwe kukwon i kiden na gweyajin ti ŋutu, nan MATAT lo kurumi lo kulya sona.

Matayo 13:15

kogwon toilyet ti kilo ŋutu pomoni, a swo kase yiŋge adi boriŋ, a lepeŋat iŋge muk konyen kase. Ko kodyö ti gwon sona lepeŋat kodyö memet ko konyen kase, a yiŋe yiŋ ko swo kase, a kuru kurun ko toilyet kase, a lopukuŋdye köyö ni, a nan kodyö toke ’yi se.

Yoane 5:4

Kogwon i kunie diŋitan malaikatat lo MATAT tutu i ŋinu jor i böböŋdu na pioŋ, a ko ŋa logon a jurutökiŋdyö mugun kata a kokwe i mukök na böböŋdu na pioŋ, a nye tokelani tokela ma ’di ko nye a moka ko lon twanti.]

Nyökit 3:17

a nan tiŋdi jur logon a Araba koti, ko Yardene logon a lokökorit lonyit, suluja Kineret tojo ko tör na Araba nagoŋ a tör nagoŋ ti ’dokon nagoŋ pioŋ kanyit a ’balaŋ parik nu, na gwon i mukök na dudulesi ti mere Pisiŋa lo gwon i swöt lo ’yure lu.

Nyökit 4:49

se ko swöt lo Araba liŋ i swöt lo ’yure lo Yardene tojo ko tör na Araba, i mukök na dudulesi ti mere Pisiŋa.

Yosua 3:16

a piŋo na poŋdya i swöt lo ki kune gwo ’de gwo ’dan a poŋdi a ’dome pajo Adama yu, nu köji na diŋö ko Saretan, a se nagon ’dukun kak tojo i tör na Araba nagon a tör nagon piŋo kanyit a ’balaŋ parik kune a ’duŋöji kalor liŋ; a kulu ŋutu laŋaddi i swöt lo metaddu Yeriko.