Ejikele 47:7 - Bibilia Buk na Ŋun nagon koti luŋu a

⁷ A nagon nan aje yitö bot i kijit nu, a nan meddi kaden jore parik i swöton liŋ murek ti ŋilo kare.

Ejikele 47:7 Iomraidhean Croise

1 Moran 9:26

A mor Solomona teteŋdi teŋ na ki ’bojin Esion-geber yu nagon gwon nyona ko Elot i kijit na Tör Nator, i jur lo Edom.

2 Moran 2:13

A nye ’dumuŋdye boŋgo na Eliya nagon a muit na ’doro kak ko lepeŋ na, a yitöni bot a gwo ’de gwo ’dan i kijit na Yardene.

Yuörö 15:25

A Mose gwiki ko MATAT, a MATAT kwekiŋdye lepeŋ ködini, a nye guba-kiŋdye ŋilo ködini i pioŋ lukata, a pioŋ worani pötö. A i ŋinu pirit a MATAT tetenakiŋdye se saret lo wurö ko jujuwesi, a nye tembi se nyu,

Yisaya 60:13

A bulet na Libanon nagon a kaden ti saru, ko ti dardar, ko ti teasur mo jakine do, anyen gwon a tokwelenyesi ti pirit nio nake na rurwan; a nan mo tokweleŋdi pirit tökit na mokosi kwe.

Yisaya 60:21

A ŋutu kulök liŋ koti mo gwe a lo rigwo; a se i riŋ morgi jur ŋupi, kilo logon a kene ria wilun nagon nan a ’yutukin kak, ko a kita na könisi kwe, anyen nan böŋö bubula.

Yisaya 61:3

i tetenakiŋdya na se lo dedelya i Siona, i tiŋdu na lepeŋat jibia ti kusik i pirit na kurök, ko welet lyögit i pirit na delya, ko boŋgwat pupuresi i pirit na ködudwölön na dododdya; a se mo luguni a kaden ti löti lo rigwo, logon MATAT a ’yut anyen nye böŋö bubula.

Ejikele 47:12

A gwe-yarijin liŋ ti kaden logon ludweki kase nyenyei kulo mo ’duŋe i kijitön ti ŋilo kare i swötön kanyit liŋ murek. Koropo kase mo ti teteyon, a ludweki kase mo tine jaran i toran, ama se mo radan ludweki logon a ludukö temba i yapa, kogwon pioŋ kase ’dukun i pirit nake na rurwan. Ludweki kase mo gwon a kinyo, a koropo kase mo gwe a tolikesi.

Kweyatti 22:2

a ’doke i kiden na kiko lo köji. A ködini toruet gwe i na pele na kare ko i nu pele. Lepeŋat radan ludweki daŋin puök wot murek daŋ geleŋ temba i yapa, a koroŋo ti kilo kaden gwe a tolikesi ti jurön.