Ejikele 47:6 - Bibilia Buk na Ŋun nagon koti luŋu a

⁶ A kirut lepeŋ pipije nan adi, ŋuro lo ŋuto, do aje inet kine kulya le? A kirut lepeŋ nyököddi nan bot i kijit na kare.

Ejikele 47:6 Iomraidhean Croise

Ejikele 40:4

A ŋilo ŋuto kulyani ko nan adi, Ŋuro lo ŋuto, mete met ’bura ko yiŋe yiŋ ’bura, ko togwi ’dikiŋdye töili ilot i ŋo liŋ nagon nan de kwekwekin do kune, kogwon do a jwe ni anyen nan böŋö kwekiŋdya do se. Nyönyököki kötumit na Yisaraele ŋo liŋ nagon do de memet kune.

Ejikele 44:5

A MATAT takiŋdye nan adi, Ŋuro lo ŋuto, tirikuni tiriku ’bura, meddi ’bura, ko yiŋe yiŋ ’bura po liŋ nagon nan takin do kine i kulya ti jujuwesi se ko saresi liŋ ti kadi nio na MATAT. Tirikuni ’bura i tiju na kötumit nagon lupörikin i kadi nio na MATAT se ko kötumitön nagon lupörikin kaŋo i pirit nake na rurwan kune.

Ejikele 8:17

A lepeŋ pipije nan adi, ŋuro lo ŋuto, do aje met kine kulya? Kötumit na Yuda ŋona yeyeju adi ŋina a ŋo na pölilyö i koŋdya na ŋo na mamana i na pirit? Kilo ŋutu a tojoreju jur ko ŋonyesi a lepeŋat ’ya ’yi towoŋa nan bia parik. Mete, lepeŋat ’bo ’yu kumesikö kase ko kenia!

Ejikele 8:6

A lepeŋ pipije nan adi, ŋuro lo ŋuto, do aje met ŋo nagon se kökon kune? Do a met ŋo temejik na mamana nagon kötumit na Yisaraele kökon ni kune? Lepeŋat koŋdya kine ŋo anyen riköddu nan pajo köyö i pirit nake na rurwan. Do mo köti memet ŋo temejik na mamana nagon lwöŋgu kine.

Jakaria 4:2

A nye pipije nan adi, Do meddya nyo? A nan waddi adi, Nan meddya gwo ’diet lo lombojin logon a dakap, ko toŋgwo lo welet ko ŋilo gwo ’diet i kwe, a lombojin buryo gwe kanyit loki, ko kanapiajin buryo a ti lombojin liŋ geleŋ geleŋ logwon kanyit loki.

Jakaria 5:2

A malaikatat pipije nan adi, Do a meddya nyo? A nan waddi adi, Nan a meddya buk na ŋudula ’da ’daaddu; a tojolan nanyit gwe a lokiliŋan merya murek, a tugalaŋ nanyit gwe a lokiliŋan puök.

Matayo 13:51

Ta aje kurun kine ŋo liŋ le? A se waddi lepeŋ adi, lye, yi aje kurun.