Ejikele 47:22 - Bibilia Buk na Ŋun nagon koti luŋu a

²² A ta ködyö kökorakiŋdye ’börik a lomoriot i guba na guralan, ta se ko Lwaka logon si ’da kasu kiden logon a yuŋwe ŋwajik kasu kiden kulo. A ta ködyö konakiŋdye lepeŋat a ŋwajik lo yuŋwe i jur lo Yisaraele. Lepeŋat ko ta ködyö kökoraki lomoriot i kiden na kötumitön ti Yisaraele i guba na guralan.

Ejikele 47:22 Iomraidhean Croise

Yisaya 14:1

A MATAT mo wone konyen ko kötumit na Yakobo, iŋkoi, a mo koti wuluŋdye kötumit na nye logon a Yisaraele, a mo tosi ’dakiŋdye lepeŋat i jur lose gwak, a Lwaka mo momoruŋdye kase ni, a mo ’depakiŋdye ko Yakobo i kötumit.

Ejikele 45:1

A ko ta mo kökoroji kak i gu-ba na guralan nu, a ta ködyö koruŋdye nene kak kata a nake na rurwan nagon a nio na MATAT, a jolan nanyit ködyö gwe a lokiliŋan aliŋan merya murek wot mukanat, a tugalaŋ nanyit gwe a lokiliŋan aliŋan merya murek, a nye ködyö gwe a nake na rurwan i lokökoritan kanyit liŋ.

Ejikele 47:21

Nyena a ta ködyö kökorakiŋdye ’börik ŋilo jur gwoso i kötumitön ti Yisaraele.

Ejikele 47:23

Lwakatyo logon si ’da i nene kötumit lo ködyö kökoraki lomore nanyit. Kilo a kulyaesi kwe ti MATAT ŊUN.

Ejikele 48:29

Ŋina a kak nagon ta ködyo kökorakin i kötumitön ti Yisaraele a lomoriot kase, kweja adi kine a koresi kase. Kilo a kulyaesi kwe ti MATAT ŊUN.

Lewi 19:34

Ŋuto lo si ’da kasu kiden a lepetyo lo ködyö gwon gwoso ŋuto lo yuŋwe kasu kiden, a do ködyö nyaŋi lepeŋ gwoso mugun inot; kogwon ta köju si ’da i jur lo Ejipeto a lepelok: nan logon a MATAT ŋun losu.

Konesi 11:18

A na yiŋge momoret na kayupök lo gwon Yerusalema kulu kine kulya nu, a se gwe ’bak kulya na jajama, a pupurje Ŋun adi, Ko sona, Ŋun köti aje tiŋdu ŋutu logon ’bayin a Yudayaki kulo i löpuggö na töilyet anyen se gwon ko ru.

Konesi 15:9

Lepeŋ a ko tuka ’de ’yu yi ko lepeŋat, kogwon lepeŋ a toke ’ya töilyet kase kogwon se a yubbö.

Roma 10:12

Kogwon tuka ’de ’bayin i kiden na Yudayaki se ko na ŋutu ti kulye jurön, kogwon Matat lo geleŋ lo, lepeŋ a Matat lo ŋutu liŋ, a nye gwe a kwörinit i ŋutu liŋ lo luŋgu ŋariet ko lepeŋ kulo.

Epeso 3:6

Ŋina lwön gwon sona adi, ŋutu ti jurön bubulö parundya ko Yudayaki ŋo nagon Ŋun köju a milyekin se kune, a se liŋ gwe a swötön ti mugun geleŋ, a se liŋ köti iŋge ruköki i parundya na ŋo nagon Ŋun a milyekin ko Kristo Yesu i mugun i Loŋe Lo ’but kune.

Nyökit 10:19

Nyenagoŋ nyare nyar ŋuto lo si ’da a lepetyo kogwon ta köju si ’da a lepelok i jur lo Ejipeto.

Kolosai 3:11

Nyena ko ŋina kwe tuka ’de gwe ’bayin i kiden na Giriki ko na Yudayaki, kode i kiden na ŋutu logon a tawero ko na logon a ko tawero, iŋkoi, lwaka ko ŋutu logon a ko todinö, ko ’dupi ko lui, liŋ gwon jojo, kweja adi Kristo lo gwon a ŋo liŋ, köti nye lo gwon i ŋo liŋ.