Ejikele 47:16 - Bibilia Buk na Ŋun nagon koti luŋu a

¹⁶ tojo Berota ko Sibiraim na gwon i lokökorit lo gwon i kiden na Damaseke se ko Kamat, tojo Kasar-atikon na gwon i lokökorit lo Auran.

Ejikele 47:16 Iomraidhean Croise

Suluet 14:15

A Abarama korakiŋdye Ŋutu kanyit i mörö ko lepeŋat i tukwaje, a lepeŋ se ko kölipönök kanyit iŋge te ’ya lepeŋat, a kepoddi se tojo Koba, i swöt lo lobot lo Damaseke.

2 Samuele 8:8

nior Dawidi iŋge morga mölwö a duma parik Betak ko Berotai nagon a köjinö ti Adadejer.

1 Moran 8:65

A Solomona se ko ŋutu liŋ ti Yisaraele koŋdi rorwe i nu diŋit ko MATAT Ŋun likaŋ i komor perok buryo, a ŋutu lo momora kulo gwe jore parik logon a po suluja i kwake nagon luŋörikin Kamat tojo ko Loro lo Ejipeto.

1 Dekat 18:5

A nagon ŋutu ti Suria na Damaseke ko ŋoŋdi i parakiŋdya na Adadejer mor lo Soba nu, a Dawidi rembi ŋutu ti Suria aliŋan merya murek wot murek.

Yisaya 10:9

Kaleno gona a ko tela gwoso Karkemisa le? Kamat gona a ko tela gwoso Arpada le? Samaria gona a ko tela gwoso Damaseke le?

Ejikele 27:18

Ŋutu ti Damaseke po konut ni i tujaŋu kogwon tito kunök jore pa rik, kogwon tukwörien inot duma na ŋo liŋ ka ’de ka ’de; kweja adi binyo na jwe Kelebon, ko kupir lokwe ti köbilu,

Ejikele 47:17

Nyena kweja adi lokökorit ködyö suluja i tör tojo Kasar-enon na gwon i swot lo lobot na gwon i lokökorit lo Damaseke ko lo Kamat tojo lobot, a ŋilo mo gwe a swöt lo lobot.

Ejikele 47:18

A i swöt lo ’yure, lokökorit ködyö suluja Kasar-enon i kiden na Auran ko Damaseke kepoddu Yardene i kiden na Gilada ko jur lo Yisaraele tojo tör na gwon i swöt lo ’yure tojo Tamara, a ŋilo mo gwe a swöt lo ’yure.

Ejikele 47:20

A i swöt lo tokotyaŋ, Tör duma na ’balaŋ mo na gwon a lokökorit tojo i pirit nagon komorga lupet na Kamat, a ŋilo mo gwe a swöt lo tokotyaŋ.

Ejikele 48:1

A kine gwe a karin ti kötumitön; kweja adi suluja i ’dutet i swöt lo lobot, a lwöŋöddi Ketlon tojo lupet na Kamat, tojo Kasar-enon i lokökorit lo Damaseke i swöt lo lobot komorga Kamat, kweja adi suluja i swöt lo ’yure tojo i swöt lo tokotyaŋ kodyö gwon a koret na kötumit na Dan.

Amosa 6:14

Nan MATAT ŊUN lo kurumi lo kulya adi, Ta kötumit na Yisaraele, mete ta, nan mo totopikin ta lele jur i mörö ko ta; a lepeŋat mo ru ’ye ta suluja i kwake nagon lupörikin Kamat tojo ko loro lo Araba.

Jakaria 9:2

köti lepeŋ a kasaranit lo Kamat nagon gwon i koresi kanyit, a saŋi Turo ko Sidona, ma ’di nagon se a nakoŋ parik.

Kenet 13:21

Nyena a ŋutu kulo iti tu, a se wiruŋdye lu jur suluja i yöbu na Sin tojo ko Rekoba, nyona ko lupet na Kamat.

Kenet 34:8

a i mere Or a ta temaddi tojo ko kwake nagoŋ lupörikin Kamat, a ’dutet na ŋilo koret ködyö gwe i Sedada;

Konesi 9:2

i piyuŋdya na waragalan nagon jopa i kadijik momoresi ti Yudayaki na gwon Damaseke yu kunu, anyen ko nye ködyö a ryö ŋutu logon kebbu lo Kiko kulo, lyan kode wate, a nye ködyo bulöni bulö morga se, a nyököddi se Yerusalema a rereka.